بالوں کے بغیر بھی مکمل، دلہن کی خود اعتمادی نے مثال قائم کردی
اشاعت کی تاریخ: 8th, January 2026 GMT
بھارت سے تعلق رکھنے والی مہیما گھائی کی شادی کی تصاویر سوشل میڈیا پر تیزی سے وائرل ہو رہی ہیں جہاں انہوں نے گنجے سر کے ساتھ دلہن بن کر نہ صرف سب کی توجہ حاصل کی بلکہ خوبصورتی، نسوانیت اور خود قبولیت سے متعلق ایک اہم بحث کو بھی جنم دیا ہے۔
مہیما گھائی، جو ایلوپیشیا کے باعث کم عمری میں ہی بالوں سے محروم ہو گئی تھیں نے اپنی شادی کے دن کسی وِگ یا مصنوعی سہارے کا انتخاب نہیں کیا۔ ان کا کہنا تھا کہ وہ اپنی زندگی کے اس اہم دن پر کسی اور کا روپ نہیں دھارنا چاہتیں تھیں بلکہ خود کو اسی شکل میں قبول کرنا چاہتی تھیں جیسا وہ حقیقت میں ہیں۔
View this post on Instagram
A post shared by The Better India (@thebetterindia)
سرخ روایتی لہنگے میں ملبوس مہیما کبھی بغیر دوپٹے کے اور کبھی ہلکے سے سر ڈھانپے نظر آئیں۔ ان کے انداز میں نہ جھجک تھی اور نہ ہی وضاحت کی کوئی کوشش۔ یہی سادگی اور اعتماد ان کی تصاویر کو غیر معمولی بنا گیا۔
اپنی انسٹاگرام پوسٹ میں مہیما نے بتایا کہ بالوں کے جھڑنے کا تجربہ صرف جسمانی نہیں بلکہ جذباتی طور پر بھی تکلیف دہ رہا۔ علاج، سوالات، نظریں اور خاموشیاں برسوں تک ان کے ساتھ رہیں جس کے باعث وہ طویل عرصے تک خود کو چھپانے کی کوشش کرتی رہیں۔ تاہم ایک مرحلے پر انہوں نے اس بوجھ کو اتارنے کا فیصلہ کیا اور اپنا سر منڈوانا ان کے لیے بغاوت نہیں بلکہ سکون بن گیا۔
View this post on Instagram
A post shared by Mahima Ghai | visual artist (@mahimaghai26)
شادی کی تصاویر سامنے آنے کے بعد دنیا بھر سے خواتین نے اپنے جذبات کا اظہار کیا۔ ایلوپیشیا، کینسر اور دیگر وجوہات سے بالوں کے جھڑنے کا سامنا کرنے والی کئی خواتین نے کہا کہ مہیما کو اس اعتماد کے ساتھ دیکھ کر انہیں بھی خود کو قبول کرنے کا حوصلہ ملا۔
مہیما کا کہنا تھا کہ وہ اپنی شادی کی یادوں میں خود کو پہچاننا چاہتی تھیں، نہ کہ کسی ایسے روپ میں دیکھیں جو معاشرتی توقعات کے تحت اپنایا گیا ہو۔ ان کا کہنا تھا کہ بال ہوں یا نہ ہوں، میں کبھی نامکمل نہیں تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انوکھی شادی شادی کی ویڈیو وائرل گنجی دلہن.
ذریعہ
ذریعہ: WE News
کلیدی لفظ: انوکھی شادی شادی کی ویڈیو وائرل گنجی دلہن شادی کی خود کو
پڑھیں:
سٹی کورٹ: ڈاکٹر آکاش قتل کیس میں تفتیش مکمل کر کے رپورٹ پیش کرنے کا حکم
کراچی کی سٹی کورٹ میں ڈاکٹر آکاش قتل کیس کی سماعت کے دوران عدالت نے پولیس کو مقدمے کی تفتیش مکمل کر کے رپورٹ پیش کرنے کا حکم جاری کر دیا۔
پولیس کے مطابق ایس آئی یو ویسٹ نے ڈاکٹر آکاش کے قتل میں ملوث ملزمان کے خلاف مزید کارروائی کرتے ہوئے تین افراد، سریش عرف ساگر، انیل اور رام چند کے قتل کا مقدمہ اسلم پہنور اور اس کے ساتھیوں کے خلاف درج کر لیا ہے۔ پولیس کا کہنا ہے کہ اسلم پہنور ایک ڈکیت گروہ کا سرغنہ ہے۔
پولیس کے مطابق ملزمان نے پولیس پارٹی پر فائرنگ کی، جس کے نتیجے میں زیر حراست تین ملزمان اور ایک ہیڈ کانسٹیبل زخمی ہو گئے۔ بعد ازاں زیر حراست تینوں ملزمان اپنے ہی ساتھیوں کی فائرنگ سے ہلاک ہو گئے، جبکہ زخمی ہیڈ کانسٹیبل کو اسپتال منتقل کر دیا گیا جہاں اس کا علاج جاری ہے۔
واضح رہے کہ ڈاکٹر آکاش کو بینک سے رقم لے کر جاتے ہوئے قتل کیا گیا تھا۔ پولیس نے اس کیس میں تین ملزمان کو گرفتار کیا تھا، جو دوران حراست ہلاک ہو گئے۔
بھارت سے جنگ اور افغانستان میں کارروائی خارج ازامکان نہیں، وزیردفاع