تیسری عالمی جنگ کے منڈلاتے خطرات مرحلہ وار سامنے آ رہے ہیں: اختر اقبال ڈار
اشاعت کی تاریخ: 10th, January 2026 GMT
شیخوپورہ (نمائندہ خصوصی) تحریک انصاف نظریاتی کے چیئرمین اختر اقبال ڈار نے کہا ہے کہ امریکہ کا وینزویلا پر حملہ، ایران کو دھمکیاں، یوکرین، شام، عراق، لیبیا میں رجیم چینج اور گرین لینڈ کیخلاف ممکنہ اقدامات اور روسی پرچم والے آئل ٹینکر کو قبضے میں لینا بحری قذاقی ہے۔ امریکا اپنی معاشی تباہی کو چھپانے کیلئے دنیا کے وسائل، تیل، معدنیات پر قبضے کررہا ہے۔ یہ سب تیسری عالمی جنگ کے منڈلاتے ہوئے خطرات ہیں جوکہ مرحلہ وار سامنے آرہے ہیں۔ جبکہ اقوام متحدہ سلامتی کونسل، عالمی عدالت، عالمی قوانین سب دم توڑ چکے ہیں اور اسرائیل، امریکا من مانیاں کررہے ہیں۔ امریکا خود ہی ملزم خود ہی جج اور خود ہی وکیل کا رول ادا کررہا ہے۔ انسانی حقوق کی تنظیمیں، او آئی سی، مسلم ممالک سب آنکھیں بند کیے بیٹھے ہیں اور کوئی ٹرمپ غاصب فاشسٹ کو پوچھنے والا نہ ہے۔ اختر ڈار نے کہاکہ جب ریاستی پالیسیوں کی سمت کا تعین کارپوریٹ مفادات کرنے لگیں تو امن ایک خواب بن کر رہ جاتا ہے۔
.
ذریعہ
ذریعہ: Nawaiwaqt
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار