اسٹاک ایکسچینج میں تاریخی تیزی، انڈیکس پہلی بار 181 ہزار پوائنٹس عبور کرگیا
اشاعت کی تاریخ: 5th, January 2026 GMT
پاکستان اسٹاک ایکسچینج میں تیزی کا رجحان برقرار رہا اور پیر کو کاروبار کے آغاز کے چند ہی منٹوں میں 100 انڈیکس تاریخ میں پہلی بار 181 ہزار کی سطح عبور کر گیا۔
صبح 9 بج کر 40 منٹ پربینچ مارک کے ایس ای 100 انڈیکس 1,828.56 پوائنٹس یعنی 1.02 فیصد اضافے کے ساتھ 180,863.49 پوائنٹس پر موجود تھا۔
یہ بھی پڑھیں:
مارکیٹ میں اہم شعبوں میں خریداری کا دباؤ دیکھا گیا، جن میں آٹو موبائل اسمبلرز، سیمنٹ، کمرشل بینکس، تیل و گیس کی تلاش و پیداوار کرنے والی کمپنیاں، آئل مارکیٹنگ کمپنیاں اور پاور جنریشن شامل ہیں۔
انڈیکس پر اثرانداز ہونے والے بڑے شیئرز جیسے حبکو، ماری، او جی ڈی سی، پول، پی پی ایل، پی ایس او، ایس این جی پی ایل، ایس ایس جی سی، ایچ بی ایل، ایم سی بی، میزل اور یو بی ایل سبز نشان میں ٹریڈ کرتے رہے۔
PSX Opened Positive ????
☀️ KSE 100 opened positive by +1820.
— Investify Pakistan (@investifypk) January 5, 2026
گزشتہ ہفتے کے دوران پاکستان کی ایکویٹی مارکیٹ نے مضبوط تیزی کا سلسلہ جاری رکھا اور کے ایس ای 100 انڈیکس نئی تاریخی بلند ترین سطح پر بند ہوا۔
افراطِ زر میں کمی کے آثار، مختلف شعبوں کی بہتر کارکردگی اور سرمایہ کاروں کی بڑھتی ہوئی شمولیت نے مارکیٹ میں تیزی کے رجحان کو تقویت دی۔
مزید پڑھیں:
کے ایس ای 100 انڈیکس میں ہفتہ وار بنیاد پر 6,634 پوائنٹس یعنی 3.8 فیصد اضافہ ریکارڈ کیا گیا اور انڈیکس 179,035 پوائنٹس پر بند ہوا، جبکہ اس سے قبل ہفتے کے اختتام پر یہ 172,401 پوائنٹس پر تھا۔
عالمی سطح پر پیر کے روز ایشیائی اسٹاک مارکیٹس میں اضافہ دیکھا گیا جبکہ تیل کی قیمتوں میں اتار چڑھاؤ رہا، کیونکہ سرمایہ کار امریکا کی جانب سے وینزویلا میں فوجی کارروائی کے اثرات اور سال کے پہلے مکمل کاروباری ہفتے میں آنے والے اہم معاشی اعداد و شمار پر غور کر رہے تھے۔
ایم ایس سی آئی کا جاپان کے علاوہ ایشیا پیسیفک خطے کے شیئرز پر مشتمل وسیع ترین انڈیکس 1.2 فیصد بڑھا، جبکہ ایس اینڈ پی 500 ای-منی فیوچرز میں 0.1 فیصد اضافہ ہوا۔
سرمایہ کار ایک ہنگامہ خیز ویک اینڈ کے اثرات کا جائزہ لے رہے ہیں، جس کے دوران امریکا نے وینزویلا کے صدر نکولس مادورو کو حراست میں لیا۔ صدر ڈونلڈ ٹرمپ نے ہفتے کے روز کہا کہ امریکا وینزویلا کو عارضی طور پر امریکی کنٹرول میں لے رہا ہے۔
مزید پڑھیں:
علاقائی مارکیٹس میں جاپان کا نکی 225 انڈیکس 2.8 فیصد اضافے کے ساتھ دو ماہ قبل قائم ہونے والی ریکارڈ سطح کے قریب پہنچ گیا۔ جاپانی شیئرز میں اس وقت مزید بہتری آئی جب اعداد و شمار سے ظاہر ہوا کہ دسمبر میں مینوفیکچرنگ سرگرمی مستحکم ہوئی اور پانچ ماہ سے جاری تنزلی کا سلسلہ رک گیا۔
جنوبی کوریا کا کوسپی اور تائیوان کی مارکیٹیں بھی دو فیصد سے زائد اضافے کے ساتھ نئی ریکارڈ بلند ترین سطحوں پر پہنچ گئیں۔ چین کی مارکیٹس نسبتاً محتاط رہیں، جہاں ہینگ سینگ انڈیکس میں معمولی 0.1 فیصد اضافہ ہوا، تاہم چینی تیل کمپنیوں کے شیئرز دباؤ میں رہے اور ہانگ کانگ میں درج توانائی کے شیئرز کے انڈیکس میں 3.1 فیصد کمی دیکھی گئی۔ آسٹریلوی شیئرز میں بھی 0.1 فیصد اضافہ ہوا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹاک ایکسچینج انڈیکس ایشیا پیسیفک پاکستان وینزویلا
ذریعہ
ذریعہ: WE News
کلیدی لفظ: اسٹاک ایکسچینج انڈیکس ایشیا پیسیفک پاکستان وینزویلا فیصد اضافہ ایس ای
پڑھیں:
سونے کی قیمت میں نمایاں کمی،فی تولہ نئی قیمت جانئے
اسلام آباد(نیوز ڈیسک)آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 18 سو روپے سستا ہو گیا ہے، جس کے بعد نئی قیمت 4 لاکھ 32 ہزار 36 روپے ہو گئی ہے۔
اسی طرح 10 گرام سونے کی قیمت بھی ایک ہزار 5 سو 43 روپے کی کمی کے بعد 3 لاکھ 70 ہزار 401 روپے پر آ گئی ہے۔
یاد رہے کہ ایک روز قبل یعنی بدھ کو سونے کی فی تولہ قیمت میں 46 سو روپے کا اضافہ ہوا تھا، جس کے بعد یہ 4 لاکھ 33 ہزار 836 روپے تک پہنچ گئی تھی۔ قبل ازیں منگل کو بھی سونے کی فی تولہ قیمت 4 ہزار 700 روپے اضافے کے بعد 4 لاکھ 29 ہزار 236 روپے ہو گئی تھی۔
بین الاقوامی مارکیٹ میں بھی سونے کی قیمت میں کمی دیکھنے میں آئی، جہاں قیمت 18 ڈالر کم ہو کر 4 ہزار 96 ڈالر فی اونس (20 ڈالر پریمیم کے ساتھ) ہو گئی۔
دوسری جانب چاندی کی قیمت میں بھی کمی ریکارڈ کی گئی ہے، اور فی تولہ چاندی 33 روپے سستی ہو کر 6 ہزار 3 سو 70 روپے پر آ گئی ہے۔
تجزیہ کاروں کے مطابق ملک میں سونے اور چاندی کی قیمتوں میں کمی کی بنیادی وجہ عالمی مارکیٹ میں قیمتوں کے اتار چڑھاؤ اور ڈالر ریٹ کے باعث واقع ہوئی ہے۔
مزید پڑھیں۔پیٹرولیم مصنوعات کی قیمتوں میں بڑا اضافہ کردیا گیا،نئی قیمتیں جانئے
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار