گرین لینڈ کی برف تیزی سے پگھل رہی، دنیا کے ساحلی علاقوں کے لیے خطرے کی گھنٹی
اشاعت کی تاریخ: 8th, January 2026 GMT
سائنسدانوں نے خبردار کیا ہے کہ گرین لینڈ کی برف کی تہہ تیزی سے پگھل رہی ہے، جس سے عالمی سمندری سطح میں اضافے کا خدشہ بڑھ گیا ہے۔
تحقیق میں معلوم ہوا کہ برف کے نیچے کچھ جگہوں پر غیر معمولی گرمی موجود ہے جو برف کو تیزی سے نقصان پہنچا رہی ہے۔
تحقیق کے مطابق ماضی میں بھی گرین لینڈ کی بڑی برفانی تہہ مکمل طور پر غائب ہو چکی ہے، اور موجودہ عالمی درجہ حرارت میں اضافے کے ساتھ یہ عمل دوبارہ ہونے کا امکان ہے۔ سائنسدانوں نے سیٹلائٹ ڈیٹا، سیسمک ریڈنگز اور جدید 3D ماڈلز کے ذریعے دریافت کیا کہ برف کے نیچے گرمی بعض مقامات پر شدید ہے، جس سے سمندر میں اضافی پانی جمع ہو رہا ہے۔
ماہرین نے انتباہ کیا ہے کہ مستقبل میں سمندری سطح میں اضافہ توقع سے زیادہ تیزی سے ہوسکتا ہے، جس سے دنیا کے ساحلی علاقے شدید خطرے میں ہیں۔
.
ذریعہ
ذریعہ: Al Qamar Online
کلیدی لفظ: پاکستان کھیل تیزی سے
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار