عمران خان کا پیغام سندھ کے شہر شہر لے جایا جائے گا،حلیم عادل شیخ
اشاعت کی تاریخ: 6th, January 2026 GMT
وزیر اعلیٰ خیبرپختونخوا 9 سے 11 جنوری تک سندھ کا تاریخی دورہ کریں گے،پی ٹی آئی
آٹھ فروری یومِ سیاہ کے طور پر منائیں گے عوامی مینڈیٹ پر ڈاکہ ڈالا گیا،پریس کانفرنس
پاکستان تحریک انصاف سندھ کے صدر حلیم عادل شیخ نے انصاف ہاؤس کراچی میں اہم پریس کانفرنس سے خطاب کرتے ہوئے کہا کہ چیٔرمین پی ٹی آئی عمران خان نے اپنا واضح اور دوٹوک پیغام قوم تک پہنچانے کی ذمہ داری وزیر اعلیٰ خیبرپختونخوا سہیل آفریدی کو سونپی ہے، اسی سلسلے میں وہ 9 سے 11 جنوری 2026 تک سندھ کا دورہ کر رہے ہیں۔ انہوں نے کہا کہ پی ٹی آئی کسی ایک صوبے یا شہر کی نہیں بلکہ پورے پاکستان کی جماعت ہے اور عمران خان کا پیغام سندھ کے شہر شہر لے جایا جائے گا۔حلیم عادل شیخ نے کہا کہ وزیر اعلیٰ خیبرپختونخوا سہیل آفریدی کا دورہ سندھ پوری تنظیم سے مشاورت کے بعد حتمی شکل دیا گیا ہے۔ 9 جنوری کو وہ اسلام آباد سے روانہ ہو کر گیارہ بجے کراچی ایٔرپورٹ پہنچیں گے جہاں سندھ کی عوام اور پارٹی کارکنان ان کا بھرپور استقبال کریں گے۔ کپتان کے نمائندے کو ریلی کی صورت میں انصاف ہاؤس لایا جائے گا، جہاں دوپہر بارہ بجے سے سہ پہر تین بجے تک پارٹی رہنماؤں اور مختلف وفود سے ملاقاتیں ہوں گی۔ بعد ازاں فیڈریشن آف پاکستان چیمبرز آف کامرس اینڈ انڈسٹری کی دعوت پر تاجروں سے ملاقات، ساڑھے چار بجے کراچی پریس کلب میں میٹ دی پریس، پھر ضلع ساؤتھ، کورنگی اور ملیر میں اسٹریٹ موومنٹس اور اسیران سے ملاقاتیں شیڈول کا حصہ ہیں۔انہوں نے بتایا کہ 10 جنوری کو وزیر اعلیٰ خیبرپختونخوا کراچی سے حیدرآباد کے لیے روانہ ہوں گے۔ دورانِ سفر جامشورو کے مقام پر سندھ یونائیٹڈ پارٹی کے صدر سید زین شاہ کی جانب سے استقبال کیا جائے گا۔ کوٹری میں اسٹریٹ موومنٹ، حیدرآباد ہائی کورٹ بار اور حیدرآباد پریس کلب میں خطاب، دانشوروں، صحافیوں اور کاشتکاروں سے ملاقاتیں، انصاف ہاؤس حیدرآباد میں پارٹی اجلاس اور آئی ایس ایف کنونشن میں شرکت کے بعد حیدرآباد میں عوامی اسٹریٹ موومنٹس منعقد کی جائیں گی۔ اسی روز سندھ کابینہ کا اجلاس بھی ہوگا جس کے بعد کراچی واپسی عمل میں آئے گی۔
.
ذریعہ
ذریعہ: Juraat
پڑھیں:
وزیراعلی سندھ مراد علی شاہ کا مون سون کے پیش نظر انتظامیہ کو الرٹ رہنے کا حکم
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ اسلام ٹائمز۔ سندھ کے وزیر اعلی سید مراد علی شاہ کی ہدایت پر صوبائی ڈیزاسٹر مینجمنٹ اتھارٹی (پی ڈی ایم اے) نے سندھ بھر کی ضلعی انتظامیہ کو ہائی الرٹ کر دیا ہے اور تمام متعلقہ محکموں کو احتیاطی اور ہنگامی ردعمل کے اقدامات کرنے کی ہدایت کی ہے، کیونکہ بحیرہ عرب سے آنے والے مون سون کے طاقتور ہوائی سلسلے صوبے کو متاثر کر رہے ہیں۔ پی ڈی ایم اے کی جانب سے جاری کردہ موسمیاتی ایڈوائزری کے مطابق، پاکستان محکمہ موسمیات (پی ایم ڈی) کی پیش گوئی کی بنیاد پر ملک میں داخل ہونے والے مون سون کے طاقتور ہوائی سلسلے، بالائی اور وسطی علاقوں کو متاثر کرنے والے مغربی موسمی نظام کے ساتھ مل کر، 23 جولائی سے 25 جولائی تک سندھ کے کئی اضلاع میں وسیع پیمانے پر بارش، گرج چمک اور بعض مقامات پر موسلا دھار بارش کا سبب بن سکتے ہیں۔
وزیراعلی مراد علی شاہ نے تمام ڈپٹی کمشنرز، ضلعی انتظامیہ، بلدیاتی اداروں، آبپاشی حکام، محکمہ صحت، امدادی اداروں اور مقامی حکومت کے اداروں کو مکمل طور پر چوکس رہنے، ہنگامی ردعمل کی ٹیموں کو تیار رکھنے، نکاسی آب کے نظام کو فعال رکھنے اور انسانی جانوں اور املاک کے تحفظ کے لیے تمام ضروری اقدامات کرنے کی ہدایت کی ہے۔ وزیر اعلی نے ڈویژنل کمشنرز اور بلدیاتی اداروں کو مزید ہدایت کی کہ وہ نشیبی علاقوں، شہری مراکز اور حساس مقامات کی کڑی نگرانی کریں، امدادی سامان اور آلات کی دستیابی یقینی بنائیں اور موسمیاتی پیش گوئی کی مدت کے دوران تمام محکموں کے درمیان بلاتعطل رابطہ برقرار رکھیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار