اسٹرینجر تھنگز 5 کا فائنل ٹریلر جاری، الیون آخری جنگ کے لیے تیار
اشاعت کی تاریخ: 2nd, January 2026 GMT
نیٹ فلکس نے اپنی مقبول ترین سیریز ’’اسٹرینجر تھنگز‘‘ کے پانچویں اور آخری سیزن کے فائنل ایپی سوڈ کا ٹریلر جاری کردیا ہے، جس میں الیون کو ولن ویکنا کے خلاف آخری اور فیصلہ کن جنگ کے لیے تیار دکھایا گیا ہے۔
یہ فائنل ایپی سوڈ آج نہ صرف نیٹ فلکس پر ریلیز ہوگا بلکہ پہلی بار سنیما گھروں میں بھی دکھایا جائے گا۔
فائنل ایپی سوڈ کا عنوان ’’دی رائٹ سائیڈ اپ‘‘ رکھا گیا ہے، جو سیزن فائیو کی آٹھویں اور آخری قسط ہے۔ نیٹ فلکس نے سیزن فائیو کو دو حصوں میں ریلیز کیا تھا، جن میں پہلے چار ایپی سوڈز تھینکس گیونگ پر ’’والیم 1‘‘ کے طور پر جبکہ اگلے تین ایپی سوڈز کرسمس پر ’’والیم 2‘‘ کے نام سے پیش کیے گئے۔ ساتویں ایپی سوڈ پر والیم 2 کا اختتام ہوا تھا۔
ساتویں قسط میں میکس کے ہوش میں آنے کے بعد یہ انکشاف سامنے آیا کہ ویکنا کا منصوبہ اپ سائیڈ ڈاؤن کو ایک متوازی دنیا، جسے ’’ایبس‘‘ کہا گیا ہے، کے ساتھ ضم کرنا ہے۔ اس خطرے کے پیش نظر مرکزی کردار ایک منصوبہ بناتے ہیں جس کے تحت ایبس میں داخل ہو کر اغوا شدہ بچوں کو آزاد کرایا جائے اور بم کے ذریعے اس دنیا کو تباہ کردیا جائے۔
قسط کے اختتام پر ویکنا، جو انسانی روپ میں ہنری کریل بنا ہوا ہے، اپنے زیرِ اثر لوگوں کے ساتھ ایک پراسرار عمل میں مصروف دکھائی دیتا ہے۔
تقریباً ایک دہائی قبل میٹ اور راس ڈفر نے اس سیریز کو تخلیق کیا تھا، جس کا پہلا سیزن جولائی 2016 میں ریلیز ہوا اور دیکھتے ہی دیکھتے یہ عالمی سطح پر ایک سنسنی بن گئی۔ اس کے بعد 2017 اور 2019 میں دوسرے اور تیسرے سیزن پیش کیے گئے، جبکہ چوتھا سیزن بھی دو حصوں میں 2022 میں ریلیز کیا گیا۔ اس سیریز سے متاثر ہو کر اسٹیج پلے ’’اسٹرینجر تھنگز: فرسٹ شیڈو‘‘ بھی بنایا گیا، جو لندن کے ویسٹ اینڈ کے بعد اب براڈوے میں پیش کیا جا رہا ہے۔
حالیہ انٹرویو میں ڈفر برادران نے بتایا کہ فائنل میں سب سے بڑا سوال یہ ہے کہ الیون کے لیے خوشگوار انجام کیسے ممکن ہوگا، جب کہ دنیا بچانے کے باوجود وہ فوج کے نشانے پر رہے گی۔ ان کے مطابق الیون کا کردار اس سیزن میں مائیک کے پُرامید نظریے اور کیلی کے حقیقت پسندانہ مگر مایوس کن سوچ کے درمیان کشمکش کا شکار نظر آئے گا۔
’’اسٹرینجر تھنگز‘‘ نیٹ فلکس کی تاریخ کی مقبول ترین سیریز میں شامل ہے اور اب تک 1.
ڈفر برادران کے مطابق فائنل ایپی سوڈ کو سنیما میں دیکھنے کے لیے 11 لاکھ سے زائد افراد پہلے ہی رجسٹریشن کرا چکے ہیں، جبکہ 620 سے زائد تھیٹرز میں 3 ہزار 500 سے زیادہ شوز مکمل طور پر فروخت ہو چکے ہیں۔
TagsShowbiz News Urdu
ذریعہ
ذریعہ: Al Qamar Online
کلیدی لفظ: پاکستان کھیل اسٹرینجر تھنگز نیٹ فلکس کے لیے
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار