وینیزویلا پر امریکی حملے کے بعد ’جیک رائن‘ سیریز کا کلپ کیوں وائرل ہوا؟
اشاعت کی تاریخ: 7th, January 2026 GMT
وینیزویلا پر امریکا کے حالیہ فوجی حملے اور صدر نکولس مادورو کی معزولی کے بعد امریکی اسٹریمنگ پلیٹ فارم پرائم ویڈیو کی مقبول سیریز جیک رائن ایک بار پھر خبروں میں ہے اور اس کا ایک پرانا کلپ سوشل میڈیا پر وائرل ہو گیا ہے۔
یہ کلپ سیزن 2 (2019) کا ہے، جس میں اداکار جان کراسنسکی سی آئی اے تجزیہ کار جیک رائن کے کردار میں ایک لیکچر کے دوران یہ سوال اٹھاتے ہیں کہ امریکا کی قومی سلامتی کے لیے سب سے بڑا خطرہ کون سے ممالک ہو سکتے ہیں۔ جہاں طلبا روس اور چین کا نام لیتے ہیں، وہیں جیک رائن وینیزویلا کو بھی ایک بڑا خطرہ قرار دیتے ہیں، جس کی وجہ اس کے قدرتی وسائل اور جغرافیائی محلِ وقوع کو بتایا جاتا ہے۔
یہ بھی پڑھیے: آن لائن شاپنگ کا پہلا آرڈر، خوشی سے نہال خواتین کی ویڈیو وائرل
کلپ میں جیک رائن کہتے ہیں کہ وینیزویلا کے پاس دنیا کے سب سے بڑے تیل کے ذخائر موجود ہیں، جو سعودی عرب اور ایران سے بھی زیادہ ہیں، جبکہ سونے کے ذخائر افریقہ کی تمام کانوں سے زیادہ بتائے جاتے ہیں۔ اس کے باوجود ملک شدید انسانی بحران کا شکار ہے، جس پر وہ سوال اٹھاتے ہیں۔
جیک رائن وینیزویلا کو عالمی سطح پر ایک ‘ناکام ریاست’ قرار دیے جانے کا ذکر کرتے ہیں اور کہتے ہیں کہ یہ ملک امریکا کے قریب ہونے کے باعث جدید نیوکلیئر میزائلوں کی رینج میں آتا ہے، جو امریکی سلامتی کے لیے خطرہ بن سکتا ہے۔
یہ کلپ اس وقت وائرل ہوا جب امریکا نے وینیزویلا میں بڑے پیمانے پر فوجی کارروائی کرتے ہوئے صدر نکولس مادورو اور ان کی اہلیہ سیلیا فلورس کو گرفتار کیا۔ امریکی میڈیا کے مطابق دونوں پر نارکو دہشت گردی کے الزامات عائد کیے گئے ہیں۔
یہ بھی پڑھیے: دوزانو بیٹھے دعا مانگتے کرسٹیانو رونالڈو کا کلپ وائرل ہوگیا
سیریز کے شریک خالق کارلٹن کیوز نے اس مماثلت پر تبصرہ کرتے ہوئے کہا کہ کہانی کا مقصد پیش گوئی کرنا نہیں بلکہ اسے حقیقت کے قریب اور قابلِ یقین بنانا تھا۔ ان کے مطابق جب کہانی حقیقی جغرافیائی سیاسی حالات پر مبنی ہو تو بعض اوقات حقیقت فکشن سے ملتی جلتی محسوس ہونے لگتی ہے۔
کارلٹن کیوز نے مزید کہا کہ وینیزویلا ایک طویل عرصے سے ایسا ملک رہا ہے جہاں جمہوری اقدار، معاشی مسائل اور عالمی طاقتوں کے مفادات آپس میں ٹکراتے رہے ہیں، اور کسی بھی فوجی کارروائی کے اثرات سب سے زیادہ عام شہریوں کو بھگتنا پڑتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا جیک رائن حملہ کلپ وینزویلا.
ذریعہ
ذریعہ: WE News
کلیدی لفظ: امریکا جیک رائن حملہ کلپ وینزویلا جیک رائن
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے