وزیر مملکت کے گھر پر دستی بم حملہ
اشاعت کی تاریخ: 10th, January 2026 GMT
سٹی 42:وزیرِ مملکت مبارک زیب خان کے گھر پر رات گئے نامعلوم افراد نے دستی بم سے حملہ کیا، جس کے نتیجے میں خوش قسمتی سے کوئی جانی نقصان نہیں ہوا۔
حملے میں گھر کی دیواروں کو نقصان پہنچا اوردھماکے کے باعث گھر کے احاطے میں خوف و ہراس پھیل گیا۔ ابتدائی اطلاعات کے مطابق حملہ آور دستی بم پھینک کر موقع سے فرار ہو گئے۔
ڈی پی او وقاص رفیق نے بتایا کہ دھماکے سے قریبی گھروں کے شیشے بھی ٹوٹ گئے اور متاثرہ علاقے میں سرچ آپریشن جاری ہے۔
رمضان المبارک کے دوران شاپنگ مالزاور ریسٹورنٹس کے نئے اوقات کار؟
انہوں نے کہا کہ واقعے کی مکمل تحقیقات شروع کردی گئی ہیں تاکہ حملے کے محرکات اورذمہ داروں کا تعین کیا جا سکے یہ واقعہ مبارک زیب خان کے گھر پرچوتھا حملہ ہے جوکہ گزشتہ برسوں میں مختلف اوقات میں پیش آیا۔
حملے کے بعد سیکیورٹی انتظامات سخت کر دیے گئے ہیں اورعلاقے میں اضافی گشت بھی بڑھا دیا گیا ہے پولیس اور مقامی حکام نے عوام سے کہا ہے کہ وہ خوفزدہ نہ ہوں اور کسی مشکوک سرگرمی کی اطلاع فوراً متعلقہ حکام کو دیں۔
سونے اور چاندی کے آج کے ریٹس ۔ہفتہ 10 جنوری، 2026
واقعہ سیاسی اور سیکیورٹی حلقوں میں تشویش کا باعث بن گیا ہے، اور اس کی تحقیقات جلد مکمل کرنے کی یقین دہانی کرائی گئی ہے۔
.
ذریعہ
ذریعہ: City 42
پڑھیں:
مستونگ: سیشن جج اور گن مین قاتلانہ حملے میں شہید، ایڈیشنل سیشن جج شدید زخمی
ویب ڈیسک : مستونگ میں ہونے والے قاتلانہ حملے میں سیشن جج مستونگ عبدالحکیم کاکڑ اور گن مین شہید ہو گئے جبکہ ایڈیشنل سیشن جج طارق لاشاری شدید زخمی ہوئے۔
حکومت بلوچستان نے مستونگ حملے کی شدید مذمت کرتے ہوئے دہشت گردوں کے خلاف فیصلہ کن کارروائی کا حکم دے دیاہے۔ معاون وزیر اعلیٰ بلوچستان شاہد رند کا کہنا ہے کہ سیشن جج عبدالحکیم کاکڑ اور ان کے گن مین کی شہادت انتہائی افسوسناک اور قابلِ مذمت ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
معاون وزیر اعلیٰ بلوچستان شاہد رند کے مطابق وکلاء اور ججز کو نشانہ بنانا ایک گہری سازش کا حصہ ہے،دہشت گردوں اور ان کے سہولت کاروں کو کسی صورت نہیں چھوڑا جائے گا۔
وزیراعلیٰ بلوچستان سرفراز بگٹی نے مستونگ حملے میں زخمی ایڈیشنل سیشن جج طارق لاشاری سے رابطہ کرکے ان کی خیریت دریافت کی اوران کی مکمل صحت یابی کے لیے نیک تمناؤں کا اظہار کیاہے۔
وزیراعلیٰ بلوچستان میر سرفراز بگٹی نے زخمی ایڈیشنل سیشن جج سے گفتگو کرتے ہوئے کہاکہ قانون کے محافظوں پر حملہ ناقابل برداشت ہے، ملوث عناصر کو کیفر کردار تک پہنچایا جائے گا،حکومت عدلیہ اور قانون نافذ کرنے والے اداروں کے ساتھ ہر قدم پر کھڑی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا