ہینڈز انڈیپنڈیٹ کے تحت خصوصی افراد کے لیے موسم سرماکی مہم کا انعقاد
اشاعت کی تاریخ: 14th, January 2026 GMT
data-id="863a0a8" data-element_type="widget" data-widget_type="theme-post-content.default">
260114-2-8
حیدرآباد(اسٹاف رپورٹر)ہینڈز انڈیپنڈنٹ لیونگ سینٹر (آئی ایل سی) نے نصرت ٹرسٹ برائے خصوصی افراد اور انکلوژن اینڈ ایمپاورمنٹ آرگنائزیشنز کے اشتراک سے موسمِ سرما کی مہم کا انعقاد کیا۔ اس تقریب سے 200 سے زائد خاندانوں نے استفادہ کیا، جنہیں گرم کپڑے اور ضروری اشیا فراہم کی گئیں۔ نصرت ٹرسٹ کے سی ای او مفتی ابو طلحہ مہمانِ خصوصی تھے، جبکہ ہینڈز کے ڈپٹی ایگزیکٹو منیجر عبدالرزاق عمرانی مہمانِ اعزاز تھے۔ اس موقع پر ہینڈز آئی ایل سی کے منیجر لال محمد بلوچ نے مہمانوں کا خیرمقدم کیا اور مرکز کی خدمات اور کام سے آگاہ کیا۔ لال محمد بلوچ نے کہاآج اس پروگرام میں بڑی تعداد میں لوگوں کی شرکت اس بات کی علامت ہے کہ ہم ایک جامع معاشرے کی طرف بڑھ رہے ہیں، اور جامع معاشرہ وہی ہوتا ہے جو رکاوٹوں سے پاک ہو۔ گزشتہ 78 برسوں سے ہمیں جن مشکلات کا سامنا تھا، ہم انہیں ختم کرنے کے لیے پرعزم ہیں۔ ہم ایسا معاشرہ تشکیل دینے کے لیے کوشاں ہیں جہاں معذور افراد عزت اور وقار کے ساتھ زندگی گزار سکیں۔لال محمد بلوچ نے مزید کہاکہ ہینڈز نے کم عرصے میں حیدرآباد میں ہزاروں معذورین جوکہ اپنے گھر میں قید تھے انہیں اپنے سینٹر میں لاکر ان کی کونسلنگ کی اور اب انہیں ایک باعزت مقام دلانے کیلئے کوشاں ہیں جن میں تعلیم، ہنر اور روزگار جیسے پروگرام شامل ہیں۔ اس موقع پر مہمانِ خصوصی نصرت ٹرسٹ کے مفتی ابو طلحہ نے ہینڈز آئی ایل سی کے کام اور معذور افراد کو بااختیار بنانے کے عزم کو سراہا۔ انہوں نے کہا کہ مرکز کا انحصار سے خودمختاری تک کا سفر ”انتہائی متاثر کن” ہے اور ٹیم کی محنت اور لگن کی تعریف کی۔
ذریعہ
ذریعہ: Jasarat News
کلیدی لفظ: ہینڈز ا
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار