برطانوی ایئر لائن نورس اٹلانٹک کو پاکستان کے لیے براہِ راست پروازوں کی منظوری دیدی، وزیر دفاع
اشاعت کی تاریخ: 2nd, January 2026 GMT
وزیر دفاع خواجہ محمد آصف نے اعلان کیا ہے کہ پاکستان نے برطانیہ کی ایئر لائن نورس اٹلانٹک کو نامزد کرکے براہِ راست پروازیں شروع کرنے کی منظوری دے دی ہے۔ اس ایئرلائن کی پروازیں لندن، مانچسٹر اور برمنگھم سے پاکستان کے دارالحکومت اسلام آباد کے لیے دستیاب ہوں گی۔
مزید پڑھیں: برطانیہ میں عمران خان کے پوسٹر والے ٹرک پر نامعلوم افراد نے سیاہی پھینک دی
وزیر دفاع کے ٹویٹ کے مطابق بین الاقوامی ایئر لائنز کی اس آمد سے پاکستان میں مسابقتی ماحول فروغ پائے گا، جس کے نتیجے میں عالمی معیار کی سہولیات اور کرایوں میں توازن پیدا ہوگا۔
پاکستان نے برطانیہ کی ایئرلائن نورس اٹلانٹک (Norse Atlantic) کو نامزد کرنے کی منظوری دے دی ہے۔ یہ ایئرلائن لندن، مانچسٹر اور برمنگھم سے پاکستان کے دارالحکومت اسلام آباد کے لیے براہِ راست پروازیں شروع کرے گی۔
پاکستان میں بین الاقوامی ایئرلائنز کی پروازوں میں اضافے سے مسابقتی…
— Khawaja M.
ایک دوسری ٹویٹ میں انہوں نے بتایا کہ 6 سال کے وقفے کے بعد پی آئی اے 29 مارچ 2026 سے براہِ راست لندن ہیتھرو کے لیے پروازیں دوبارہ شروع کر رہا ہے۔ ابتدائی طور پر ہفتے میں 4 پروازیں چلائی جائیں گی اور آئندہ مزید اضافہ کرنے کا منصوبہ ہے تاکہ بیرونِ ملک مقیم پاکستانی اپنے وطن سے دوبارہ جوڑے جا سکیں۔
مزید پڑھیں: لندن کے لیے پی آئی اے کی براہ راست پروازوں کی بحالی، آغاز کب سے ہوگا؟
وزیر دفاع نے اس کامیابی کو پاکستان سول ایوی ایشن اور پی آئی اے کی مسلسل محنت کا نتیجہ قرار دیا، جس کے ذریعے پی آئی اے کی بین الاقوامی ساکھ کو مضبوط کیا جا رہا ہے۔ خواجہ آصف نے اپنے ٹویٹس میں خوشی کا اظہار کرتے ہوئے کہا کہ ’پاکستان زندہ باد! الحمدللہ‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Norse Atlantic برطانیہ وزیر دفاع خواجہ محمد آصف
ذریعہ
ذریعہ: WE News
کلیدی لفظ: برطانیہ وزیر دفاع خواجہ محمد آصف وزیر دفاع کے لیے
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ