سعودی عرب میں بحالی کے بعد 63 سمندری پرندے جدہ کے ساحل پر آزاد
اشاعت کی تاریخ: 9th, January 2026 GMT
سعودی عرب کے نیشنل سینٹر فار وائلڈ لائف ڈیولپمنٹ ںے بحالی کے بعد 63 سمندری پرندوں کو جدہ کے ساحل پر ان کے قدرتی مسکن میں آزاد کر دیا ہے۔
جنگلی حیات کے تحفظ اور ساحلی ماحولیاتی نظام کی پائیداری کے فروغ کی جاری کوششوں کے تحت آزاد کیے گئے پرندوں میں 34 بڑے سفید سر والے بگلے بھی شامل تھے۔
یہ بھی پڑھیں:
آزاد کیے گئے پرندوں میں 25 سفید سر والے بگلے، ایک مورہن، ایک ہیرون اور دو عبدِم کے سارس شامل ہیں، جنہیں دوبارہ جنگلی ماحول میں ان کے ماحولیاتی کردار کی ادائیگی کے لیے چھوڑا گیا ہے۔
مركز الحياة الفطرية يطلق 63 طائرًا بحريًا في كورنيش جدة.
— واس جودة الحياة (@SPAqualitylife) January 8, 2026
نیشنل سینٹر فار وائلڈ لائف ڈیولپمنٹ کے چیف ایگزیکٹو آفیسر ڈاکٹر محمد قربان نے بتایا کہ ان پرندوں کو منظور شدہ سائنسی طریقۂ کار کے مطابق مکمل بحالی کے عمل سے گزارنے کے بعد آزاد کیا گیا۔
انہوں نے کہا کہ یہ اقدام جنگلی حیات کے تحفظ، ماحولیاتی نظام کے تحفظ اور حیاتیاتی تنوع میں اضافے کے لیے مرکز کے عزم کی عکاسی کرتا ہے۔
مزید پڑھیں:
ڈاکٹر محمد قربان کے مطابق یہ منصوبہ بین الاقوامی سطح پر جنگلی حیات کے تحفظ سے متعلق وعدوں کی تکمیل میں مددگار ہے اور قومی ماحولیاتی حکمتِ عملی کے اہداف کو بھی تقویت دیتا ہے۔
مرکز کے قیام کے بعد سے جنگلی حیات کو درپیش چیلنجز سے نمٹنے، ماحولیاتی توازن کو برقرار رکھنے، خطرے سے دوچار انواع کو ان کے قدرتی مسکن میں دوبارہ متعارف کرانے اور جدید ٹیکنالوجی کے ذریعے تحقیق اور حیاتیاتی تنوع کی نگرانی کے جامع منصوبے نافذ کیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنگلی حیات ڈاکٹر محمد قربان سعودی عرب سمندری پرند قدرتی مسکن نیشنل سینٹر وائلڈ لائف
ذریعہ
ذریعہ: WE News
کلیدی لفظ: جنگلی حیات ڈاکٹر محمد قربان قدرتی مسکن وائلڈ لائف جنگلی حیات کے تحفظ کے بعد
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ