پلاننگ کمشن کو بااختیار بنایا جائے: اسحاق ڈار، جدہ چلے گئے
اشاعت کی تاریخ: 10th, January 2026 GMT
اسلام آباد (خبر نگار خصوصی)نائب وزیراعظم اور وزیر خارجہ سینیٹر محمد اسحاق ڈار نے گزشتہ روز اقتصادی اصلاحات سے متعلق ایک اجلاس کی صدارت کی۔ اسحاق ڈار نے اس بات پر زور دیا کہ پلاننگ کمیشن کو بااختیار بنایا جائے تاکہ وہ سٹرٹیجک پالیسی ترجیحات کے تعین اور پبلک انویسٹمنٹ کی مؤثر نگرانی میں قائدانہ کردار ادا کرسکے۔ پلاننگ کمیشن کو وزیرِاعظم کی براہ راست قیادت میں ایک اعلیٰ ترین ادارے کے طور پر کام کرنا چاہئے۔ انہوں نے کہا کہ پلاننگ کمیشن کو اقتصادی فیصلوں کے لئے مرکزی کلیئرنگ ہاؤس کا کردار ادا کرنا چاہئے جو وزارتوں اور ڈویژنز کو پالیسی میں تسلسل، مربوط ترقیاتی منصوبہ بندی اور پاکستان کے اقتصادی نظم و نسق کو مضبوط بنانے کے لئے پائیدار اصلاحات کے نفاذ میں رہنمائی فراہم کرے۔ اجلاس میں وفاقی وزراء برائے خزانہ، منصوبہ بندی و خصوصی اقدامات اور موسمیاتی تبدیلی، وزیرِ مملکت برائے خزانہ و محصولات، وزیرِاعظم کے معاونِ خصوصی طارق باجوہ، سیکرٹری پلاننگ، نیشنل کوآرڈینیٹر ایس آئی ایف سی اور متعلقہ وزارتوں و ڈویژنز کے سینئر افسروں نے شرکت کی۔ دریں اثناء نائب وزیراعظم اور وزیر خارجہ سینیٹر محمد اسحاق ڈار او آئی سی کی وزراء خارجہ کونسل کے غیر معمولی اجلاس میں شرکت کیلئے جدہ چلے گے۔ وہ او آئی سی کے رکن ممالک کے ہم منصبوں کے ساتھ دوطرفہ ملاقاتیں بھی کریں گے۔
.
ذریعہ
ذریعہ: Nawaiwaqt
کلیدی لفظ: اسحاق ڈار
پڑھیں:
وفاقی بجٹ کب پیش کیا جائےگا، وفاقی وزیر طارق فضل چوہدری نے بتا دیا
وفاقی وزیر پارلیمانی امور طارق فضل چوہدری نے کہا ہے کہ وفاقی بجٹ 10 جون کو پیش کیا جائےگا۔
نجی ٹی وی سے گفتگو کرتے ہوئے انہوں نے وضاحت کی کہ بجٹ سے پہلے کوئی قانون سازی نہیں ہورہی۔
واضح رہے کہ قبل ازیں قومی اسمبلی کا بجٹ اجلاس 5 جون کو طلب کیا گیا تھا، تاہم آج قومی اقتصادی کونسل کا 3 جون کو ہونے والا اجلاس اچانک ملتوی کردیا گیا تھا، جس کے بعد واضح ہوگیا تھا کہ 5 جون کو بجٹ پیش نہیں ہوگا۔
قومی اقتصادی کونسل کا اجلاس ملتوی ہونے کے بعد میڈیا پر یہ خبریں سامنے آئی تھیں کہ حکومت بجٹ سے قبل کوئی اہم قانون سازی کرنا چاہتی ہے، تاہم طارق فضل چوہدری نے ایسی خبروں کی تردید کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews تاریخ کا اعلان طارق فضل چوہدری وفاقی بجٹ وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے