بدانتظامی پر گوجرانوالہ ٹیچنگ ہسپتال کا پرنسپل، ایم ایس فارغ، زندگیاں منور کرنے والے قابل تحسین: مریم نواز
اشاعت کی تاریخ: 5th, January 2026 GMT
لاہور (نوائے وقت رپورٹ) سی ایم انسپکشن ٹیم گوجرانوالہ ٹیچنگ ہسپتال پہنچ گئی، بدانتظامی پر نئے ایم ایس اور پرنسپل کو فارغ کر دیا گیا- وزیراعلی مریم نواز شریف کی ہدایت پرصوبائی معاون خصوصی شعیب مرزا نے خصوصی ٹیم گوجرانوالہ ٹیچنگ ہسپتال روانہ کی- سی ایم انسپکشن ٹیم نے گوجرانوالہ ٹیچنگ ہسپتال کے مختلف شعبوں کااچانک معائنہ کیا-مریضوں اور تیمارداروں سے گوجرانوالہ ٹیچنگ ہسپتال کے امور پر گفتگو کی اور فیڈ بیک لیا-مریضوں اور تیمارداروں نے میڈیسن کی فراہمی میں بدانتظامی کی شکایات کیں۔ وزیراعلیٰ مریم نوازشریف نے گڈ گورننس کا نیا ماڈل متعارف کرا دیا-وزیراعلیٰ پنجاب مریم نوازشریف کی ہدایت پر سی ایم انسپکشن ٹیم فیلڈ میں متحرک ہو چکی ہے- انسپکشن ٹیم کی طرف سے وزیراعلیٰ مریم نواز شریف کو روزانہ رپورٹ پیش کی جاتی ہے، روزانہ مانیٹرنگ کے لئے ڈیش بورڈ بھی فنکشنل کردیاگیا ہے-وزیراعلیٰ مریم نوازپنجاب بھر میں سرکاری اداروں کی خود لائیو مانیٹرنگ کررہی ہیں -وزیراعلیٰ مریم نوازشریف کی ہدایت پر عوام کو سہولیات کی فراہمی یقینی بنانے کے لئے سی ایم انسپکشن ٹیموں کی ہسپتالوں میں چیکنگ جاری ہے- مریضوں کو مفت ادویات اورسہولتوں کی فراہمی میں کوتاہی کی فوری نشاندہی کی جاتی ہے-وزیراعلیٰ مریم نوازشریف کی ہدایت پر انسپکشن ٹیمیں ہیلتھ اورایجوکیشن کے علاوہ دیگر اداروں کی بھی مانیٹرنگ کریں گی۔ وزیراعلیٰ پنجاب مریم نوازشریف نے بصارت کی نعمت سے محروم افراد کے رسم الخط ’’بریل‘‘کے عالمی دن پراپنے پیغام میں بصارت سے محروم افراد کے لئے معاون رسم الخط ’’بریل‘‘ کے موجد لوئس بریل کو خراج تحسین پیش کیا اور کہاکہ ''بریل '' بصارت سے محروم افراد کے لئے علم اور امید کی کرن ہے۔ بصارت سے محروم افراد کی زندگیوں کو علم سے منور کرنے والے قابل تحسین ہیں۔ وزیراعلیٰ مریم نوازشریف نے کہاکہ پنجاب میں سپیشل افراد کیلئے سینٹر آف ایکسیلنس قائم کررہے ہیں۔ بے بصارت افراد کے لئے سینٹر آف ایکسیلنس سپیشل ایجوکیشن سینٹرز میں بریل ریڈنگ سسٹم بھی مہیا کیا گیا ہے۔ وزیراعلیٰ مریم نوازشریف نے کہاکہ سینٹر آف ایکسیلنس سپیشل ایجوکیشن میں بے بصارت افراد کو’’بریل‘‘ پر پڑھتے دیکھ کر بے پایاں خوشی ہوئی۔ سینٹر آف ایکسیلنس سپیشل مراکز میں بریل نظام کتابت کے ذریعے درس وتدریس کا پورا سسٹم متحرک ہے۔ بصارت سے محروم افراد سپیشل صلاحیتوں کے مالک ہیں۔ دریں اثناء وزیراعلیٰ پنجاب مریم نواز شریف نے سرگودھا میں کرنٹ لگنے سے تین بھائیوں کے جاں بحق ہونے پر گہرے دکھ اور افسوس کااظہار کیاہے-وزیراعلیٰ مریم نواز شریف نے سوگوار خاندان سے دلی ہمدردی و تعزیت کااظہار کیا- وزیراعلیٰ مریم نواز شریف نے واقعہ کی رپورٹ طلب کرلی ہے۔
.
ذریعہ
ذریعہ: Nawaiwaqt
کلیدی لفظ: بصارت سے محروم افراد سینٹر ا ف ایکسیلنس سی ایم انسپکشن ٹیم مریم نوازشریف نے مریم نواز شریف شریف کی ہدایت کی ہدایت پر افراد کے شریف نے کے لئے
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار