ایس ایس جی سی کے نئے چیئرمین آصف انعام گرانقدر سرمایہ ہیں،ملک خدا بخش
اشاعت کی تاریخ: 10th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر)صدر،پاکستان بزنس گروپ(کراچی ریجن)،کنوینرایف پی سی سی آئی انرجی اسٹینڈنگ کمیٹی اور سینئروائس چیئرمین پی پی ڈی اے ملک خدا بخش نے ایف پی سی سی آئی کے نائب صدر آصف انعام کوسوئی سدرن گیس کمپنی لمیٹڈ (ایس ایس جی سی) کے بورڈ آف ڈائریکٹرز کا چیئرمین مقرر کئے جانے پر آصف انعام کو مبارکباد پیش کی ہے۔ملک خدا بخش نے کہا کہ آصف انعام ایک ممتاز پاکستانی بزنس مین اور صنعتکار ہیں جن کا ٹیکسٹائل سیکٹر میں ایک مضبوط مقام ہے جبکہ وہ ایف پی سی سی آئی کے نائب صدر کے عہدے پر بھی خدمات انجام دے رہے ہیں اور یونائٹیڈ بزنس گروپ کے سرگرم رہنما ہیں،انہوںنے امریکہ، برطانیہ، یورپی یونین، کینیڈا، مشرق وسطیٰ اور دور مشرق کا وسیع دورہ کیا ہے، جس سے انہیں عالمی سطح پر وسیع تجربہ حاصل ہوا ہے۔ وہ کاٹن اور ٹیکسٹائل کے شعبے میں ایک ماہر ہیں اور اس میدان میں اہم تحقیق کر چکے ہیں۔ ان کے پاس کاٹن کی مختلف اقسام کی مکمل تفصیلات ہیں اور انہیں ملکی توانائی کے چیلنجز خصوصاً ٹیکسٹائل انڈسٹری پر ان کے اثرات کے بارے میں گہری بصیرت حاصل ہے۔ ان کی معیشت، تجارت اور صنعت سے متعلق رائے کو وسیع پیمانے پر تسلیم کیا جاتا ہے اور قومی میڈیا پلیٹ فارمز پر ان سے رائے لی جاتی ہے۔ملک خدا بخش نے بتایا کہ آصف انعام ڈائمنڈ انٹرنیشنل کارپوریشن لمیٹڈ کے چیئرمین اور چیف ایگزیکٹو آفیسر ہیں، جو ایک اہم ٹیکسٹائل اسپننگ ادارہ ہے جس کی سالانہ آمدنی تقریباً 12 ارب روپے ہے، اور وہ کاٹن ملز لمیٹڈ کے چیئرمین اور ڈائریکٹر ہیں، جو ایک اور اہم اسپننگ مل ہے جس کی سالانہ آمدنی تقریباً 14 ارب روپے ہے۔انہوں نے کہا کہ گیس سیکٹر میں آصف انعام گرانقدر سرمایہ ہیں اور ان کی معلومات قابل قدر ہیں اورامید ہے کہ وہ توانائی کے شعبے میں انتہائی لگن کے ساتھ بزنس کمیونٹی کے مسائل کو حل کرنے پر توجہ دیں گے۔ملک خدا بخش نے نئے منتخب شدہ ڈائریکٹرز زہیر صدیقی، سائرہ نجیب احمد، عثمان احمد چوہدری، محمد دآ د بیزئی، محمد اکرم، محمد ریحان ہاشمی، محمد علی خان، خالد رحمان، سلمہ فیرستا اور نوید ملک کو بھی مبارکباد پیش کی ہے۔
ذریعہ
ذریعہ: Jasarat News
کلیدی لفظ: ملک خدا بخش نے ہیں اور
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی