نئے صوبے ملک کے مفاد میں ہیں، مخالفت کرنے والوں کو منہ توڑ جواب دینا ہوگا، عبدالعلیم خان
اشاعت کی تاریخ: 11th, January 2026 GMT
وفاقی وزیر مواصلات اور استحکام پاکستان پارٹی کے صدر عبدالعلیم خان نے کہا ہے کہ مسائل کے حل کے لیے ملک میں زیادہ صوبے ہونا ضروری ہیں اور نئے صوبے عوام کے مفاد میں ہیں۔
گوجرانوالہ میں میڈیا سے بات کرتے ہوئے انہوں نے کہاکہ ملک میں صوبوں کی تعداد بڑھانے کی تحریک چل رہی ہے، اور جو لوگ اس کے خلاف ہیں انہیں منہ توڑ جواب دینا ہوگا۔
مزید پڑھیں: ملک میں نئے صوبے بنانے کی بازگشت، بلاول بھٹو بول پڑے
علیم خان نے کہا کہ فی الحال یہاں صرف ایک ہائیکورٹ موجود ہے جس تک لوگ دور دراز سے آتے ہیں، اس لیے وہ جنوبی، شمالی اور وسطی پنجاب کے قیام کے حق میں ہیں۔
ان کا مزید کہنا تھا کہ صوبوں کے نام بدلنے کا مقصد نہیں ہے، بلوچستان کا نام بلوچستان ہی رہے گا۔ اگر سندھ میں حکومت ہے تو وہاں ایک کے بجائے تین وزرائے اعلیٰ بنائے جا سکتے ہیں، اور بلوچستان میں بھی تین وزرائے اعلیٰ رکھنے میں کوئی حرج نہیں۔
وفاقی وزیر نے زور دیا کہ مسائل کا مؤثر حل زیادہ صوبوں کے قیام سے ممکن ہے اور نئے صوبے سب کے فائدے کے لیے ہیں۔ انہوں نے سیاسی جماعتوں سے اپیل کی کہ وہ عوامی مسائل کے حل میں تعاون کریں۔
واضح رہے کہ ملک میں نئے صوبوں کی بات کچھ عرصے سے چل رہی ہے، تاہم پاکستان پیپلز پارٹی کا اس پر مؤقف ہے کہ پہلے جنوبی پنجاب صوبہ بنایا جائے، اس کے بعد دیگر کی بات ہو سکتی ہے۔
مزید پڑھیں: کیا 28ویں ترمیم میں نئے صوبے بن سکیں گے؟
دوسری جانب مسلم لیگ ن نئے صوبوں کے حوالے سے کوئی واضح مؤقف نہیں رکھتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews عبدالعلیم خان منہ توڑ جواب نئے صوبے وفاقی وزیر وی نیوز.
ذریعہ
ذریعہ: WE News
کلیدی لفظ: عبدالعلیم خان منہ توڑ جواب وفاقی وزیر وی نیوز ملک میں
پڑھیں:
دبئی ایئرپورٹ پر اے آئی امیگریشن سسٹم متعارف، 3.4 سیکنڈ میں کلیئرنس
دبئی: دبئی ایئرپورٹ اے آئی امیگریشن سسٹم کے ذریعے مسافروں کے لیے سفر کو مزید تیز اور آسان بنانے کی جانب ایک اہم قدم اٹھا لیا گیا ہے۔ مصنوعی ذہانت (AI) پر مبنی جدید بارڈر کنٹرول نظام کی آزمائش کامیاب رہی ہے، جس کے تحت مسافر صرف 3.4 سیکنڈ میں امیگریشن کا مرحلہ مکمل کر سکتے ہیں۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق اس جدید نظام میں اے آئی سے لیس بایومیٹرک کیمرے بیک وقت 10 مسافروں کی شناخت کرنے کی صلاحیت رکھتے ہیں۔
بغیر پاسپورٹ دکھائے امیگریشن کلیئر
نئے سسٹم کے تحت “ریڈ کارپٹ لین” استعمال کرنے والے رجسٹرڈ مسافروں کو پاسپورٹ یا بورڈنگ پاس دکھانے کی ضرورت نہیں ہوگی۔ انہیں صرف اپنا چہرہ کھلا رکھ کر بایومیٹرک کیمرے پر موجود سبز اشارے کی طرف دیکھنا ہوگا، جس کے بعد شناخت کا عمل خودکار طور پر مکمل ہو جائے گا۔
ابتدائی مرحلے میں کن مسافروں کے لیے؟
ابتدائی طور پر اس جدید سسٹم کا آغاز دبئی ایئرپورٹ کے ٹرمینل 3 پر فرسٹ کلاس اور بزنس کلاس کے مسافروں کے لیے کیا گیا تھا، تاہم کامیاب آزمائش کے بعد اب اس سہولت کو مزید آنے والے مسافروں تک توسیع دی جا رہی ہے۔
اعداد و شمار کے مطابق 2025 کے دوران 5 لاکھ 28 ہزار سے زائد مسافروں نے دبئی کے “اسمارٹ کوریڈور” سے استفادہ کیا، جبکہ گزشتہ سال 2 کروڑ 60 لاکھ سے زیادہ مسافروں نے اسمارٹ گیٹس کے ذریعے سفر کیا۔
کن افراد کو یہ سہولت حاصل ہوگی؟
حکام کے مطابق متحدہ عرب امارات اور خلیجی ممالک کے شہری، یو اے ای کے رہائشی اور بایومیٹرک پاسپورٹ رکھنے والے ویزا آن ارائیول مسافر اس سہولت سے خودکار طور پر فائدہ اٹھا سکیں گے۔ تاہم 1.2 میٹر سے کم قد رکھنے والے بچوں کے لیے یہ نظام فی الحال دستیاب نہیں ہوگا۔
دبئی ایئرپورٹس کے چیف ایگزیکٹو پال گریفتھس کا کہنا ہے کہ اس جدید ٹیکنالوجی کا مقصد سیکیورٹی کو برقرار رکھتے ہوئے امیگریشن کے عمل کو زیادہ تیز، آسان اور مؤثر بنانا ہے۔ ان کے مطابق مستقبل میں دبئی ایئرپورٹ اے آئی امیگریشن سسٹم تمام مسافروں کے لیے دستیاب ہوگا، جس سے ہوائی سفر کا تجربہ مزید بہتر ہونے کی توقع ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار