معروف ٹک ٹاکر ٹریفک حادثے میں جاں بحق
اشاعت کی تاریخ: 6th, January 2026 GMT
ملائیشیا کی معروف ٹک ٹاک اسٹار نورال اتھیرا جو سوشل میڈیا پر اتھیرا عونی کے نام سے مشہور تھیں 3 جنوری کو پیش آنے والے ایک موٹر سائیکل حادثے میں جاں بحق ہو گئیں۔ مرحومہ کی عمر 21 برس تھی۔
اتھیرا عونی کے ٹک ٹاک سمیت مختلف سوشل میڈیا پلیٹ فارمز پر 77 ہزار سے زائد فالوورز تھے۔ وہ ٹک ٹاک پر لائیو اسٹریمنگ اور اپنے والد کے کھانے کے اسٹال پر روٹی کنی (روایتی بھارتی فلیٹ بریڈ) بناتے ہوئے ویڈیوز کی وجہ سے خاصی مقبول تھیں۔
یہ بھی پڑھیں: معروف ٹک ٹاکر پیاری مریم زچگی کے دوران انتقال کر گئیں
پولیس کے مطابق حادثہ رات تقریباً 2 بج کر 30 منٹ پر پیش آیا جب اتھیرا عونی اپنی موٹر سائیکل پر دائیں لین میں سفر کر رہی تھیں کہ ایک اور موٹر سائیکل سوار نے پیچھے سے ٹکر مار دی۔ ابتدائی تحقیقات کے مطابق دوسرے موٹر سائیکل سوار نے اپنی گاڑی کو سنبھالنے کی کوشش کی جس کے باعث یہ حادثہ رونما ہوا۔
حادثے کے نتیجے میں اتھیرا عونی موقع پر ہی دم توڑ گئیں،جبکہ دوسرے موٹر سائیکل سوار کے ہاتھ، کہنی اور ران پر چوٹیں آئیں۔ زخمی کو ٹنکو قریبی اسپتال منتقل کیا گیا جہاں اس کا علاج جاری ہے۔ مرحومہ کی لاش کو بھی پوسٹ مارٹم کے لیے اسی اسپتال منتقل کر دیا گیا۔
یہ بھی پڑھیں: ’یس کنگ‘ میم کے خالق اور معروف ٹک ٹاکر مائیکل وِلس ہیرڈ 53 سال کی عمر میں انتقال کرگئے
اتھیرا عونی کی وفات کے بعد سوشل میڈیا پر غم و افسوس کا اظہار کیا جا رہا ہے۔ ان کی قریبی دوست نے مرحومہ کی ایک ویڈیو شیئر کی جس میں وہ اپنے والد کے اسٹال پر روٹی کنی بنا رہی تھیں۔ ویڈیو کے کیپشن میں لکھا گیا کہ یہ مرحومہ کی آخری ویڈیو تھی جو انہوں نے اپنی روانگی سے قبل بنوانے کی خواہش ظاہر کی تھی۔
اتھیرا عونی کی ناگہانی موت نے سوشل میڈیا صارفین اور ان کے مداحوں کو گہرے رنج و غم میں مبتلا کر دیا ہے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹاک ٹاکر انتقال ٹک ٹاک ٹک ٹاکر جاں بحق.
ذریعہ
ذریعہ: WE News
کلیدی لفظ: ٹاک ٹاکر انتقال ٹک ٹاک ٹک ٹاکر جاں بحق معروف ٹک ٹاک اتھیرا عونی موٹر سائیکل سوشل میڈیا مرحومہ کی ٹک ٹاکر
پڑھیں:
ایران جنگ طول پکڑنے پر ٹرمپ کو میڈیا اور اپنی انتظامیہ کے دباؤ کا سامنا
امریکی صدر کا کہنا تھا کہ اگر سفارتی کوششیں کامیاب نہ ہوئیں اور کوئی معاہدہ طے نہ پایا تو امریکہ ایران کے خلاف سخت کارروائی کرے گا۔ اسلام ٹائمز۔ ایران جنگ کے طول پکڑنے پر امریکی صدر ڈونلڈ ٹرمپ میڈیا اور اپنی انتظامیہ کے دباؤ کا سامنا کر رہے ہیں۔ الجزیرہ ٹی وی کے مطابق امریکی صدر ڈونلڈ ٹرمپ کو میڈیا اور ممکنہ طور پر اپنی ہی انتظامیہ کی جانب سے بڑھتے ہوئے دباؤ کا سامنا ہے، خاص طور پر اس حوالے سے کہ وہ بارہا یہ پیش گوئی کرتے رہے ہیں کہ موجودہ تنازع جلد ہی حل ہو جائے گا۔ تنازع کے آغاز پر ٹرمپ نے دعویٰ کیا تھا کہ جنگ صرف چند دن جاری رہے گی، بعد ازاں انہوں نے کہا کہ معاملہ چند ہفتوں میں حل ہو جائے گا، تاہم جنگ طویل عرصے سے جاری ہے اور اس کے خاتمے کے آثار تاحال واضح نہیں ہیں، اس کے باوجود ٹرمپ مسلسل اس بات پر زور دے رہے ہیں کہ معاہدہ قریب ہے۔
ان کا کہنا ہے کہ اگر سفارتی کوششیں کامیاب نہ ہوئیں اور کوئی معاہدہ طے نہ پایا تو امریکہ ایران کے خلاف سخت کارروائی کرے گا، صدر ٹرمپ روزانہ کی بنیاد پر اس مؤقف کا اعادہ کر رہے ہیں کہ فریقین معاہدے کے قریب پہنچ چکے ہیں، لیکن اگر بات چیت کسی نتیجے تک نہ پہنچی تو امریکا اپنی فوجی طاقت استعمال کرنے سے گریز نہیں کرے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ