سابق کھلاڑی مشتاق احمد کی بیٹی کی شادی، معروف کرکٹرز کی شرکت
اشاعت کی تاریخ: 2nd, January 2026 GMT
قومی ٹیم کے سابق مایہ ناز لیگ اسپنر مشتاق احمد کی صاحبزادی نوال کی حال ہی میں نہایت شاندار اور پروقار شادی کی تقریب منعقد ہوئی جس میں کرکٹرز اور مختلف شعبوں سے تعلق رکھنے والے افراد نے شرکت کی۔
دلہن نوال نے آئس بلیو اور سلور رنگ کا نفیس لہنگا زیب تن کیا جس کے ساتھ دیدہ زیب دوپٹہ ان کے لباس کی خوبصورتی کو مزید بڑھا رہا تھا جبکہ دولہا ٹو پیس سوٹ میں ملبوس نظر آئے۔
View this post on Instagram
A post shared by Asad Ali Photography (@asad_aliphoto)
شادی کی اس تقریب میں قومی کرکٹ ٹیم کے سابق اور موجودہ کھلاڑیوں سمیت مشتاق احمد کے قریبی دوستوں نے بھی شرکت کی جن میں مصباح الحق، معین خان، انضمام الحق اور دیگر معروف شخصیات شامل تھیں۔
مہمانوں نے جوڑے کے لیے نیک تمناؤں کا اظہار کیا اور مشتاق احمد کو اس خوشی کے موقع پر دلی مبارک باد پیش کی۔ گزشتہ برس انہوں نے اپنی بڑی صاحبزادی حبیبہ کی شادی کی تھی۔
View this post on Instagram
A post shared by کُڑمائ (@kudmaai.
واضح رہے کہ مشتاق احمد نہ صرف اپنی شاندار کرکٹ خدمات کے لیے جانے جاتے ہیں بلکہ وہ پاکستان کرکٹ بورڈ کے ساتھ بطور کوچ بھی خدمات انجام دے چکے ہیں اور آج کل ٹیلی وژن پر بطور کرکٹ تجزیہ کار اپنی رائے کا اظہار کرتے نظر آتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مشتاق احمد مشتاق احمد بیٹی شادی
ذریعہ
ذریعہ: WE News
کلیدی لفظ: مشتاق احمد مشتاق احمد بیٹی شادی مشتاق احمد
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار