غفلت برتنے پر اسلام آباد پولیس کے 165 اہلکاروں کے خلاف کارروائی
اشاعت کی تاریخ: 1st, January 2026 GMT
اسلام آباد پولیس میں فرائض سے غفلت اور لاپرواہی برتنے پر سخت کارروائی عمل میں لاتے ہوئے 165 اہلکاروں کو سزائیں سنا دی گئی ہیں۔
ایس ایس پی آپریشنز نے نظم و ضبط کی خلاف ورزی پر تمام متعلقہ اہلکاروں کی ایک ایک سال کی سروس ضبط کرنے کے احکامات جاری کر دیے ہیں، جس کا باقاعدہ نوٹیفکیشن بھی جاری کر دیا گیا ہے۔
پولیس ذرائع کے مطابق مختلف اہم اور حساس ڈیوٹیوں کے دوران غیر حاضری اور غفلت کے واقعات سامنے آنے پر یہ کارروائی کی گئی۔ وی وی آئی پی روٹ کی سیکیورٹی ڈیوٹی سے غیر حاضر رہنے پر 12 اہلکاروں کو سزا دی گئی، جبکہ آزاد کشمیر میں تعینات ڈیوٹی سے غائب ہونے پر 36 اہلکاروں کے خلاف محکمانہ کارروائی عمل میں لائی گئی۔
اسی طرح سہہ ملکی سیریز کے دوران سیکیورٹی ڈیوٹی میں غفلت برتنے پر 32 اہلکاروں کو سزا دی گئی، جبکہ اسلام آباد پریس کلب میں احتجاج کے موقع پر ڈیوٹی سے غیر حاضر رہنے پر 21 اہلکاروں کو محکمانہ سزاؤں کا سامنا کرنا پڑا۔
بین الپارلیمانی کانفرنس جیسے اہم ایونٹ کے دوران 64 اہلکاروں کے ڈیوٹی سے غائب رہنے کے واقعات بھی رپورٹ ہوئے، جس پر سخت ایکشن لیا گیا۔
ایس ایس پی آپریشنز کا کہنا ہے کہ سیکیورٹی جیسے حساس فرائض میں کسی بھی قسم کی کوتاہی برداشت نہیں کی جائے گی، اور مستقبل میں بھی فرائض سے غفلت برتنے والوں کے خلاف بلا امتیاز کارروائی جاری رکھی جائے گی۔ پولیس حکام کے مطابق اس اقدام کا مقصد فورس میں نظم و ضبط کو یقینی بنانا اور عوام کے جان و مال کے تحفظ کو مزید مؤثر بنانا ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل اہلکاروں کو ڈیوٹی سے
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار