اسٹاک ایکسچینج ایک بار پھر منفی زون میں، انڈیکس میں 1000 سے زائد پوائنٹس کی کمی
اشاعت کی تاریخ: 13th, January 2026 GMT
مثبت آغاز کے بعد پاکستان اسٹاک ایکسچینج میں ایک بار پھر مندی کے رجحانات غالب آ گئے اور منگل کے روز انٹرا ڈے ٹریڈنگ کے دوران 100 انڈیکس 600 سے زائد پوائنٹس گرگیا۔
دوپہر 12 بج کر 55 منٹ پر بینچ مارک کے ایس ای 100 انڈیکس 1001.21 پوائنٹس یعنی 0.55 فیصد کمی کے ساتھ 181,382.91 پوائنٹس پر ٹریڈ کر رہا تھا۔
یہ بھی پڑھیں:
اہم شعبوں میں فروخت کا دباؤ دیکھا گیا، جن میں آٹو موبائل اسمبلرز، کمرشل بینکس، فرٹیلائزر، تیل و گیس کی تلاش و پیداوار کی کمپنیاں، آئل مارکیٹنگ کمپنیاں، بجلی پیدا کرنے والے ادارے اور ریفائنریاں شامل ہیں۔
اے آر ایل، حبکو، ماری، پول، پاکستان اسٹیٹ آئل، ایس ایس جی سی، حبیب بینک، مسلم کمرشل بینک اورمیزان بینک سمیت انڈیکس پر زیادہ اثر ڈالنے والے بڑے شیئرز منفی زون میں ٹریڈ ہوتے رہے۔
Market is down at midday ????
⏳ KSE 100 is negative by -1001.
— Investify Pakistan (@investifypk) January 13, 2026
ایک اہم پیش رفت میں فیڈرل بورڈ آف ریونیو نے امیر طبقے پر ٹیکس کے بوجھ میں اضافے کے لیے کاروباری برادری سے نئی تجاویز طلب کر لی ہیں۔
اس سلسلے میں ایف بی آر نے آئندہ مالی سال کے بجٹ کے لیے کاروباری اور تجارتی حلقوں سے تجاویز مانگی ہیں۔
مزید پڑھیں:
واضح رہے کہ گزشتہ روز یعنی پیر کو پاکستان کی ایکویٹی مارکیٹ شدید مندی کے ساتھ بند ہوئی تھی، جہاں گزشتہ ہفتے کی مضبوط تیزی کے بعد سرمایہ کاروں نے جارحانہ منافع خوری کی۔
کے ایس ای 100 انڈیکس 2,025.52 پوائنٹس یعنی 1.1 فیصد کمی کے ساتھ 182,384.15 پوائنٹس پر بند ہوا تھا۔
مزید پڑھیں:
عالمی سطح پر منگل کے روز جاپانی شیئرز میں زبردست تیزی کے باعث ایشیائی منڈیاں بلند رہیں، جہاں مصنوعی ذہانت سے جڑی سرمایہ کاری پر سرمایہ کاروں کے اعتماد نے مارکیٹ کو سہارا دیا۔
تاہم، امریکی فیڈرل ریزرو کی خودمختاری سے متعلق غیر یقینی صورتحال کے باعث سونے کو فائدہ پہنچا، جبکہ ڈالر دباؤ میں رہا۔
شیئر مارکیٹس میں جاپان کا نِکی انڈیکس تعطیلات کے بعد 3.4 فیصد اضافے کے ساتھ نئی ریکارڈ بلند سطح پر پہنچ گیا، جس کی وجہ کمزور ین اور ممکنہ مالیاتی مراعات سے متعلق توقعات رہیں۔
جنوبی کوریا اور تائیوان کی منڈیاں بھی تاریخ کی بلند ترین سطح پر پہنچ گئیں، جبکہ چینی بلیو چِپ شیئرز 4 سال کی بلند ترین سطح پر آ گئے۔
ایم ایس سی آئی کا جاپان کے علاوہ ایشیا پیسفک حصص کا وسیع ترین انڈیکس 0.8 فیصد اضافے کے ساتھ نئی ریکارڈ سطح پر پہنچ گیا۔
یورپی منڈیوں میں یورو اسٹاکس 50 فیوچرز میں 0.2 فیصد اضافہ ہوا، ڈی اے ایکس فیوچرز 0.1 فیصد بڑھے جبکہ ایف ٹی ایس ای فیوچرز تقریباً بغیر تبدیلی کے رہے۔
دسمبر کے امریکی کنزیومر پرائس انڈیکس کے اہم اعداد و شمار سے قبل ایس اینڈ پی 500 فیوچرز میں 0.2 فیصد اور نیسڈیک فیوچرز میں 0.3 فیصد کمی دیکھی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئل مارکیٹنگ آٹو موبائل اسٹاک ایکسچینج انڈیکس پاکستان پاکستان اسٹیٹ آئل ٹیکس فیڈرل بورڈ آف ریونیو کمرشل بینکس
ذریعہ
ذریعہ: WE News
کلیدی لفظ: آئل مارکیٹنگ آٹو موبائل اسٹاک ایکسچینج انڈیکس پاکستان پاکستان اسٹیٹ ا ئل ٹیکس فیڈرل بورڈ آف ریونیو
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ