لاہور ہائیکورٹ بار الیکشن کے دوران نوجوان جوڈیشل کمپلیکس کی دوسری منزل سے گر کر جاں بحق
اشاعت کی تاریخ: 10th, January 2026 GMT
لاہور کے علاقے اسلام پوری میں واقع جوڈیشل کمپلیکس کی دوسری منزل سے ایک نوجوان مبینہ طور پر گر کر جاں بحق ہوگیا۔
نجی میڈیا کے مطابق واقعے کے بعد پولیس موقع پر پہنچ گئی اور لاش کو تحویل میں لے کر مزید قانونی کارروائی کے لیے اسپتال منتقل کردیا۔ ہلاک ہونے والے نوجوان کی شناخت رفاقت علی کے نام سے ہوئی ہے۔
ابتدائی اطلاعات کے مطابق رفاقت علی اپنے کزن کے ہمراہ لاہور ہائیکورٹ بار کے الیکشن کے سلسلے میں ایوانِ عدل پہنچے تھے۔ وہ واش روم جانے کے لیے کمپلیکس کی دوسری منزل پر گئے، جہاں سیڑھیوں پر پاؤں پھسلنے کے باعث وہ بیسمنٹ پارکنگ میں جا گرے اور موقع پر ہی جاں بحق ہوگئے۔
پولیس نے حادثے کی تحقیقات کا آغاز کر دیا ہے اور لاش کو ضابطے کی کارروائی کے لیے اسپتال منتقل کر دیا گیا ہے۔
ذریعہ
ذریعہ: Daily Mumtaz
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار