پیدائش کی شرح بڑھانے کے لیے چین میں مانع حمل ادویات پر ٹیکس عائد
اشاعت کی تاریخ: 2nd, January 2026 GMT
چین نے پیدائش کی کم ہوتی شرح کو بڑھانے کی کوششوں کے تحت مانع حمل ادویات اور آلات پر گزشتہ 3 دہائیوں سے حاصل ٹیکس استثنیٰ یکم جنوری سے ختم کر دیا۔
یہ بھی پڑھیں: چین: بچہ پیدا کریں اور حکومت سے 1،500 ڈالر لے لیں، بیک ڈیٹ کی بھی سہولت
رائٹرز کے مطابق نئے فیصلے کے تحت کنڈوم اور مانع حمل گولیوں پر اب 13 فیصد ویلیو ایڈڈ ٹیکس (وی اے ٹی) عائد ہوگا جو چین میں زیادہ تر صارف اشیا پر لاگو معیاری شرح ہے۔
یہ اقدام ایسے وقت میں سامنے آیا ہے جب بیجنگ دنیا کی دوسری بڑی معیشت میں گرتی ہوئی پیدائش کی شرح پر قابو پانے کے لیے کوشاں ہے۔
چین کی آبادی سنہ 2024 میں مسلسل تیسرے سال کم ہوئی جبکہ ماہرین نے خبردار کیا ہے کہ یہ رجحان آئندہ بھی جاری رہنے کا امکان ہے۔
گزشتہ برس چین نے بچوں کی دیکھ بھال کے لیے دی جانے والی سبسڈی کو انکم ٹیکس سے مستثنیٰ قرار دیا اور سالانہ چائلڈ کیئر سبسڈی متعارف کروائی۔
سنہ 2024 کے دوران حکومت نے دیگر ’تولیدی دوست‘ اقدامات بھی کیے جن میں کالجوں اور جامعات کو ہدایت دینا شامل تھا کہ وہ شادی، محبت، تولید اور خاندان کے تصور کو مثبت انداز میں اجاگر کرنے کے لیے محبت کی تعلیم فراہم کریں۔
مزید پڑھیے: چین: تمام تر حکومتی سہولیات کے باوجود چینی مزید بچے پیدا کرنے کو تیار نہیں، کیوں؟
چینی قیادت نے گزشتہ ماہ سالانہ سینٹرل اکنامک ورک کانفرنس میں ایک بار پھر پیدائش کی شرح کو مستحکم کرنے کے لیے مثبت شادی اور بچوں کی پیدائش کے رویوں کے فروغ کا عزم ظاہر کیا۔
شرح پیدائش میں کمی کی وجہچین میں پیدائش کی شرح میں کمی کی ایک بڑی وجہ سنہ 1980 سے سنہ 2015 تک نافذ رہنے والی ’ایک بچہ‘ پالیسی اور تیز رفتار شہری آبادی میں اضافہ بتایا جاتا ہے۔
مزید پڑھیں: چینی صدر کی خواتین کو شادی اور بچے پیدا کرنے کے نئے کلچر کو فروغ دینے کی اپیل
اس کے علاوہ بچوں کی پرورش اور تعلیم کے بڑھتے اخراجات، روزگار میں عدم استحکام اور سست ہوتی معیشت نے بھی بہت سے نوجوان چینی شہریوں کو شادی اور خاندان شروع کرنے سے دور رکھا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چین چین میں شرح پیدائش میں کمی چین میں مانع حمل ادویات پر ٹیکس.
ذریعہ
ذریعہ: WE News
کلیدی لفظ: چین چین میں شرح پیدائش میں کمی پیدائش کی شرح چین میں کے لیے
پڑھیں:
امریکا نے پاکستان سمیت 60 ممالک پر نئے ٹیرف عائد کر دیئے
امریکا نے جبری مشقت کی روک تھام میں ناکامی پر60 سے زائد تجارتی شراکت داروں پر 10 سے 12.5 فیصد تک ٹیرف عائد کردیئے ہیں۔ 24 جولائی سے نئے ٹیرف کا اطلاق ہو رہا ہے اور پاکستان ان ممالک کی فہرست میں شامل ہے، جن پر 10 فیصد ٹیرف عائد کیا جا رہا ہے۔ وائٹ ہاؤس کی جانب سے یہ نیا اقدام صدر ڈونلڈ ٹرمپ کے عالمی ٹیرف کے نظریے کو بحال کرنے کی کوشش ہے۔ فروری 2026 میں امریکی سپریم کورٹ نے صدر ٹرمپ کی جانب سے مختلف ممالک کی اشیا پر لگائے جانے والے 10 سے 50 فیصد اضافی ٹیرف کے نفاذ کو کالعدم قرار دیا تھا۔ اس بار ٹرمپ انتظامیہ کی جانب سے امریکی ٹریڈ ایکٹ کے سیکشن 301 کو استعمال کرکے 60 سے زائد ممالک پر ٹیرف عائد کیے جا رہے ہیں۔ امریکی حکام کے مطابق یہ ممالک جبری مشقت سے تیار کردہ اشیا کی درآمد پر پابندی عائد کرنے اور اس حوالے سے قوانین کو مؤثر طریقے سے نافذ کرنے میں ناکام رہے ہیں۔ ارجنٹینا، بنگلا دیش، برطانیہ، کمبوڈیا، کینیڈا، ایکواڈور، ایل سلواڈور، گوئٹے مالا، ہونڈوراس، بھارت، انڈونیشیا، اردن، ملائیشیا، میکسیکو، پاکستان، سری لنکا، ٹرینیڈاڈ اور ٹوباگو کی اشیا پر 10 فیصد ٹیرف عائد کیا گیا ہے۔ دیگر 38 ممالک کی درآمدی اشیا پر 12.5 فیصد ٹیرف عائد کیا جائے گا۔ کچھ امریکی تجارتی شراکت داروں جیسے آسٹریلیا اور برازیل نے اس پر سخت ردعمل کا اظہار کرتے ہوئے کہا کہ یہ نئے ٹیرف غیرمنصفانہ ہیں اور وہ انہیں ختم کرانے کی کوشش کریں گے جبکہ ناروے کا کہنا تھا کہ بے بنیاد الزامات پر اس کا نفاذ کیا جا رہا ہے۔ نئے ٹیرف میں مختلف درآمدی اشیا جیسے خام تیل، قدرتی گیس، مخصوص غذائی اجناس اور اشیا سمیت کھاد کو شامل نہیں کیا گیا۔ اسی طرح جو اشیا جیسے اسٹیل، گاڑیاں، ایلومنیم اور تانبا وغیرہ پہلے سے سیکشن 232 نیشنل سکیورٹی ٹیرف میں شامل ہیں، ان پر بھی اس کا نفاذ نہیں ہوگا۔
بھارت سے جنگ اور افغانستان میں کارروائی خارج ازامکان نہیں، وزیردفاع