شفیع جان کا ٹی ٹی پی کو دہشتگرد تنظیم قرار دینے سے گریز، سلمان اکرم راجا نے مؤقف رد کردیا
اشاعت کی تاریخ: 7th, January 2026 GMT
پاکستان میں دہشتگردی کرنے والے تنظیم کالعدم ٹی ٹی پی کو دہشتگرد قرار دینے کے معاملے پر پی ٹی آئی کے رہنماؤں میں اختلاف سامنے آیا ہے۔
وزیراعلیٰ خیبرپختونخوا کے معاون خصوصی برائے اطلاعات شفیع جان نے کالعدم تحریک طالبان پاکستان (ٹی ٹی پی) کو براہِ راست دہشتگرد تنظیم قرار دینے سے گریز کیا ہے، جبکہ سلمان اکرم راجا نے دوٹوک الفاظ میں ٹی ٹی پی کو دہشتگرد تنظیم قرار دے دیا۔
خیبرپختونخوا حکومت کے ترجمان شفیع جان ٹی ٹی پی کو دہشتگرد تنظیم کہنے سے گریز کیوں کر رہے ہیں؟ pic.
— Osama Yawar (@osamayawark) January 7, 2026
نجی ٹی وی کے پروگرام میں گفتگو کے دوران ان سے اس حوالے سے متعدد بار سوال کیا گیا، تاہم انہوں نے واضح اور دوٹوک مؤقف اختیار نہیں کیا۔ شفیع جان کا کہنا تھا کہ وہ کسی پر براہِ راست الزام عائد نہیں کر سکتے۔
ان کے مطابق جو بھی عناصر ریاست کے خلاف کارروائیوں میں ملوث ہوں، چاہے ان کا تعلق ٹی ٹی پی سے ہو یا کسی اور گروہ سے، وہ دہشتگرد کہلائیں گے۔
تاہم پروگرام کے دوران مسلسل سوالات کے باوجود معاون خصوصی برائے اطلاعات نے کالعدم ٹی ٹی پی کو کھلے الفاظ میں دہشتگرد تنظیم قرار دینے سے احتراز کیا، جس پر ان کے مؤقف پر بحث بھی دیکھنے میں آئی۔
مزید پڑھیں: افغان طالبان اور ٹی ٹی پی بھارت سے ملے ہیں، کے پی حکومت کے لوگ طالبان کو بھتہ دیتے ہیں، خواجہ آصف کا انکشاف
دوسری جانب پی ٹی آئی کے سیکریٹری جنرل سلمان اکرم راجا نے دوٹوک الفاظ میں ایک ٹی وی پروگرام میں ٹی ٹی پی کو دہشتگرد تنظیم قرار دیتے ہوئے کہاکہ افغان طالبان ان عناصر کی پشت پناہی کررہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افغان طالبان ٹی ٹی پی دہشتگرد تنظیم سلمان اکرم راجا شفیع جان وی نیوز
ذریعہ
ذریعہ: WE News
کلیدی لفظ: افغان طالبان ٹی ٹی پی دہشتگرد تنظیم سلمان اکرم راجا شفیع جان وی نیوز ٹی ٹی پی کو دہشتگرد تنظیم دہشتگرد تنظیم قرار سلمان اکرم راجا شفیع جان
پڑھیں:
24 جولائی کیلئے بھی ڈیزل اور پیٹرول کی قیمت میں اضافہ کردیا گیا
علامتی فوٹوحکومت نے مسلسل تیسرے روز پیٹرول جبکہ چوتھے روز ڈیزل کی فی لیٹر قیمت میں اضافہ کردیا ہے۔
اس حوالے سے جاری نوٹیفکیشن کے مطابق پیٹرول کی قیمت میں 4 روپے 40 پیسے فی لیٹر جبکہ ڈیزل کی قیمت میں 3 روپے 62 پیسے فی لیٹر اضافہ کردیا گیا ہے۔
نوٹیفکیشن کے مطابق پیٹرول کی نئی قیمت 327 روپے 12 پیسے فی لیٹر مقرر کردی گئی ہے۔ اسی طرح ڈیزل کی نئی قیمت 378 روپے 66 پیسے فی لیٹر مقرر کی گئی ہے۔
اس میں کہا گیا ہے کہ پیٹرول اور ڈیزل کی نئی قیمتیں 24 جولائی کے لیے ہوں گی۔
خیال رہے کہ حکومت کی جانب سے فیصلہ کیا گیا ہے کہ خطے کی بگڑتی صورتحال کے پیش نظر روزانہ کی بنیاد پر پیٹرولیم مصنوعات کی قیمتوں کا تعین کیا جائے گا۔
اوگرا وزیراعظم یا حکومت کی منظوری کے بغیر قیمتوں کا اعلان کرے گا، جبکہ ہفتہ اور اتوار کو گزشتہ اعلان کردہ قیمتیں برقرار رہیں گی۔
یومیہ اعلان کے تحت اب تک کی تبدیلیعلم میں رہے کہ 21 جولائی کےلیے حکومت نے پیٹرول کی فی لیٹر قیمت میں 35 پیسے کمی جبکہ ڈیزل کی قیمت میں 5 روپے 71 پیسے فی لیٹر اضافہ کیا تھا۔
22 جولائی کیلئے پیٹرول کی قیمت میں 4 روپے 93 پیسے فی لیٹر جبکہ ڈیزل کی قیمت میں 7 روپے 15 پیسے فی لیٹر کا اضافہ کیا گیا تھا۔
اسی طرح 23 جولائی کےلیے حکومت نے پیٹرول کی قیمت میں 6 روپے 39 پیسے فی لیٹر جبکہ ڈیزل کی قیمت میں 7 روپے 83 پیسے فی لیٹر اضافہ کیا تھا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار