پاکستان میں رمضان المبارک اور عیدالفطر کے چاند سے متعلق ممکنہ تاریخوں کی پیش گوئی
اشاعت کی تاریخ: 5th, January 2026 GMT
پاکستان میں رمضان المبارک اور عیدین کے چاند سے متعلق ممکنہ تاریخوں کی پیش گوئی سامنے آ گئی ہے۔ میڈیا رپورٹس کے مطابق رویتِ ہلال ریسرچ کونسل کے سیکرٹری جنرل خالد اعجاز مفتی نے فلکیاتی حسابات کی بنیاد پر بتایا ہے کہ پاکستان میں رمضان المبارک کا چاند 18 فروری کو نظر آنے کا امکان ہے، جس کے مطابق یکم رمضان 19 فروری بروز جمعرات ہو سکتا ہے۔ اسی طرح شوال کا چاند 20 مارچ کو نظر آنے کی توقع ہے، جس کے نتیجے میں عیدالفطر 21 مارچ بروز ہفتہ منائے جانے کا امکان ظاہر کیا گیا ہے۔ خالد اعجاز مفتی کے مطابق عیدالاضحیٰ کے حوالے سے بھی پیش گوئی کی گئی ہے جس کے تحت یکم ذوالحجہ 17 مئی اور عیدالاضحیٰ 27 مئی بروز بدھ ہو سکتی ہے۔ انہوں نے واضح کیا کہ یہ تمام تاریخیں ابتدائی اندازوں پر مبنی ہیں جبکہ رمضان المبارک اور عیدین کے چاند کا حتمی اعلان مرکزی رویتِ ہلال کمیٹی ہی کرے گی۔
.
ذریعہ
ذریعہ: Nawaiwaqt
کلیدی لفظ: رمضان المبارک
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ