دھند کی شدت برقرار، موٹریز آج بھی کئی مقامات سے ٹریفک کیلئے بند
اشاعت کی تاریخ: 14th, January 2026 GMT
فاران یامین :شدید دھند کے باعث حدِ نگاہ میں خطرناک حد تک کمی ریکارڈ کی گئی ہے، جس کے پیش نظر مختلف موٹرویز کو ٹریفک کے لیے بند کر دیا گیا ہے۔
ترجمان موٹروے پولیس کے مطابق موٹروے ایم ٹو لاہور سے کوٹ مومن تک ٹریفک کے لیے بند ہے۔موٹروے ایم تھری فیض پور سے درخانہ تک مکمل طور پر بند کر دی گئی ہے۔موٹروے ایم الیون لاہور سے سمبڑیال تک ٹریفک کے لیے بند ہے۔دھند کے باعث لاہور ایسٹرن بائی پاس کو بھی بند کر دیا گیا ہے۔
ترجمان کا کہنا ہے کہ موٹرویز کی بندش کا مقصد عوام کی جان و مال کا تحفظ ہے۔
عالمی منڈی میں برینٹ آئل کی قیمت بلند ترین سطح پر آگئی
مزید بتایا گیا ہے کہ قومی شاہراہ پر لاہور، مانگا منڈی اور اوکاڑہ کے علاقوں میں بھی شدید دھند چھائی ہوئی ہے، جہاں حدِ نگاہ 0 سے 100 میٹر تک ریکارڈ کی گئی ہے۔
موٹروے پولیس نے شہریوں کو غیر ضروری سفر سے گریز اور احتیاطی تدابیر اختیار کرنے کی ہدایت کی ہے۔
ذریعہ
ذریعہ: City 42
پڑھیں:
لاہور میں آج موسم ابرآلود، بارش کا کتنا امکان؟
لاہور میں آج زیادہ تر موسم ابر آلود رہنے اور ہلکی بارش کا امکان ہے جبکہ سورج اور بادلوں کے درمیان آنکھ مچولی کا سلسلہ بھی جاری رہے گا۔
مون سون سسٹم کے تحت آج صبح لاہور میں سب سے زیادہ بارش فرخ آباد میں 40 اور گلشن راوی میں 34 ملی میٹر ریکارڈ کی گئی جبکہ سگیاں پل پر 34 اور سمن آباد میں 14 ملی میٹر بارش ریکارڈ کی گئی۔
اسی طرح شہر کے مختلف علاقوں میں کہیں ہلکی اور کہیں تیز بارش ہوئی۔ گزشتہ دو سے تین روز کے دوران بارش کے باعث درجہ حرارت میں کمی آگئی اور موسم خوش گوار ہوگیا۔
محکمہ موسمیات کے مطابق لاہور میں کم سے کم درجہ حرارت 27 جبکہ زیادہ سے زیادہ 31 ڈگری تک جانے کا امکان ہے، مون سون کی بارشوں کا یہ سلسلہ 26 جولائی تک جاری رہے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع