اسحاق ڈار کی چینی حکام سے ملاقاتیں، سٹرٹیجک پارٹنر شپ مزید مضبوط بنانے کا عزم
اشاعت کی تاریخ: 5th, January 2026 GMT
اسلام آباد (خبر نگار خصوصی + نوائے وقت رپورٹ) نائب وزیراعظم و وزیر خارجہ سینیٹر محمد اسحاق ڈار نے چین کی کمیونسٹ پارٹی کے بین الاقوامی شعبہ کے وزیر لیو ہائی شِنگ سے ملاقات کی۔ دفتر خارجہ سے جاری بیان کے مطابق نائب وزیراعظم و وزیر خارجہ سینیٹر محمد اسحاق ڈار نے وزیر لیو ہائی شنگ کو کمیونسٹ پارٹی آف چائنا کی مرکزی کمیٹی کے 20ویں اجلاس کے چوتھے سیشن کے کامیاب انعقاد پر مبارکباد دی۔ دونوں فریقین نے دو طرفہ تعلقات کی پائیدار اور مستقبل کی سمت میں مثبت پیش رفت پر اطمینان کا اظہار کیا جبکہ جماعتی سطح کے روابط، علاقائی صورتحال اور سی پیک کے تحت مختلف منصوبوں میں ہونے والی پیش رفت کا بھی جائزہ لیا۔ انہوں نے سفارتی تعلقات کے قیام کی 75ویں سالگرہ کو شایانِ شان اور بامقصد انداز میں مشترکہ طور پر منانے پر بھی اتفاق کیا۔ واضح رہے کہ نائب وزیرِاعظم و وزیرِ خارجہ سینیٹر محمد اسحاق ڈار چین کے دورے پر ہیں جہاں وہ ساتویں پاکستان چین سٹریٹجک ڈائیلاگ کی مشترکہ صدارت کریں گے۔ نوائے وقت رپورٹ کے مطابق اسحاق ڈار نے چین کے ایگزیکٹو نائب وزیراعظم سے بھی ملاقات کی جس میں سی پیک سمیت مختلف شعبوں میں تعاون کو نئی جہت دینے پر اتفاق کیا۔ دریں اثناء نائب وزیراعظم و وزیرِ خارجہ سینیٹر محمد اسحاق ڈار نے چین کے وزیر خارجہ وانگ یی کی دعوت پر بیجنگ کا دورہ کیا اور پاکستان ۔چین وزرائے خارجہ کے سٹریٹجک ڈائیلاگ کے ساتویں دور کی مشترکہ صدارت کی۔ اتوار کو دفتر خارجہ سے جاری بیان کے مطابق فریقین نے پاکستان اور چین کے تعلقات کے تمام پہلوؤں کا جامع جائزہ لیا اور علاقائی و عالمی سطح کے اہم امور پر تبادلہ خیال کیا۔ سی پیک، تجارت، کثیرالجہتی تعاون اور عوامی روابط کے فروغ کے لیے تفصیلی گفتگو کی۔ دونوں اطراف سے سٹریٹجک تعاون پر مبنی شراکت داری کی اہمیت کو اجاگر کرتے ہوئے اس بات کا اعادہ کیا کہ پاکستان اور چین کی دوستی خطے اور دونوں ممالک کے لیے امن، استحکام اور خوشحالی کے لیے نہایت اہم ہے۔ کثیرالجہتی فورمز پر باہمی ہم آہنگی مزید مضبوط بنانے پر بھی اتفاق کیا گیا۔ دونوں رہنماؤں نے پاکستان اور چین کے مابین سفارتی تعلقات کے قیام کی 75ویں سالگرہ کو شایانِ شان انداز میں منانے پر بھی اتفاق کیا۔ دریں اثناء نائب وزیراعظم و وزیرِ خارجہ سینیٹر محمد اسحاق ڈار نے بنگلہ دیش کے مشیر خارجہ محمد توحید حسین سے ٹیلی فون پر گفتگو کی ہے۔ دونوں رہنماؤں نے دوران گفتگو پاکستان بنگلہ دیش تعلقات کا جائزہ لیا اور مختلف شعبوں میں تعاون کو مزید فروغ دینے کے عزم کا اعادہ کیا۔ دفتر خارجہ سے جاری بیان کے مطابق دونوں رہنماؤں نے ایشیا اور مشرقِ وسطیٰ میں حالیہ پیش رفت پر بھی تبادلہ خیال کیا اور بدلتی صورتحال کے تناظر میں قریبی رابطے میں رہنے پر اتفاق کیا۔ دریں اثناء نائب وزیراعظم و وزیر خارجہ سینیٹر محمد اسحاق ڈار نے ملائیشیا اور مصر کے وزرائے خارجہ کے ساتھ ٹیلیفونک گفتگو کی۔ دفتر خارجہ سے جاری بیان کے مطابق رہنماؤں نے دو طرفہ تعلقات کی موجودہ صورتحال کا جائزہ لیا اور مختلف شعبوں میں تعاون کو مزید فروغ دینے کے مشترکہ عزم کا اعادہ کیا۔ انہوں نے حالیہ علاقائی پیش رفت بشمول ایشیا اور مشرقِ وسطیٰ کی بدلتی صورتحال پر بھی تبادلہ خیال کیا۔ فریقین نے مسلسل مشاورت کی اہمیت پر زور دیا اور تمام سطحوں پر قریبی رابطے میں رہنے پر اتفاق کیا۔ علاوہ ازیں انہوں نے معاملات کے حل کیلئے مکالمے اور سفارتکاری پر زور دیا۔ پاک چین سفارتی تعلقات کی 73 ویں سالگرہ کے لوگو کی بیجنگ میں نقاب کشائی کی۔ نائب وزیراعظم اسحاق ڈار نے پاک چین دوستی کی خصوصی تصویری نمائش دیکھی۔ سفارتی تعلقات کے قیام کی 75 ویں سالگرہ شایان شان طریقے سے منانے پر اتفاق کیا۔ تصویری نمائش میں پاک چین سفارتی تعلقات کے اہم تاریخی مراحل اور سنگ میل اجاگر کئے گئے۔ تصویری نمائش پاکستان اور چین کے مشترکہ سفر اور دیرینہ دوستی کی عکاس قرار دی گئی۔
.
ذریعہ
ذریعہ: Nawaiwaqt
کلیدی لفظ: دفتر خارجہ سے جاری بیان کے مطابق خارجہ سینیٹر محمد اسحاق ڈار نے سفارتی تعلقات کے پر اتفاق کیا رہنماو ں نے جائزہ لیا پیش رفت اور چین پر بھی چین کے
پڑھیں:
خطے میں تنازعات کے پُرامن حل کیلئے کوششیں جاری رکھیں گے: اسحاق ڈار
اسحاق ڈار---فائل فوٹونائب وزیرِ اعظم اسحاق ڈار نے کہا ہے کہ امریکا ایران تنازع میں پاکستان کی ثالثی کوششوں کو یورپی یونین کی جانب سے سراہا گیا ہے، پاکستان خطے میں امن، سفارت کاری اور تنازعات کے پُرامن حل کے لیے اپنی کوششیں جاری رکھے گا۔
یورپی یونین کی رہنما کایا کالاس کے ساتھ مشترکہ پریس کانفرنس میں انہوں نے کہا کہ آخری یورپی یونین وزٹ 7 سال پہلے ہوا تھا، ہم پچھلے سال بھارت پاکستان جنگ اور ایران امریکا تنازع کے دوران قریبی رابطے میں رہے، آج ہم نے مشترکہ طور پر اسٹریٹیجیک مذاکرات کی صدارت کی، ہم نے پچھلے سال نومبر میں مشترکہ اسٹریٹیجیک مذاکرات کیے تھے، امریکا ایران تنازع کے دوران یورپی یونین کے تعاون کا مشکور ہوں۔
اسحاق ڈار نے کہا کہ ہم نے سیکیورٹی ایشوز اور دہشت گردی کے امور پر بھی بات کی، فتنہ الخوارج اور فتنہ الہندوستان کی افغانستان میں موجودگی پر بھی بات کی، پاکستان اور یورپی یونین کے تعلقات میں مثبت پیشرفت جاری ہے، کایا کالاس کا دورہ اس کا واضح ثبوت ہے۔
یورپی یونین کی خارجہ امور اور سیکیورٹی پالیسی کی سربراہ نے امریکا ایران تنازع کے حل کے لیے پاکستان کےثالثی اقدامات کی تعریف کر دی۔
ان کا کہنا ہے کہ پاکستان اور یورپی یونین کے درمیان آٹھواں اسٹریٹجک ڈائیلاگ اعلیٰ ترین ادارہ جاتی مکالمہ ہے، پاکستان اور یورپی یونین کے درمیان تجارت، سرمایہ کاری اور ترقیاتی تعاون کے فروغ پر اتفاق ہوا، جی ایس پی پلس فریم ورک کے تحت پاکستان اور یورپی یونین کا تجارتی تعاون دونوں فریقوں کے لیے فائدہ مند ہے، اسلام آباد میں پاکستان یورپی یونین بزنس فورم کا انعقاد دو طرفہ اقتصادی تعلقات کے فروغ میں اہم پیش رفت ہے۔
نائب وزیرِ اعظم نے کہا کہ مقبوضہ کشمیر تنازع کا حل کشمیری عوام کی خواہشات اور اقوامِ متحدہ کی قراردادوں کے مطابق ہونا چاہیے، انڈس واٹرز معاہدہ برقرار ہے، حالیہ عدالتی فیصلے نے پاکستان کے مؤقف کی تائید کی ہے، افغان سر زمین سے دہشت گرد عناصر کی پاکستان میں کارروائیاں بدستور ہماری بڑی تشویش ہیں، پاکستان اور یورپی یونین نے دو طرفہ تعلقات کو جامع اور باہمی مفاد پر مبنی شراکت داری میں تبدیل کرنے کے عزم کا اعادہ کیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ