طیفی بٹ کے بہنوئی کے قتل کیس میں اہم پیشرفت، مرکزی ملزم کے گھر پر چھاپہ
اشاعت کی تاریخ: 3rd, January 2026 GMT
پولیس نے طیفی بٹ کے بہنوئی جاوید بٹ کے قتل کیس میں اہم پیشرفت کرتے ہوئے مرکزی ملزم امیر فتح کے گھر پر چھاپہ مارا اور تین ملازمین کو حراست میں لے کر تفتیش شروع کر دی ہے۔
نجی میڈیا کے مطابق، پولیس کی جوائنٹ انویسٹی گیشن ٹیم نے امیر فتح کے گھر “رنگ محل” میں چھاپہ مارا۔ ذرائع کے مطابق ملزم امیر فتح اہل خانہ سمیت گھر سے فرار ہو چکا تھا اور گھر تالے لگا کر چھوڑا گیا تھا۔
چھاپے کے دوران امیر فتح کے تین ملازمین کو حراست میں لیا گیا، جن سے مرکزی ملزم اور دیگر ملوث افراد کے بارے میں پوچھ گچھ کی جائے گی۔
یاد رہے کہ عدالت نے امیر فتح کی ضمانت آج خارج کر دی تھی، جبکہ جوائنٹ انویسٹی گیشن ٹیم نے اپنی تفتیش میں امیر فتح کو قتل کا مرکزی ملزم قرار دیا تھا۔
طیفی بٹ کے بہنوئی جاوید بٹ کو گزشتہ سال لاہور کے مال روڈ پر موٹرسائیکل سواروں نے گولیاں مار کر قتل کیا تھا، جس کے بعد پولیس کی تحقیقات جاری ہیں۔
ذریعہ
ذریعہ: Daily Mumtaz
کلیدی لفظ: امیر فتح
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار