باغ جناح بڑا گراؤنڈ، اسے بھرنا آسان نہیں، مرتضیٰ وہاب
اشاعت کی تاریخ: 11th, January 2026 GMT
میئر کراچی مرتضیٰ وہاب نے کہا ہے کہ باغ جناح بڑا گراؤنڈ ہے، اسے بھرنا آسان نہیں۔
ایک بیان میں مرتضیٰ وہاب نے کہا کہ وزیراعلیٰ خیبرپختونخوا سہیل آفریدی اگر سیاست کرنے کے لیے آئے ہیں تو ہم حاضر ہیں۔
انہوں نے کہا کہ اگر سہیل آفریدی کراچی پروپیگنڈا کرنے اور چیزوں کو مفلوج کرنے کے لیے آئے ہیں تو یہ چیز غلط ہے۔
پولیس کا کہنا ہے کہ 30 سے زائد کارکنان کو حراست میں لیا گیا ہے، ایک پولیس اہلکار مظاہرین کے تشدد سے زخمی ہوا ہے۔
میئر کراچی نے مزید کہا کہ باغ جناح بڑا گراؤنڈ ہے اس کو بھرنا آسان نہیں، اگر پی ٹی آئی کے پاس گراؤنڈ بھرنے کے لیے بندے نہیں ہیں تو بتا دے۔
اُن کا کہنا تھا کہ سندھ حکومت پی ٹی آئی کو جلسے کے لیے بندے بھی دے دے گی، ہم اپنے جیالوں کو بولیں گے چلے جاؤ بھائی باغ جناح۔
دوسری طرف سندھ حکومت کی ترجمان سعدیہ جاوید نے کہا کہ سیاست کی آڑ میں شرپسندی کی اجازت نہیں، کسی کو امن و امان خراب کرنے اور حالات سبوتاژ کرنے نہیں دیں گے۔
.
ذریعہ
ذریعہ: Jang News
کلیدی لفظ: نے کہا کہا کہ کے لیے
پڑھیں:
’ابھی ہو گیا، بس‘، سونو نگم نے نیٹ احتجاج پر تبصرہ کرنے سے انکار کر دیا
معروف بھارتی گلوکار سونو نگم نے نیٹ احتجاج پر تبصرہ کرنے سے انکار کرتے ہوئے میڈیا نمائندوں سے کہا کہ اس معاملے پر ان سے مزید سوال نہ کیے جائیں۔
سونو نگم سے ایک حالیہ میڈیا گفتگو کے دوران مبینہ نیٹ پرچہ لیک اور تعلیمی اصلاحات کے مطالبے پر جاری احتجاج کے حوالے سے سوال کیا گیا، تاہم انہوں نے اس موضوع پر اپنی رائے دینے سے گریز کیا۔
رپورٹرز کی جانب سے مسلسل سوالات کیے جانے پر سونو نگم نے واضح کیا کہ وہ اس معاملے پر بات نہیں کرنا چاہتے۔ بار بار سوالات کیے جانے پر وہ کچھ برہم دکھائی دیے اور مختصراً کہا، ’’ابھی ہو گیا، بس۔‘‘ اس جملے کے ذریعے انہوں نے اشارہ دیا کہ وہ اس موضوع پر مزید گفتگو نہیں کرنا چاہتے۔
رپورٹس کے مطابق، یہ میڈیا گفتگو کہاں اور کس موقع پر ہوئی، اس حوالے سے کوئی تفصیلات سامنے نہیں آئیں۔
View this post on Instagram
نیٹ احتجاج پر متعدد شوبز شخصیات کا ردِعمل
سونو نگم کی خاموشی ایسے وقت میں سامنے آئی ہے جب بھارتی فلم انڈسٹری کی کئی معروف شخصیات نیٹ احتجاج پر اپنے خیالات کا اظہار کر رہی ہیں۔
اداکار سلمان خان، عالیہ بھٹ، دُلکر سلمان، وجے ورما، نصیرالدین شاہ، انوپم کھیر، ہیما مالنی، پریتی زنٹا اور عمران خان سمیت متعدد فنکار اس معاملے پر مختلف رائے کا اظہار کر چکے ہیں۔ بعض نے طلبہ کی حمایت کرتے ہوئے مذاکرات اور تعلیمی اصلاحات کا مطالبہ کیا جبکہ دیگر نے مختلف مؤقف اختیار کیا۔
واضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع