امریکا میں چائلڈ پورنوگرافی کے مجرم کو 225 سال قید کی سزا
اشاعت کی تاریخ: 13th, January 2026 GMT
امریکی ریاست مشی گن میں عدالت نے بچوں کے ساتھ سنگین جنسی جرائم میں ملوث شخص کو طویل ترین قید کی سزا سنا دی۔
عالمی خبر رساں ادارے کے مطابق چائلڈ پورنوگرافی جیسے سنگین جرم میں ملوث مجرم لوکاس منرو اپنے منطقی انجام تک پہنچ گیا اور متاثرین کو انصاف مل گیا۔
سفاک ملزم لوکاس منرو کو جنوری 2025 میں گرفتار کیا گیا تھا۔ یہ گرفتاری مشی گن اسٹیٹ پولیس کمپیوٹر کرائمز یونٹ اور انٹرنیٹ کرائمز اگینسٹ چلڈرن ٹاسک فورس کی مشترکہ تحقیقات کے بعد عمل میں آئی۔
ملزم لوکاس منرو پر الزام تھا کہ اس نے نہ صرف بچوں کے ساتھ جنسی زیادتی پر مبنی مواد تیار کیا بلکہ اسے انٹرنیٹ پر اپ لوڈ کیا اور میسیجز کے ذریعے تقسیم بھی کیا۔
24 نومبر 2025 کو لوکاس منرو نے خود پر عائد پانچ الزامات کو تسلیم کرلیا تھا جب کہ دو الزمات معاہدے کے تحت ختم کردیئے گئے تھے۔
یاد رہے کہ یہ لوکاس منرو ان کیسز سے قبل بھی 2017 میں بچوں کے ساتھ جنسی سرگرمی، بلیک میلنگ اور تھرڈ ڈگری کرمنل سیکسچیول کنڈکٹ کا مرتکب پایا گیا تھا۔
جس پر اس نے 5 سال قید بھی کاٹی لیکن پھر رہائی کے بعد اب دوبارہ پہلے سے بھی زیادہ سنگین جرائم پر گرفتار ہوا۔
عدالت نے پچھلی سزا اور موجودہ جرائم کو دیکھتے ہوئے لوکاس منرو کو 66 سے 225 سال قید کی سزا دی جب کہ وہ پہلے ہی 123 دن حراست میں گزار چکا تھا۔
عدالتی فیصلے کے مطابق ساڑھے 6 سال سے 100 برس تک کی متعدد سزائیں ایک ساتھ چلیں گی جب کہ 25 سے 100 سال اور 16 سے 25 سال کی دو سزائیں یکے بعد دیگرے کاٹنا ہوں گی۔
.
ذریعہ
ذریعہ: Express News
کلیدی لفظ: لوکاس منرو
پڑھیں:
ایران کے شہید سپریم لیڈر علی خامنہ ای کی تدفین مشہد میں ہوگی، تیاریاں شروع
ایران کے شہید سپریم لیڈر آیت اللہ سید علی خامنہ ای کی تدفین تین بڑے شہروں ایران، قم اور مشہد میں نماز جنازہ کے بعد مشہد میں امام رضا کے مزار میں ہوگی، جس کے لیے حکام کی جانب سے تیاریاں شروع کی گئی ہیں۔
ایرانی میڈیا کی رپورٹ کے مطابق ایران کے دارالحکومت تہران کے سماجی و ثقافتی امور کے نائب محمد امین توکلی زادہ نے بتایا کہ شہید سپریم لیڈر آیت اللہ علی خامنہ کی تدفین کے لیے تیاریاں جاری ہیں اور صرف دارالحکومت تہران میں ڈیڑھ سےدو کروڑ (15 سے 20 ملین) لوگوں کے لیے تیاریاں جاری ہیں۔
انہوں نے کہا کہ ہم دنیا کے انتہائی استکبار مخالف رہنما، امریکا اور اسرائیل کے خلاف جنگ کے عظیم کمانڈر اور ایران کے عظیم قابل تقلید رہنما کے جنازے میں شریک ہو رہے ہیں۔
امین توکلی زادہ نے کہا کہ مختلف صوبوں کی جانب سے جنازے کی میزبانی کے لیے درخواستیں کی گئی ہیں اور تدفین ممکنہ طور پر ذوالحج کے اختتام اور محرم کے شروع میں ہوگی۔
انہوں نے کہا کہ تہران میں نماز جنازے کا پروگرام تقریباً 24 گھنٹوں تک جاری رہے گا، ہم شیعہ مسلمانوں کا ایک بہت بڑا اجتماع دیکھیں گے اور یہاں تک کہ تمام مسلمانوں کا ایک عظیم اجتماع ہوگا۔
رپورٹ میں بتایا گیا کہ آیت اللہ علی خامنہ ای کی نماز جنازے میں ہمسایہ ممالک بشمول پاکستان، افغانستان، بھارت، بنگلہ دیش اور کشمیر سے بڑی تعداد میں سوگواروں کی شرکت کا امکان ہے۔
یاد رہے کہ ایران کے سابق سپریم لیڈر آیت اللہ علی خامنہ ای 28 فروری کو امریکا اور اسرائیل کے حملے میں شہید ہوگئے تھے جب ایران پر اچانک حملہ کیا گیا تھا اور بم باری کے نتیجے میں آیت اللہ علی خامنہ ای کے علاوہ ان کے خاندان کے چند انتہائی قریبی ارکان سمیت پاسداران انقلاب کے اعلیٰ کمانڈرز بھی شہید ہوگئے تھے۔
امریکا اور اسرائیل کے اس حملے میں مناب میں لڑکیوں کے ایک اسکول پربھی بم باری کی گئی تھی، جس کے نتیجے میں اسکول کی بچیوں سمیت 165 افراد شہید ہوگئے تھے، جبکہ ایران نے جواب میں اسرائیل اور خطے کے ممالک میں قائم امریکی اڈوں پر حملے شروع کیے تھے۔
پاکستان کی ثالثی میں اپریل میں امریکا اور ایران نے جنگ بندی پر اتفاق کیا اور دونوں اطراف سے حملے روک دیے گئے تاہم ایران نے آبنائے ہرمز کا کنٹرول اپنے پاس رکھا جبکہ امریکا نے ناکہ بندی کی جو تاحال جاری ہے لیکن مخصوص جہازوں کو گزرنے کی اجازت دی جاتی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے