خیبر پختونخوا میں وفاقی ترقیاتی منصوبوں کی بروقت تکمیل ترجیح ہے، وزیراعظم شہباز شریف
اشاعت کی تاریخ: 10th, January 2026 GMT
وزیراعظم شہباز شریف نے کہا ہے کہ خیبر پختونخوا کے عوام کے مسائل کو سمجھنا اور ان کے حل کے لیے اقدامات کرنا وفاقی حکومت کی اولین ترجیح ہے۔ انہوں نے صوبے میں جاری وفاقی ترقیاتی منصوبوں کی بروقت تکمیل کو خاص اہمیت دینے کا اعلان کیا۔
وزیراعظم سے خیبر پختونخوا کے عوامی نمائندوں نے ملاقات کی، جس میں صوبے کی مجموعی سیاسی صورتحال اور عوام کو درپیش مسائل پر تفصیلی تبادلہ خیال ہوا۔
شرکاء نے کہا کہ موجودہ صوبائی حکومت ناکام ہو چکی ہے اور گورننس کا کوئی مؤثر نظام موجود نہیں، صحت، تعلیم، انفرااسٹرکچر اور عوامی فلاح کے لیے کوئی واضح پالیسی نہیں ہے۔
شہباز شریف نے عوامی نمائندوں پر زور دیا کہ وہ اپنے حلقوں میں عوامی مسائل کے حل کو اپنی اولین ترجیح بنائیں۔ انہوں نے کہا کہ وفاقی حکومت اپنے دائرہ اختیار میں رہتے ہوئے صوبے کے مسائل کے حل کے لیے فعال اقدامات کر رہی ہے اور عوامی فلاح و بہبود کو ترجیح دی جا رہی ہے۔
ذریعہ
ذریعہ: Daily Mumtaz
پڑھیں:
خیبر پختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اسلام ٹائمز۔ خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔ نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔ اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔ اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔ ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار