ہائیکورٹس ججز کی کارکردگی جائزے کیلیے مجوزہ قواعد پر اتفاق
اشاعت کی تاریخ: 7th, January 2026 GMT
اسلام آباد:
جوڈیشل کمیشن کی کمیٹی نے آئین کے آرٹیکل 175A (20) کے تحت ہائی کورٹس کے ججوں کی سالانہ کارکردگی کے مؤثر معیارات طے کرنے کے لیے مجوزہ قواعد پر اتفاق کر لیا ہے۔
کمیٹی کا اجلاس جسٹس عامر فاروق کی سربراہی میں ہوا جس میں مجوزہ قواعد پر غور کیا گیا۔ کمیٹی کے دیگر اراکین میں اٹارنی جنرل منصور اعوان، سینیٹر علی ظفر اور پاکستان بار کونسل کے نمائندے احسن بھون شامل تھے۔
اجلاس 2گھنٹے سے زائد وقت تک جاری رہا۔ اطلاعات کے مطابق اراکین کے درمیان ہائی کورٹس کے ججوں کی سالانہ کارکردگی کے جائزے کے لیے مجوزہ قواعد پر اتفاق رائے پیدا ہو گیا ہے تاہم کمیٹی کے ایک رکن نے بتایا کہ اگرچہ بعض نکات پر اتفاق ہو چکا ہے لیکن منظوری کے لیے ایک اور اجلاس کی ضرورت پڑ سکتی ہے۔
اراکین نے اس بات پر اتفاق کیا کہ مجوزہ کمیٹی جو جے سی پی کے عدالتی اراکین پر مشتمل ہو گی، ہائی کورٹس کے ججوں کی کارکردگی کا جائزہ لے گی۔
ججوں کے فیصلوں کے معیار اور تعداد کی بنیاد پر نمبر دیے جائیں گے۔ اسی طرح وقت کی پابندی، کارکردگی، کیس مینجمنٹ پر بھی نمبر دیے جائیں گے۔
مزید پڑھیںسپریم کورٹ: مقدمات ٹرانسفر کرنے کے کیس میں لاہور ہائیکورٹ کا حکم معطل
یہ بھی تجویز دی گئی ہے کہ ججوں کے کنڈکٹ کی بنیاد پر منفی نمبر بھی دیے جائیں۔ ہر ہائی کورٹ کی تشخیصی کمیٹی ججوں کی کارکردگی سے متعلق اپنی رپورٹ حتمی فیصلے کے لیے جے سی پی کو پیش کرے گی تاہم یہ سفارش کی گئی ہے کہ مس کنڈکٹ سے متعلق شکایات کو کمیٹیاں زیر غور نہیں لائیں گی۔
آئین کے تحت اگر جے سی پی کی اکثریت یہ قرار دے کہ کوئی جج نااہل ہے تو اس کا معاملہ سپریم جوڈیشل کونسل کو بھیجا جائے گا تاکہ اس کے خلاف مس کنڈکٹ کی کارروائی شروع کی جا سکے۔
کمیٹی کے ایک رکن نے بتایا کہ ججوں کی کارکردگی کے جائزے کے دوران انہیں نمبر دیے جائیں گے جن کا مقصد شفافیت کو یقینی بنانا ہے۔
ہائی کورٹس کے 40 ایڈیشنل ججوں کی مستقلی کے لیے بھی کمیشن کا اجلاس ہو رہا ہے۔ ان ججوں کو 26 ویں ترمیم کی منظوری کے بعد مختلف ہائیکورٹس میں تعینات کیا گیا تھا۔
اطلاعات ہیں کہ کمیشن کے عدالتی اراکین کو بعض ججوں کی مستقلی پر تحفظات ہیں۔
.
ذریعہ
ذریعہ: Express News
کلیدی لفظ: مجوزہ قواعد پر ہائی کورٹس کے کی کارکردگی دیے جائیں پر اتفاق ججوں کی کے لیے
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار