کراچی: مائی کلاچی کے قریب مین ہول سے 4 لاشیں برآمد، تحقیقات جاری
اشاعت کی تاریخ: 2nd, January 2026 GMT
کراچی کے علاقے مائی کلاچی کے قریب ایک مین ہول سے 4 افراد کی لاشیں برآمد ہوئی ہیں۔
ڈی آئی جی ساؤتھ اسد رضا کے مطابق برآمد ہونے والی لاشوں میں 2 مرد اور 2 خواتین شامل ہیں، جن کی عمر 10 سے 15 دن پرانی بتائی جا رہی ہے۔ پولیس حکام کا کہنا ہے کہ واقعے کی اطلاع ملتے ہی پولیس کی نفری موقع پر پہنچ گئی اور علاقے کو گھیرے میں لے کر شواہد اکٹھے کیے جا رہے ہیں۔
یہ بھی پڑھیے: کراچی: جناح ایئرپورٹ پر غیرملکی ایئر لائن کے دفتر سے اسٹیشن مینیجر کی لاش برآمد
پولیس کے مطابق لاشیں کافی حد تک مسخ ہو چکی تھیں، جس سے اندازہ ہوتا ہے کہ یہ 15 سے 20 روز پرانی ہو سکتی ہیں۔ ڈی آئی جی ساؤتھ اسد رضا نے مزید بتایا کہ ابتدائی معلومات کے مطابق مرنے والوں میں ایک مرد، دو خواتین اور ایک بچہ شامل ہے، تاہم حتمی تصدیق پوسٹ مارٹم رپورٹ کے بعد کی جائے گی۔
پولیس نے لاشوں کو قانونی کارروائی کے لیے اسپتال منتقل کر دیا ہے، جہاں پوسٹ مارٹم کے بعد موت کی وجوہات کا تعین کیا جائے گا۔
یہ بھی پڑھیے: حیدرآباد: حال ہی میں ریٹائر ہونے والے ایس پی گھر سے مردہ برآمد
کیماڑی پولیس کے مطابق واقعے کے مختلف پہلوؤں سے تحقیقات کی جا رہی ہیں، جبکہ علاقے میں نصب سی سی ٹی وی کیمروں کی فوٹیجز بھی حاصل کی جا رہی ہیں تاکہ واقعے کی اصل وجوہات سامنے آ سکیں۔
پولیس حکام کا کہنا ہے کہ تحقیقات مکمل ہونے کے بعد واقعے سے متعلق مزید تفصیلات سامنے لائی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس کراچی لاش مائی کلاچی.
ذریعہ
ذریعہ: WE News
کلیدی لفظ: پولیس کراچی لاش مائی کلاچی کے مطابق
پڑھیں:
فرانس میں جنگلاتی آگ نے 43 ہزار افراد کو انخلا پر مجبور کردیا
جنوب مغربی فرانس میں جنگلاتی آگ کے پھیلنے کے باعث 43,000 سے زائد رہائشیوں اور سیاحوں کو محفوظ مقامات پر منتقل کر دیا گیا ہے۔
میڈیا رپورٹس کے مطابق آرکاچون بے اور جزیرہ نما کیپ فیرٹ کے قریب سب سے بڑی آگ نے 8,700 ایکڑسے زیادہ رقبے کو جلا دیا ہے۔
رات بھر آگ لگنے کے بعد حکام نے پورے جزیرہ نما کیپ فیرٹ کو خالی کرنے کا حکم دیا۔
مقامی حکام کے مطابق ہمسایہ خطوں میں بسکاروس کے قریب ایک علیحدہ جنگلاتی آگ نے 2,500 ایکڑ سے زیادہ رقبہ کو جلا دیا ہے جس سے 23,000 سے زائد افراد نقل مکانی پر مجبور ہوئے جن میں رہائشی، کیمپرز اور چھٹیاں منانے آئے سیاح شامل ہیں۔
فرانسیسی صدر ایمانوئل میکرون نے امریکی سوشل میڈیا کمپنی ایکس پر کہا کہ فرانس نے یورپی یونین کے شہری تحفظ کے طریقہ کار کو فعال کر دیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع