کراچی اوپن: نور زمان کوارٹر فائنل ہارگئے لیکن شائقین کا دل جیت لیا
اشاعت کی تاریخ: 9th, January 2026 GMT
پاکستان کے اسکواش کے نوجوان ستارے نور زمان کراچی اوپن کے کوارٹر فائنل میں سابق عالمی چیمپیئن محمد الشرباجی سے ہارگئے اور یوں پاکستان ٹورنامنٹ سے باہر بھی ہوگیا لیکن مقابلہ ہار کر بھی نور نے شائقین کے دل جیت لیے۔
یہ بھی پڑھیں: کراچی اوپن اسکواش: پہلا دن پاکستانی کھلاڑیوں کے نام رہا
کوارٹر فائنلز میں 5 گیمز کے مقابلے میں نور نے سابق عالمی چیمپیئن کو ٹف ٹائم دیا جس کا اعتراف میچ کے بعد محمد الشرباجی نے بھی کیا۔
پہلے گیم میں نور کا آغاز کمزور رہا جہاں سابق عالمی نمبر ایک الشرباجی نے شائقین کو شاندار شاٹس دکھائے اور 11-2 سے پہلا گیم جیت لیا۔
دوسرے گیم میں نور نے ہوم کراؤڈ کے جوش و خروش سے حوصلہ حاصل کیا اور الشرباجی کے 11-8 کے مقابلے میں مضبوط کارکردگی دکھائی۔
تیسرے گیم میں نور نے اپنی رفتار پکڑی اور الشرباجی کو 11-6 سے شکست دے کر سیمی فائنل کی دوڑ میں برقرار رہے۔ شائقین نے گلاس کورٹ میں کھڑے ہو کر ’شاباش نور‘ کے نعرے لگائے۔
چوتھے گیم میں دونوں کھلاڑی برابر برابر مقابلہ کر رہے تھے لیکن نور نے کچھ ذہین شاٹس کے ذریعے برتری حاصل کی اور شائقین کو شاندار ایکشن دیکھنے کو ملا۔
مزید پڑھیے: کراچی اوپن کے ذریعے اسکواش میں پاکستان کی واپسی کی کوشش، ریکارڈ انعامی رقم کا اعلان
5واں اور آخری گیم انتہائی سنسنی خیز رہا اور دونوں کھلاڑی ہر پوائنٹ کے لیے سخت مقابلہ کرتے دکھائی دیے۔ آخرکار الشرباجی نے آخری گیم 11-9 سے جیت کر میچ اپنے نام کیا۔ نور نے گراؤنڈ پر گر کر آخری شاٹ پکڑنے کی کوشش کی مگر کامیاب نہیں ہو سکے۔
میچ کے اختتام پر دونوں کھلاڑیوں نے ایک دوسرے کو گلے لگایا اور الشرباجی نے نور کو مشورے بھی دیے جبکہ شائقین نے کھلاڑیوں کو کھڑے ہوکر داد دی۔
مزید پڑھیں: پاکستان کی اسکواش میں واپسی جاری، اسکاٹ لینڈ میں انڈر-15 اور 13 چیمپیئن شپ ٹائٹل بھی ہاتھ آگئے
محمد الشرباجی نے میچ کے بعد کہا کہ میں نے نور کے بارے میں سنا تھا اور مجھے خاص ہدایت دی گئی تھی کہ اس پر نظر رکھنا۔ انہوں نے کہا کہ میں پہلے کبھی ان کے خلاف نہیں کھیلا مگر دوسرے گیم میں انہوں نے مجھے چیلنج دیا۔
انہوں نے کہا کہ نور نے مجھے متاثر کیا، وہ ہمیشہ فوکسڈ رہتے ہیں، دیکھتے اور سیکھتے ہیں کہ کیسے بہتر ہونا ہے۔ انہوں نے مزید کہا کہ پاکستان کے لیے یہ خوش آئند ہے کہ ایک نوجوان دنیا کے سامنے آ رہا ہے۔
یہ بھی پڑھیے: انٹرنیشنل اسکواش چیمپیئن شپ، پاکستانی کھلاڑی نورزمان نے ٹائٹل جیت لیا
یہ میچ نہ صرف پاکستان میں اسکواش کے شائقین کے لیے دلچسپ رہا بلکہ نور زمان کے مستقبل کے لیے بھی امید افزا پیغام ہے کہ وہ جلد عالمی سطح پر ملک کا نام روشن کر سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکواش اسٹار نور زمان سابق عالمی چیمپیئن محمد الشرباجی کراچی اوپن اسکواش.
ذریعہ
ذریعہ: WE News
کلیدی لفظ: اسکواش اسٹار نور زمان سابق عالمی چیمپیئن محمد الشرباجی کراچی اوپن اسکواش محمد الشرباجی الشرباجی نے کراچی اوپن سابق عالمی انہوں نے گیم میں کہا کہ کے لیے
پڑھیں:
کراچی ایئرپورٹ پر جعلی یو اے ای ورک ویزا فراڈ بے نقاب، مسافر آف لوڈ
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ اسلام ٹائمز۔ ایف آئی اے امیگریشن نے دبئی جانے والے مسافر سید ظل اللہ احسان الزمان کو جعلی یو اے ای ریزیڈنس، ورک ویزا پر سفر کی کوشش کے دوران آف لوڈ کر دیا۔ ترجمان ایف آئی اے کے مطابق دورانِ بورڈنگ عملے کو ٹکٹ کی تفصیلات ایئرلائن سسٹم میں نہ ملنے پر مسافر کو مزید جانچ کیلئے روکا گیا، تفصیلی جانچ کے دوران پیش کردہ یو اے ای ورک ویزا جعلی اور بوگس پایا گیا۔ ابتدائی تحقیقات میں مسافر نے انکشاف کیا کہ اس نے سوشل میڈیا کے ذریعے رابطہ کرنے والے ایجنٹ ملک شہباز اعوان سے بیرون ملک ملازمت کے انتظامات کروائے تھے، مذکورہ ایجنٹ مبینہ طور پر ’’مَلک اوورسیز‘‘ کے نام سے جوہرآباد، خوشاب میں کام کر رہا ہے۔
مسافر کے مطابق اس نے ویزا اور سفری دستاویزات کے حصول کیلئے ایجنٹ کو 3 لاکھ 80 ہزار روپے ادا کیے تھے۔ ادائیگیاں مختلف جاز کیش اور بینک اکاؤنٹس میں منتقل کی گئیں۔ مسافر نے مؤقف اختیار کیا کہ اسے ویزا کے جعلی ہونے کا علم نہیں تھا اور وہ خود بھی ویزا فراڈ کا شکار ہوا ہے۔ ترجمان ایف آئی اے کے مطابق مسافر کو تمام متعلقہ دستاویزات سمیت مزید قانونی کارروائی اور تحقیقات کیلئے ایف آئی اے اینٹی ہیومن ٹریفکنگ سرکل کراچی منتقل کر دیا گیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ