پی ایس ایل 2026 کے پلیئرز ڈرافٹ کی ممکنہ تاریخ 30 جنوری سامنے آ گئی
اشاعت کی تاریخ: 10th, January 2026 GMT
پاکستان سپر لیگ کے 11ویں ایڈیشن کی تیاریاں نئی ٹیموں کی نیلامی کے بعد مزید تیز ہو گئی ہیں۔ پی ایس ایل انتظامیہ نے پلیئرز ڈرافٹ سے متعلق عملی منصوبہ بندی شروع کر دی ہے اور ذرائع کے مطابق ڈرافٹ 30 جنوری 2026 کو منعقد ہونے کا امکان ہے۔
اطلاعات کے مطابق ڈرافٹ سے پہلے تمام انتظامی معاملات جلد از جلد مکمل کرنے پر کام جاری ہے اور ڈرافٹ کے مقام اور حتمی تاریخ کا باضابطہ اعلان بھی جلد متوقع ہے۔ بتایا جا رہا ہے کہ ڈرافٹنگ کا عمل پاکستان اور آسٹریلیا کے درمیان ٹی ٹوئنٹی سیریز کے دوران ایک دن کے وقفے میں رکھا جا سکتا ہے۔
ڈرافٹ میں تمام آٹھ فرنچائزز کے مالکان، کوچز اور دیگر نمائندے شریک ہوں گے۔ پی ایس ایل کی موجودہ ٹیموں—لاہور قلندرز، کراچی کنگز، پشاور زلمی، کوئٹہ گلیڈی ایٹرز، اسلام آباد یونائیٹڈ اور ملتان سلطانز—کے ساتھ اب 11ویں ایڈیشن سے دو نئی ٹیمیں سیالکوٹ اور حیدرآباد بھی لیگ کا حصہ ہوں گی۔
نئی ٹیموں کی شمولیت اور ڈرافٹ کی تیاریوں نے شائقین کرکٹ میں جوش و خروش مزید بڑھا دیا ہے، اور اب سب کی نظریں اس بات پر ہیں کہ کون سے بڑے کھلاڑی کس فرنچائز کا حصہ بنتے ہیں۔
ذریعہ
ذریعہ: Daily Mumtaz
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار