زلمی مدرسہ لیگ پنجاب کا افتتاح، لاہور میں چھٹے ایڈیشن کا آغاز
اشاعت کی تاریخ: 2nd, January 2026 GMT
لاہور میں زلمی مدرسہ لیگ کے چھٹے ایڈیشن کا آغاز ہو گیا ہے جس کے افتتاحی دن 3 میچز کھیلے گئے۔
افتتاحی تقریب میں اسپیکر پنجاب اسمبلی ملک محمد احمد خان، وزیر کھیل ملک فیصل ایوب کھوکر، وجیہ قمر (منسٹر آف اسٹیٹ، فیڈرل ایجوکیشن و پروفیشنل ٹریننگ)، مینیجر جنرل (ریٹائرڈ) ڈاکٹر غلام قمر، ڈائریکٹوریٹ جنرل مذہبی تعلیم کے ڈاکٹر محمد راغب حسین نعیمی اور چیرمین کونسل آف اسلامک آڈیولوجی شریک ہوئے۔ اس موقع پر پروفیسر ڈاکٹر محمد علی، پنجاب یونیورسٹی کے وائس چانسلر اور پشاور زلمی کے چیف آف آپریٹنگ آفیسر میاں عباس لائق بھی موجود تھے۔
اس سے قبل زلمی مدرسہ لیگ کا کامیاب انعقاد پشاور، گلگت، کوئٹہ اور آزاد کشمیر میں کیا جا چکا ہے اور اس چھٹے ایڈیشن کا انعقاد پشاور زلمی، زلمی فاؤنڈیشن اور پیغام پاکستان کے اشتراک سے پنجاب میں ہو رہا ہے۔
ایونٹ میں 15 ٹیمیں شریک ہیں اور فائنل 6 جنوری کو کھیلا جائے گا۔ افتتاحی تقریب کی نظامت ڈاکٹر احمد خاور شہزاد (ڈی سی او پنجاب سینٹر آف ایکسیلینس آن سی وی ای) نے انجام دی جبکہ غلام صغیر شاہد نے بھی ادارے کی نمائندگی کی۔
پہلے دن کے میچز کے نتائجمیچ 1: پینتھرز 69 رنز 6 وکٹوں کے نقصان پر۔ انونسبلز 6 اوورز میں 4 وکٹوں کے نقصان پر ہدف حاصل کر کے چھ وکٹوں سے جیت گئے۔
میچ 2: لائنز 113 رنز 3 وکٹوں کے نقصان پر۔ رویالز 7.
میچ 3: اسٹرائیکرز 73 رنز 7 وکٹوں کے نقصان پر۔ میورکس نے 7.2 اوورز میں ہدف حاصل کر کے ایک وکٹ سے جیت حاصل کی۔
زلـمی مدرسہ لیگ مدارس کے طلبہ کو کھیلوں، قائدانہ صلاحیتوں اور قومی دھارے کے اداروں کے ساتھ مثبت تعلقات قائم کرنے کے مواقع فراہم کرتی ہے۔
یہ لیگ طلبہ میں خود اعتمادی، نظم و ضبط، ٹیم ورک اور مثبت سماجی کردار فروغ دینے کے لیے ایک منفرد پلیٹ فارم کے طور پر کام کرتی ہے۔
چیئرمین پشاور زلمی جاوید آفریدی نے کہا کہ زلـمی مدرسہ لیگ میرے دل کے بہت قریب ہے۔ انہوں نے مزید کہا کہ مدارس کے طلبہ کو برسوں نظرانداز کیا گیا، حالانکہ ان میں بے پناہ صلاحیت ہے۔
ان کا کہنا تھا کہ اس لیگ کے ذریعے ہم انہیں اعتماد کے ساتھ آگے بڑھنے، قیادت کرنے اور مثبت مقابلے کا حصہ بننے کے مواقع فراہم کر رہے ہیں۔ ان کا مزید کہنا تھا کہ ہمارا مقصد ہے کہ یہ نوجوان پاکستان کے روشن مستقبل میں فعال اور مثبت کردار ادا کریں۔
پیغام پاکستان کے مطابق زلمی مدرسہ لیگ سیزن 6 مدارس کے طلبہ میں قیادت، نظم و ضبط اور مثبت قومی شمولیت کو فروغ دینے کی ایک مؤثر کوشش ہے۔
واضح رہے کہ زلمی فاؤنڈیشن، پشاور زلمی کی فلاحی شاخ ہے جو پاکستان بھر میں کھیل، تعلیم، صحت اور نوجوانوں کے بااختیار بنانے کے منصوبوں کے ذریعے سماجی ترقی کے لیے سرگرمِ عمل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پنجاب اسمبلی ملک محمد احمد خان چیئرمین پشاور زلمی جاوید آفریدی زلمی مدرسہ لیگ
ذریعہ
ذریعہ: WE News
کلیدی لفظ: اسپیکر پنجاب اسمبلی ملک محمد احمد خان چیئرمین پشاور زلمی جاوید آفریدی زلمی مدرسہ لیگ وکٹوں کے نقصان پر زلمی مدرسہ لیگ پشاور زلمی اور مثبت
پڑھیں:
بارشوں کے پانی نے لاہور انتظامیہ کی پول کھول دی‘ اقبال ٹاﺅن اور جوہر ٹاﺅن میں مرکزی شاہراﺅں پر شگاف پڑگئے
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) صوبائی دارالحکومت لاہور میں علامہ اقبال ٹاﺅن مین بلیوارڈکی سروس روڈپربھیکے وال کے نزدیک 10فٹ گہرا شگاف پڑگیا ہے‘اسی طرح جوہر ٹاﺅن مصروف ترین شاہراہ خیابان فردوسی پر ایک اورگڑھا پڑ گیاہے گزشتہ تین روز کے دوران مذکورہ سڑک پریہ دوسرا گڑھا پڑا. بارش کے بعد مرکزی شاہراہ پر گڑھنے پڑنے سے حادثات کا خدشہ بڑھ گیا حکام کے مطابق سڑک کی مرمت کا کام شروع ہوگیا گڑھا پڑنے سے ٹریفک کی روانی جزوی طور پر متا ثر ہوئی دوسری جانب اقبال ٹاﺅن میں بھیکے والے موڑ جانب فاروق ہسپتال سروس روڈ پر 10 فٹ گہرا شگاف پڑ گیا.(جاری ہے)
سڑک کے درمیان پڑنے والے گہرے شگاف کے باعث ٹریفک کی روانی متاثر ہو رہی ہے شگاف پڑنے سے کوئی جانی نقصان نہیں ہوا، متعلقہ افسران اور واسا کی ٹیمیں موجود ہیں ٹریفک پولیس کا کہنا ہے کہ متعلقہ محکموں نے سروس روڈ پر شگاف پر کرنے کیلئے کام شروع کردیا. واضح رہے کہ 17جولائی کو ہونے والی بارش سے فیروزپور روڈ پرنشتر کالونی کے قریب سروس روڈ کا ایک حصہ بیٹھ گیا تھا جس کے نتیجے میں وہاں کھڑی تین موٹر سائیکلیں گڑھے میں جا گریں تھیں. شہریوں کا کہنا ہے کہ پورے شہر کے اندر یہی حال ہے بارشوں میںمتوسط آبادیوںکے اندر سڑکوں کے بیٹھ جانے کے واقعات زیادہ ہوتے ہیں مگر انہیں کوریج نہیں ملتی‘نجی یونیورسٹی کے لیکچرار معاذالاسلام سول انجینئرنگ پڑھاتے ہیں ان کا کہنا ہے کہ بدقسمتی سے پاکستان میں سب سے زیادہ بدعنوانی اس شعبے میں ہے ناقص میٹریل اور زمین کی کمپریشن عالمی لیول کی نہیں کی جاتی . ان کا کہنا ہے کہ ٹھیکے دار اب کئی دن مٹی کو کمپریس کرنے میں نہیں لگا اور نہ ہی میٹریل ڈالنے کے بعد ٹھیک طریقے سے اسے کمپریس کیا جاتا ہے ‘مٹی نرم ہونے سے اگر پانی راستہ بنالے تو چند ہفتوں میں ہی اس ایریا کے نیچے زمین کھوکھلی ہوجاتی ہے اور بارشوں کے دوران شگاف پڑنے لگتے ہیں. انہوں نے بتایا کہ لاہور فیصل آباد موٹر وے کو جب تجرباتی طور پرچھوٹی گاڑیوں کے لیے کھولا گیا تھا تو لاہور سے فیصل آباد کے سفر کے دوران انہوں نے نوٹ کیا تھا کہ کئی سو ارب کی لاگت سے بنی اس سڑک میں لیول کا بھی خیال نہیں رکھا تھا اور یہ موٹروے مکمل طور پر ناہموار تھا جس پر انہوں نے کچھ دیگر انجینئرز کے ساتھ مل کر ایک تجزیاتی رپورٹ این ایچ اے اور پنجاب حکومت کو ارسال کی تھی تاہم آج تک ہمیں اس پر کوئی جواب نہیں ملا.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا