بشریٰ انصاری جعلی اکاؤنٹس سے تنگ، عوام کو خبردار کردیا
اشاعت کی تاریخ: 6th, January 2026 GMT
سینیئر اداکارہ بشریٰ انصاری نے سوشل میڈیا پر اپنے نام سے بنائے گئے جعلی اکاؤنٹس کے ذریعے عوام سے پیسے بٹورنے کے واقعات پر شدید برہمی کا اظہار کیا ہے۔ اداکارہ کا کہنا ہے کہ نامعلوم عناصر ان کی تصاویر استعمال کر کے خود کو بشریٰ انصاری ظاہر کرتے ہیں اور خیرات و فلاحی کاموں کے نام پر لوگوں سے رقم مانگتے ہیں۔
یہ بھی پڑھیں: بشریٰ انصاری کی شادی 1 ہزار روپے میں کیسے ہوئی؟
پیر کے روز بشریٰ انصاری نے انسٹاگرام پر ایک ویڈیو پیغام جاری کیا جس میں انہوں نے واضح انداز میں کہا کہ سوشل میڈیا پر موجود متعدد جعلی آئی ڈیز ان کی نہیں ہیں اور عوام ان کے جھانسے میں نہ آئیں۔ ان کا کہنا تھا کہ یہ لوگ سستی اور گھٹیا حرکتوں کے ذریعے لوگوں کو دھوکا دے رہے ہیں اور انہیں اس صورتحال سے شدید کوفت ہو چکی ہے۔
View this post on Instagram
A post shared by Bushra Bashir (@ansari.
اداکارہ نے بتایا کہ کچھ جعلی اکاؤنٹس یہ دعویٰ کرتے ہیں کہ کسی مذہبی دن کے موقع پر غریبوں کی مدد کی جا رہی ہے، جبکہ بعض افراد این جی او بنانے کے نام پر بیواؤں اور نادار افراد کی امداد کے لیے چندہ مانگتے ہیں۔ بشریٰ انصاری کے مطابق دنیا میں بےشرم لوگوں کی کوئی کمی نہیں جو اس طرح کے ہتھکنڈے استعمال کرتے ہیں۔
یہ بھی پڑھیں: امیتابھ کی جراب، لتا منگیشکر کی ساڑھی چاہیے، بشریٰ انصاری کے انوکھے مطالبے پر صارفین برس پڑے
انہوں نے ایک حالیہ جعلی اکاؤنٹ کی نشاندہی بھی کی جس میں ان کی ایک نئی تصویر استعمال کی گئی ہے اور عوام سے اپیل کی کہ ایسے کسی بھی اکاؤنٹ کو فالو نہ کریں۔ بشریٰ انصاری کا کہنا تھا کہ وہ اس مسئلے پر پہلے بھی ویڈیوز کے ذریعے آگاہی دے چکی ہیں، لیکن اس کے باوجود جعلی اکاؤنٹس کا سلسلہ ختم نہیں ہو رہا۔
View this post on Instagram
A post shared by Bushra Bashir (@ansari.bushra)
اداکارہ نے واضح کیا کہ اگر وہ کبھی کسی کی مدد کرتی ہیں تو وہ ذاتی طور پر اور خاموشی سے کرتی ہیں اور انہوں نے کبھی سوشل میڈیا پر فنڈز اکٹھے نہیں کیے۔ انہوں نے اپنے اصل سوشل میڈیا اکاؤنٹس بھی بتائے تاکہ کسی قسم کی غلط فہمی نہ رہے۔
یہ بھی پڑھیں: ’پاکستان میں لڈیاں ڈالتے ہیں اور بھارت جاکر نفرت پھیلاتے ہیں‘، بشریٰ انصاری کی جاوید اختر پر تنقید
بشریٰ انصاری نے عوام سے اپیل کی کہ سوشل میڈیا پر کسی بھی مشہور شخصیت کے نام سے پیسے مانگنے والے اکاؤنٹس پر اندھا اعتماد نہ کریں، تصدیق کریں اور جعلی آئی ڈیز سے ہوشیار رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اداکارہ بشریٰ انصاری جعلی اکاؤنٹ سوشل میڈیا
ذریعہ
ذریعہ: WE News
کلیدی لفظ: اداکارہ جعلی اکاؤنٹ سوشل میڈیا سوشل میڈیا پر جعلی اکاؤنٹس انہوں نے ہیں اور
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار