سپریم کورٹ: جعلی دستاویزات پر امریکی ویزا کیس، درخواست ضمانت پر نوٹسز جاری
اشاعت کی تاریخ: 5th, January 2026 GMT
سپریم کورٹ نے جعلی دستاویزات کے ذریعے امریکی ویزا حاصل کرنے کی مبینہ کوشش کرنے والی ملزمہ کی درخواست ضمانت پر سماعت کی اور فریقین کو نوٹس جاری کر دیے۔
مزید پڑھیں: سپریم کورٹ کے مستعفی ججز کو پینشن کی مد میں بھاری رقم ملنے پر خواجہ آصف بول پڑے
ملزمہ کے وکیل کے مطابق، 20 افراد نے امریکا کا ویزا اپلائی کیا تھا، جن میں سے 6 افراد کی دستاویزات جعلی نکلنے پر کارروائی کی گئی۔ ملزمہ ایک ریٹائرڈ سرکاری ملازمہ اور بطور ٹرینر سرگرم تھیں۔
سماعت کے دوران جسٹس جمال مندوخیل نے کہا کہ خاتون کا نام آرہا ہے تو ہم نوٹس لے رہے ہیں۔ ہمارے معاشرے میں خواتین کا بہت احترام ہے، لیکن خاتون کو بھی اپنی عزت برقرار رکھنے کے لیے محتاط رہنا پڑتا ہے۔
مزید پڑھیں: سال 2025: سپریم کورٹ، آئین، سیاست اور انصاف، فیصلے جو تاریخ بدل گئے
جسٹس مسرت ہلالی نے بھی کہا کہ خاتون کو خود اپنی عزت کروانا ہوتی ہے۔ عدالت نے کیس کی مزید سماعت غیر معینہ مدت کے لیے ملتوی کر دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی ویزا کیس جسٹس جمال مندوخیل جسٹس مسرت ہلالی جعلی دستاویزات سپریم کورٹ.
ذریعہ
ذریعہ: WE News
کلیدی لفظ: امریکی ویزا کیس جسٹس جمال مندوخیل جسٹس مسرت ہلالی جعلی دستاویزات سپریم کورٹ سپریم کورٹ
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار