وزیراعلیٰ خیبرپختونخوا کو سندھ آنے پر خوش آمدید کہیں گے، شرجیل میمن
اشاعت کی تاریخ: 7th, January 2026 GMT
سندھ کے وزیر اطلاعات شرجیل انعام میمن نے کہا ہے کہ وزیراعلیٰ خیبرپختونخوا جب بھی سندھ آئیں گے تو انہیں صوبے کی روایات کے مطابق خوش آمدید کہا جائے گا اور مکمل سیکیورٹی اور پروٹوکول فراہم کیا جائے گا۔
شرجیل میمن کا کہنا تھا کہ سندھ کے عوام ہمیشہ مہمان نوازی کی روایت کو مقدم رکھتے ہیں اور سیاست میں اختلاف کے باوجود گھر آنے والے مہمان کا احترام کیا جاتا ہے۔ انہوں نے واضح کیا کہ پی ٹی آئی، مسلم لیگ (ن) اور دیگر سیاسی جماعتوں کے وزرائے اعلیٰ اور رہنماؤں کو بھی سندھ میں ویلکم کیا جائے گا۔
مزید پڑھیں: وزیراعلیٰ خیبرپختونخوا سہیل آفریدی کا پنجاب اسمبلی آنے کا معاملہ، ہنگامہ آرائی پر مقدمات درج کرنے کا فیصلہ
تاہم وزیر اطلاعات سندھ نے پی ٹی آئی کی طرز سیاست اور طرز حکمرانی پر شدید اعتراضات کا اظہار کیا۔ ان کا کہنا تھا کہ پی ٹی آئی کے دور حکومت میں طالبان اور دہشت گرد عناصر کو جیلوں سے رہا کیا گیا جس پر پیپلز پارٹی کو سنجیدہ تحفظات ہیں۔ انہوں نے کہا کہ پی ٹی آئی کی قیادت نے عوام کو گالی گلوچ اور نفرت انگیز سیاست کے سوا کوئی مثبت رویہ نہیں سکھایا۔
شرجیل میمن نے مزید کہا کہ قومی اداروں کے خلاف ہونے والے پروپیگنڈے پر بھی سخت اعتراضات ہیں، جبکہ خیبرپختونخوا میں دہشتگردی کے بڑھتے ہوئے واقعات تشویشناک ہیں اور اس حوالے سے ماضی کی پالیسیوں پر سوالات اٹھتے ہیں۔
دوسری جانب شرجیل میمن نے کہا کہ سندھ حکومت صحافی برادری کی فلاح و بہبود کے لیے عملی اقدامات کر رہی ہے۔ صحافیوں نے 30 سے 40 سال میڈیا انڈسٹری کو دیے ہیں، ان کا مستقبل محفوظ ہونا چاہیے۔ اسی مقصد کے تحت میڈیا فیوچر پروٹیکشن پلان تیار کیا جا رہا ہے جسے پورے پاکستان میں نافذ کرنے کا ارادہ ہے۔ جہاں پیپلز پارٹی کی حکومت نہیں ہوگی وہاں مقامی حکومتوں کے ساتھ مل کر اقدامات کیے جائیں گے۔
مزید پڑھیں: وزیراعلیٰ خیبرپختونخوا سہیل آفریدی کو اشتہاری قرار دینے کی کارروائی، طلبی کے نوٹس آویزاں
وزیر اطلاعات سندھ نے انٹرٹینمنٹ اور فلم انڈسٹری کی حمایت کا ذکر کرتے ہوئے بتایا کہ بھارت کی جانب سے بنائی گئی ایک فلم مکمل ہو چکی ہے اور اس کا ٹریلر جلد لانچ کیا جائے گا۔ فلم میں لیاری کی اصل کہانی، سماجی پس منظر، سافٹ امیجز اور دہشتگردی سمیت پاکستان کے حالات کی عکاسی کی گئی ہے۔ انہوں نے کہا کہ سندھ حکومت فلم، ڈرامہ اور انٹرٹینمنٹ انڈسٹری کو فنڈز اور سہولتیں فراہم کر رہی ہے جس سے روزگار کے نئے مواقع پیدا ہو رہے ہیں۔
صحت کے شعبے پر بات کرتے ہوئے شرجیل میمن نے کہا کہ سندھ میں 99 فیصد علاج مفت فراہم کیا جا رہا ہے۔ پنجاب، خیبرپختونخوا اور بلوچستان کے مریض بھی سندھ کے سرکاری ہسپتالوں میں مفت علاج کروا سکتے ہیں۔ ان کا کہنا تھا کہ پیپلز پارٹی کی حکومت کی 2008 سے اولین ترجیح صحت اور مفت طبی سہولیات رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خوش آمدید سندھ سندھ کے وزیر اطلاعات شرجیل انعام میمن وزیراعلیٰ خیبرپختونخوا.
ذریعہ
ذریعہ: WE News
کلیدی لفظ: سندھ کے وزیر اطلاعات شرجیل انعام میمن وزیراعلی خیبرپختونخوا وزیر اطلاعات شرجیل میمن پی ٹی آئی نے کہا کہ سندھ کے جائے گا کہ سندھ
پڑھیں:
گورنر خیبرپختونخوا سے ترک سفیر کی ملاقات ، باہمی تعاون ،دوطرفہ امور پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی سے ترک سفیر ڈاکٹر عرفان نذیر اوغلو نے ملاقات کی،جس میں پاک ترک تعلقات، باہمی تعاون اور دوطرفہ امور پر تبادلہ خیال کیا گیا۔منگل کو گورنر آفس اسلام آباد سے جاری بیان کے مطابق ملاقات میں پاکستان اور ترکیہ کے برادرانہ تعلقات مزید مضبوط بنانے کے عزم کا اظہار کیا گیا۔دونوں رہنماؤں کے درمیان تجارت، سرمایہ کاری، تعلیم اور ثقافت کے شعبوں میں تعاون بڑھانے پر گفتگو ہوئی اورخیبرپختونخوا اور ترکیہ کے درمیان اقتصادی روابط کے فروغ پر تبادلہ خیال کیا گیا۔اس موقع پرگورنر خیبرپختونخوانے کہا کہ پاک۔بھارت جنگ میں ترکیہ نے پاکستان کا بھرپور ساتھ دیا،نئی نسل کو پاک ترک دوستی میں متحرک کرنا انتہائی ضروری ہے۔(جاری ہے)
انہوں نے کہا کہ خیبرپختونخوا کے تاجروں اور طلبہ کے ترکیہ دوروں کا سلسلہ شروع کیا جائے،دونوں ممالک کے ثقافتی اور ادبی وفود کے دورے بھی انتہائی ضروری ہیں، ایسے اقدامات سے ترکیہ اور پاکستان دوستی مزید مضبوط ہو گی۔گورنر خیبرپختونخوا نے کہا کہ زراعت کے شعبہ میں بھی دونوں ممالک بالخصوص خیبرپختونخوا میں ترقی اور سرمایہ کاری کے وسیع امکانات ہیں۔ گورنر خیبرپختونخوا نے پشاور کو ترکیہ کے کسی بڑے شہر کے ساتھ سسٹر سٹی قرار دینے کی تجویز پیش کی۔ترک سفیر نے بتایا کہ پشاور کو ترکیہ کے ایک شہر کے ساتھ سسٹر سٹی قرار دیا جائے گا، پاکستان کے نوجوانوں کو آئی ٹی اور جدید ٹیکنالوجی کے شعبوں میں تربیت کے مواقع فراہم کرنے کے لئے تعاون کریں گے۔ ترک سفیر نے وزیراعظم یوتھ پروگرام کو نوجوانوں کی ترقی کے لئے ایک مثبت اور موثر اقدام قرار دیا۔ترک سفیر نے کہا کہ پاکستان اور ترکیہ کے درمیان تعلیم، ٹیکنالوجی اور نوجوانوں کی استعداد کار بڑھانے کے شعبوں میں تعاون مزید فروغ پائے گا۔ملاقات میں پاکستان پیپلز پارٹی کے خیبر پختونخوا اسمبلی میں پارلیمانی لیڈر احمد کنڈی بھی موجود تھے۔
وزارت آئی ٹی نے 1.67 ارب روپے سے زاید کے فنڈز طلب کرلیے