سابق شوہر نے میری ساری جمع پونجی چھین لی، مایا خان کا انکشاف
اشاعت کی تاریخ: 14th, January 2026 GMT
پاکستان شوبز انڈسٹری کی معروف اداکارہ و میزبان مایا خان کا کہنا ہے کہ ان کے سابق شوہر نے ان کی تمام جمع پونجی چھین لی تھی۔
مایا خان نے حال ہی میں نادیہ خان کے مارننگ شو میں شرکت کی جہاں انہوں نے مختلف موضوعات پر گفتگو کرتے ہوئے تلخ تجربات شیئر کیے۔
مایا خان نے کہا کہ ’میری جمع پونجی میرے سابق شوہر نے چھین لی۔ میں نے ہر جگہ اس کے بارے میں بات کی اور میرے پاس تمام ثبوت موجود تھے۔ دو سال تک عدالتوں کا چکر لگانے کے باوجود میں اپنی محنت کی کمائی واپس نہیں لے سکی‘۔
View this post on Instagram
A post shared by DIVA Magazine Pakistan (@divamagazinepakistan)
میزبان نے کہا کہ آپ کو کورٹ کے چکر لگانے کے بجائے میڈیا میں بات کرنی چاہیے تھی جس پر مایا خان نے کہا کہ آپ کی بات درست ہے میں میڈیا میں جا سکتی تھی لیکن صدمے کے دوران ایسے خیالات ذہن میں نہیں آتے۔
ان کا مزید کہنا تھا کہ عدالت کے دنوں میں مجھے واقعی بہت صدمہ ہوا کیونکہ جب مشہور لوگ عدالت میں جاتے ہیں اور لوگ انہیں پہچان لیتے ہیں تو خود کو اتنی کمزور حالت میں دیکھنا بہت مشکل ہوتا ہے۔
یہ بھی پڑھیں: ’25 لاکھ سے 4 لاکھ تک‘، اداکارہ مایا خان نے معاوضے میں حیران کن کمی کا راز فاش کردیا
واضح رہے کہ مایا خان نے اپنے کیریئر کا آغاز پی ٹی وی کے ڈراموں ایک محبت سو افسانے سے کیا تاہم انہیں اصل شہرت سما ٹی وی کے مقبول مارننگ شو سے حاصل ہوئی۔
وہ 2024 میں ڈرامہ مائی ری کے ذریعے ٹی وی اسکرین پر واپس آئیں، جبکہ کبھی میں کبھی تم اور بڑے بھیا میں اپنے کردار کے باعث خوب داد سمیٹی۔ اس کے علاوہ مایا خان ایک کامیاب کاروباری شخصیت بھی ہیں اور اپنا ہربل برانڈ چلا رہی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مارننگ شو مایا خان مایا خان شادی مایا خان شوہر مایا خان طلاق نادیہ خان.
ذریعہ
ذریعہ: WE News
کلیدی لفظ: مایا خان مایا خان شادی مایا خان شوہر مایا خان طلاق نادیہ خان مایا خان نے
پڑھیں:
آزاد کشمیر انتخابات: استحکام پاکستان پارٹی اور مسلم کانفرنس میں انتخابی اتحاد، سیٹ ایڈجسٹمنٹ پر اتفاق
آزاد کشمیر قانون ساز اسمبلی کے انتخابات سے قبل اہم سیاسی پیشرفت سامنے آئی ہے جہاں استحکام پاکستان پارٹی (آئی پی پی) اور آل جموں و کشمیر مسلم کانفرنس نے انتخابی اتحاد اور مختلف حلقوں میں سیٹ ایڈجسٹمنٹ کے اصولی فارمولے پر اتفاق کر لیا ہے۔
یہ بھی پڑھیں: آزاد کشمیر میں انتخابی عمل سبوتاژ کرنے کی کوششیں ناکام بنائیں گے، چیف الیکشن کمشنر کا واضح پیغام
یہ اتفاق رائے استحکام پاکستان پارٹی آزاد کشمیر کے صدر اور سابق وزیراعظم سردار تنویر الیاس خان اور آل جموں و کشمیر مسلم کانفرنس کے صدر و سابق وزیراعظم سردار عتیق احمد خان کے درمیان ملاقات کے دوران ہوا۔
ملاقات میں آزاد کشمیر کی مجموعی سیاسی صورتحال، آئندہ قانون ساز اسمبلی کے انتخابات اور دونوں جماعتوں کے درمیان انتخابی تعاون پر تفصیلی تبادلہ خیال کیا گیا۔
دونوں رہنماؤں نے مختلف انتخابی حلقوں میں سیٹ ایڈجسٹمنٹ کے اصولی فارمولے کی منظوری دے دی جبکہ انتخابات کے بعد بھی مشترکہ حکمت عملی کے تحت آگے بڑھنے پر اتفاق کیا گیا۔
مزید پڑھیے: تنویر الیاس کے قافلے پر حملہ، وزیراعظم آزاد کشمیر فیصل ممتاز راٹھور کی شدید مذمت
ملاقات میں فیصلہ کیا گیا کہ دونوں جماعتوں کی مشترکہ رابطہ کمیٹی جلد مختلف حلقوں میں امیدواروں کی حمایت اور سیٹ ایڈجسٹمنٹ سے متعلق حتمی اعلان کرے گی۔
سیاسی مبصرین کے مطابق اس اتحاد کو آزاد کشمیر کے انتخابات میں ایک اہم پیشرفت قرار دیا جا رہا ہے کیونکہ دونوں جماعتیں مشترکہ حکمت عملی کے ذریعے انتخابی میدان میں اپنا اثر و رسوخ بڑھانے کی کوشش کر رہی ہیں۔
مزید پڑھیں: آزاد کشمیر میں آئندہ حکومت استحکام پاکستان پارٹی کی ہوگی، تنویر الیاس کا دعویٰ
ملاقات کے موقع پر سابق معاون خصوصی سردار امتیاز شاہین، مسلم کانفرنس یوتھ ونگ کے چیئرمین سردار عثمان عتیق، کھائیگلہ پونچھ سے مسلم کانفرنس کے نامزد امیدوار ڈاکٹر عرفان اشرف، سابق امیدوار اسمبلی سردار منظور ایڈووکیٹ، سابق ڈی جی ہیلتھ سردار محمود خان، پولیٹیکل ایڈوائزر سردار افتخار رشید، ممبر میونسپل کارپوریشن باغ سردار شجاع منگول ایڈووکیٹ، سابق پولیٹیکل سیکرٹری سردار شبریز صابر، پیر عبدالقادر، سردار عفان عتیق، راجہ عبدالجبار اور اسٹاف آفیسر سردار حفیظ خان بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل جموں و کشمیر مسلم کانفرنس کے صدر و سابق وزیراعظم سردار عتیق احمد خان استحکام پاکستان پارٹی آزاد کشمیر تنویر الیاس اور سرادر عتیق احمد کی ملاقات سابق وزیراعظم سردار تنویر الیاس خان
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار