کراچی اوپن کے ذریعے اسکواش میں پاکستان کی واپسی کی کوشش، ریکارڈ انعامی رقم کا اعلان
اشاعت کی تاریخ: 4th, January 2026 GMT
پاکستان نے عالمی سطح پر اسکواش میں اپنی کھوئی ہوئی پہچان بحال کرنے کے لیے ایک بڑا قدم اٹھاتے ہوئے ریکارڈ انعامی رقم کے حامل بین الاقوامی ٹورنامنٹ کا انعقاد کرنے کا اعلان کیا ہے، تاہم سیاسی کشیدگی کے باعث بھارتی کھلاڑیوں نے ایونٹ میں شرکت سے گریز کیا ہے۔
یہ بھی پڑھیں:پاکستان کی ماہ نور علی نے سنگاپور جونیئر اسکوائش اوپن چیمپیئن شپ جیت لی
عرب نیوز کی رپورٹ کے مطابق پاکستان آئندہ ہفتے اپنی تاریخ کا سب سے زیادہ انعامی رقم والا اسکواش ٹورنامنٹ منعقد کرنے جا رہا ہے، جس کا مقصد ملک میں اسکواش کے زوال کو روکنا اور عالمی سطح پر دوبارہ نمایاں مقام حاصل کرنا ہے۔ کراچی اوپن انٹرنیشنل اسکواش ٹورنامنٹ 6 سے 11 جنوری تک کھیلا جائے گا، جس میں مجموعی طور پر 2 لاکھ 42 ہزار ڈالر کی انعامی رقم رکھی گئی ہے۔
یہ ایونٹ پروفیشنل اسکواش ایسوسی ایشن ورلڈ ٹور گولڈ کا حصہ ہے اور مردوں و خواتین دونوں مقابلوں میں برابر انعامی رقم دی جائے گی، جو حالیہ برسوں میں پاکستان میں منعقد ہونے والا ایک نایاب اعلیٰ سطحی بین الاقوامی ٹورنامنٹ ہے۔
اسکواش کے عالمی لیجنڈ اور سندھ اسکواش ایسوسی ایشن کے سربراہ جہانگیر خان نے اس ٹورنامنٹ کو تاریخی قدم قرار دیتے ہوئے کہا کہ پاکستان اسکواش میں اپنی ماضی کی بالادستی واپس لانے کے لیے سنجیدہ کوششیں کر رہا ہے۔
یہ بھی پڑھیں:علی سسٹرز نے کمال کر دکھایا، تینوں بہنیں آسٹریلین جونیئر اوپن اسکواش کے سیمی فائنل میں
ان کے مطابق اس بین الاقوامی ایونٹ کا پُرامن انعقاد دنیا میں پاکستان کا مثبت تاثر اجاگر کرے گا اور نئی صلاحیتوں کو سامنے لانے میں مدد دے گا۔
ٹورنامنٹ کے منتظمین کے مطابق سیاسی وجوہات اور محدود کھیلوں کے تبادلوں کے باعث بھارت کے صفِ اول کے کھلاڑیوں نے ایونٹ سے دستبرداری اختیار کر لی ہے۔ اس صورتحال پر تبصرہ کرتے ہوئے جہانگیر خان نے کہا کہ کھیل کو سیاست سے الگ رکھا جانا چاہیے اور بھارتی کھلاڑیوں کو اس عالمی مقابلے میں شرکت کرنی چاہیے تھی۔
مردوں کے مقابلوں میں مصر کے عالمی نمبر 4 کریم عبدالغواد سرفہرست ہوں گے، جب کہ ان کے ہم وطن اور عالمی نمبر 7 مروان الشورباجی دوسرے سیڈ کے طور پر میدان میں اتریں گے۔ پاکستان کی نمائندگی 4 کھلاڑی کریں گے، جن میں عالمی انڈر 23 چیمپئن نور زمان بھی شامل ہیں۔
خواتین کے مقابلوں میں مصر کی عالمی نمبر 4 امینہ عرفی ٹاپ سیڈ ہوں گی، جب کہ ملائیشیا کی عالمی نمبر 7 سیواسانگیری سبرامانیئم دوسرے نمبر پر ہوں گی۔ دو پاکستانی خواتین کھلاڑیوں کو منتظمین کی جانب سے وائلڈ کارڈ انٹری دی گئی ہے۔
عرب نیوز کے مطابق منتظمین آئندہ برس کراچی اوپن کو پلاٹینم اسٹیٹس دلانے کا ارادہ رکھتے ہیں، جس کے لیے مجوزہ طور پر 10 لاکھ ڈالر انعامی رقم رکھنے کی منصوبہ بندی کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: عالمی نمبر کے مطابق کے لیے
پڑھیں:
حکومت کا مسلسل تین دنوں میں پیٹرولیم مصنوعات مہنگی کرنے کا نیا ریکارڈ
سٹی 42: حکومت نے پیٹرول اور ڈیزل کی قیمت میں اضافہ کردیا
حکومت کی جانب سے پیٹرول4روپے 40پیسے مہنگا کردیاگیاجبکہ ڈیزل کی قیمت میں 3روپے 62پیسےا ضافہ کیا گیا ہے۔
پیٹرول کی نئی قیمت 331روپے 52پیسے ہوگئی،ڈیزل کی نئی قیمت 378روپے 66پیسے مقرر کردی۔
واضح رہے پیٹرولیم مصنوعات کی قیمتوں میں روزانہ کی بنیاد پرتعین کیا جارہا ہے ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار