پاک قطر فیملی تکافل لمیٹڈکی آئی پی او میں ریکارڈ سبسکرپشن: پاکستان اسٹاک ایکسچینج میں شامل
اشاعت کی تاریخ: 7th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی: پاک قطر فیملی تکافل لمیٹڈ (PQFTL) پاکستان اسٹاک ایکسچینج (PSX) میں شامل ہونے والی پاکستان کی پہلی اور واحد فیملی تکافل کمپنی بن گئی ہے۔ یہ پیش رفت ابتدائی عوامی پیشکش (آئی پی او) کے دوران سرمایہ کاروں کے غیر معمولی اور بھرپور اظہارِدلچسپی کے بعد ممکن ہوئی ہے۔
یہ تاریخی کامیابی اور سرمایہ کاروں کی جانب سے شاندار اعتماد پاک قطر فیملی تکافل لمیٹڈ کی مضبوط مالی بنیادوں، دوراندیش حکمتِ عملی اور شریعہ کے اصولوں کے مطابق اعلیٰ معیار کے عزم کا مظہر ہے۔ یہ پیش رفت نہ صرف پاک قطر فیملی تکافل لمیٹڈ بلکہ پاکستان کے مجموعی اسلامی مالیاتی خدماتی نظام کے لیے بھی ایک نیا معیار قائم کرتی ہے۔
آئی پی او کے بک بلڈنگ کے مرحلے میں 3.
آٹھ ہزار دو سو (8,200) سے زائد سرمایہ کاروں کی شرکت کے ساتھ یہ آئی پی او پاکستان کے انشورنس اور تکافل شعبے میں سرمایہ کاروں کی شمولیت کے اعتبار سے نمایاں ترین پیشکشوں میں شمار ہوتا ہے۔ اس پیشکش میں ادارہ جاتی سرمایہ کاروں، انشورنس کمپنیوں، فیملی آفسرز، کارپوریٹ سرمایہ کاروں کے ساتھ ساتھ بڑی تعداد میں انفرادی سرمایہ کاروں نے بھی حصہ لیا۔
عارف حبیب لمیٹڈ نے اس سرگرمی میں لیڈ مینیجر کے طور پر خدمات انجام دیں اور ابتدائی عوامی پیشکش کے عمل کے انتظام میں مرکزی کردار ادا کیا۔
اس تاریخی کامیابی پر تبصرہ کرتے ہوئے پاک قطر فیملی تکافل کے بورڈ آف ڈائریکٹرز کے رکن محمد کامران سلیم صاحب کا کہنا تھا، ”الحمدللہ، آئی پی او کی کامیابی اور اس کے بعد پاکستان اسٹاک ایکسچینج میں فہرست سازی ایک تاریخی کارنامہ ہے۔ سرمایہ کاروں کی جانب سے غیر معمولی ردِعمل ہمارے کاروباری اصولوں، شریعہ گورننس کے معیارات اور اسٹریٹجک وژن پر گہرے اعتماد کا مظہر ہے۔ ہم اس عظیم کامیابی پر اللہ تعالیٰ کے شکر گزار ہیں اور اسلامی مالیاتی نظام کے استحکام اور اپنے تمام اسٹیک ہولڈرز کے لیے طویل المدتی پائیدار قدر پیدا کرنے کے لیے پُرعزم رہیں گے۔ “
عارف حبیب لمیٹڈ کے چیف ایگزیکٹو آفیسر جناب شاہد علی حبیب صاحب نے اظہارِ خیال کرتے ہوئے کہا کہ،” ہمیں پاک قطر فیملی تکافل لمیٹڈ کے کامیاب آئی پی او پر فخر ہے، جو پاکستان کی پہلی اور سب سے بڑی رجسٹرڈ تکافل کمپنی بن کر سامنے آئی ہے۔ اس آئی پی او کے عوامی حصے میں 3.8 گنا زائد سبسکرپشن نے سرمایہ کاروں کے مضبوط اعتماد کو واضح طور پر نمایاں کیا ہے۔ “
پاکستان اسٹاک ایکسچینج کے منیجنگ ڈائریکٹر اور چیف ایگزیکٹو آفیسر جناب فرخ ایچ سبزواری صاحب نے کامیاب آئی پی او پر تبصرہ کرتے ہوئے مرحومہ ڈاکٹر شمشاد اختر صاحبہ کو خراجِ عقیدت پیش کیا اور کہا کہ ڈاکٹر شمشاد اختر کی بصیرت افروز قیادت نے پاکستان کی مالیاتی مارکیٹ اور معاشی منظرنامے کو نئی سمت دی ۔ انہوں نے کہا کہ گزشتہ برس کے دوران مارکیٹ نے غیر معمولی استحکام کا مظاہرہ کیا، کے ایس ای 100 انڈیکس میں گزشتہ 12 ماہ کے دوران 51 فیصد سے زائد اضافہ ہوا اور مارکیٹ نے بہترین اثاثہ جاتی منافع میں شمار ہونے والی کارکردگی دکھائی۔ انہوں نے مزید بتایا کہ پاکستان اسٹاک ایکسچینج میں 7 آئی پی اوز، گرین صکوک اور کیش سیٹلڈ فیوچرز کا اجرا کیا گیا، جبکہ پبلک آفرنگ ریگولیشنز 2017 میں نظرِ ثانی اور بک بلڈنگ سسٹم میں اصلاحات سمیت اہم اصول و ضوابط بھی متعارف کرائے گئے۔ اپنے خطاب کے اختتام پر انہوں نے پاک قطر فیملی تکافل لمیٹڈ کو کامیاب فہرست سازی پر مبارکباد دیتے ہوئے اسے آئندہ کامیابیوں کا آغاز قرار دیا۔
آئی پی او سے حاصل ہونے والی رقم پاک قطر فیملی تکافل لمیٹڈ کی ریگولیٹری سرمائے کی ضروریات پوری کرنے، ڈیجیٹل تقسیم کے ذرائع کو وسعت دینے، مصنوعات میں جدت لانے اور صارف مرکوز ترقیاتی اقدامات کو فروغ دینے کے لیے استعمال کی جائے گی۔
یہ کامیاب فہرست سازی نہ صرف سرمایہ کاروں کے لیے نئے سرمایہ کاری مواقع پیدا کرتی ہے بلکہ پاکستان اسٹاک ایکسچینج میں اسلامی مالیاتی مصنوعات اور خدمات کے نظام کو بھی مضبوط بناتی ہے، یہ پاکستان کی کیپیٹل مارکیٹس کی مسلسل ترقی اور تنوع میں اہم کردار ادا کرے گی
ذریعہ
ذریعہ: Jasarat News
کلیدی لفظ: پاکستان اسٹاک ایکسچینج میں سرمایہ کاروں کی سرمایہ کاروں کے اسلامی مالیاتی پاکستان کی آئی پی او کے لیے
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
وزارت آئی ٹی نے 1.67 ارب روپے سے زاید کے فنڈز طلب کرلیے