بھارت کے خلاف جنگ نے JF-17 کو مؤثر فائٹر جیٹ بنا دیا، برطانوی ادارے ٹیلی گراف کا خصوصی مضمون
اشاعت کی تاریخ: 14th, January 2026 GMT
پاکستان میں تیار کردہ جے ایف 17 تھنڈر جنگی طیارہ عالمی دفاعی منڈی میں تیزی سے مقبول ہو رہا ہے۔ حالیہ پاک بھارت جنگ میں اس کی کارکردگی دیکھنے کے بعد متعدد ممالک کی فضائی افواج اس طیارے کی خریداری کے لیے قطار میں کھڑی ہو گئی ہیں، جس سے پاکستان کی دفاعی برآمدات کو بڑا فروغ ملنے کی توقع ہے۔
سعودی عرب سمیت کئی ممالک کی دلچسپیستمبر میں پاکستان اور سعودی عرب کے درمیان دفاعی معاہدے کے بعد یہ واضح ہو گیا تھا کہ ریاض اسلام آباد سے جدید عسکری ساز و سامان میں دلچسپی رکھتا ہے۔ اس کے علاوہ بنگلہ دیش، عراق، انڈونیشیا اور لیبیا کی نیشنل آرمی نے بھی جے ایف 17 تھنڈر خریدنے میں دلچسپی ظاہر کی ہے۔
یہ بھی پڑھیے جنگ آزمودہ جے ایف 17 تھنڈر: پاکستان کی دفاعی برآمدات میں بڑی پیشرفت، کون سے ممالک خریدار اور کون منتظر؟
کئی ممالک کے ساتھ معاہدے طے پا چکے ہیں جبکہ بعض جلد متوقع ہیں۔
کم قیمت، اعلیٰ کارکردگیجے ایف 17 تھنڈر کی سب سے بڑی خوبی اس کی کم لاگت اور اعلیٰ جنگی صلاحیت ہے۔ مئی میں بھارت کے ساتھ ہونے والی مختصر جنگ میں یہ طیارہ عملی طور پر آزمایا گیا، جہاں پاک فضائیہ کے مطابق اس نے فرانس کے تیار کردہ رافیل طیاروں کے مقابلے میں نمایاں کارکردگی دکھائی۔
پاکستان میں تیار ہونے والا جدید جنگی طیارہیہ ہلکا وزن رکھنے والا ملٹی رول فائٹر طیارہ پاکستان ایروناٹیکل کمپلیکس (PAC) میں تیار کیا جاتا ہے جو اسلام آباد سے قریب واقع ہے۔ اس کا بلاک ٹو ورژن 4.
جے ایف 17 میں AES A ریڈار، جدید ایویونکس اور الیکٹرانک وارفیئر سسٹمز موجود ہیں، جو اسے امریکی ایف 16 اور روسی سوخو 27 پر برتری دیتے ہیں۔ یہ طیارہ درمیانی اور کم بلندی پر انتہائی مؤثر منور ایبلٹی رکھتا ہے اور بیک وقت متعدد اہداف کو ٹریک کر سکتا ہے۔
یہ بھی پڑھیے دبئی ایئرشو میں دوست ملک کے ساتھ جے ایف17 تھنڈر کی خریداری کی مفاہمتی یادداشت پر دستخط
مہنگے طیاروں کے مقابلے میں سستا متبادلماہرین کے مطابق جے ایف 17 اسی کیٹیگری میں آتا ہے جس میں رافیل، گریپن، یورو فائٹر ٹائیفون اور چین کا جے 10 شامل ہیں، مگر قیمت کے لحاظ سے یہ کہیں زیادہ سستا ہے۔
جے ایف 17 کی قیمت: 25 سے 30 ملین ڈالر
رافیل: 90 ملین ڈالر سے زائد
گریپن: 100 ملین ڈالر سے زائد
ٹائیفون: 117 ملین ڈالر
ایف 35: 109 ملین ڈالر
جنگی تجربہ جے ایف 17 کی بڑی طاقتجے ایف 17 کو 2019 اور 2025 میں بھارت کے خلاف عملی جنگی تجربہ حاصل ہوا۔ 2019 میں پاک فضائیہ نے ایک بھارتی طیارہ مار گرایا اور پائلٹ ابھی نندن کو گرفتار کیا۔
مئی 2025 کے 4 روزہ تنازع میں پاکستان نے 6 بھارتی طیارے مار گرانے کا دعویٰ کیا، جن میں 3 رافیل شامل تھے۔ بھارت نے نقصان تسلیم کیا مگر تفصیلات جاری نہیں کیں۔
پاک فضائیہ کے مطابق جے ایف 17 نے بھارتی طیاروں کے خلاف کارروائیوں کے علاوہ روس کے تیار کردہ ایس 400 ایئر ڈیفنس سسٹم کو ہائپرسونک میزائل سے نشانہ بنایا، تاہم بھارت نے اس کی تردید کی ہے۔
جنگ بندی اور عالمی ردعمللڑائی 10 مئی کو اُس وقت ختم ہوئی جب امریکی صدر ڈونلڈ ٹرمپ نے فوری جنگ بندی کا اعلان کیا۔ بعد ازاں پاکستان نے انہیں نوبیل امن انعام کے لیے نامزد بھی کیا۔ ٹرمپ نے خود متعدد بار کہا کہ 6 سے 8 طیارے مار گرائے گئے۔
پہلے سے خریدار ممالکمیانمار (2015): 15 میں سے 7 طیارے موصول
نائجیریا (2021): 3 طیارے
آذربائیجان (2024): 16 طیارے، 1.5 ارب ڈالر کا معاہدہ
لیبیا: 4 ارب ڈالر میں درجنوں طیاروں کا معاہدہ
مزید 6 ممالک سے معاہدے متوقعپاکستانی فوج کے شعبہ تعلقات عامہ (آئی ایس پی آر) کے مطابق بنگلہ دیش کے ساتھ معاہدہ جلد متوقع ہے۔ انڈونیشیا 40 سے زائد طیارے خریدنے میں دلچسپی رکھتا ہے جبکہ عراق نے بھی سنجیدہ دلچسپی ظاہر کی ہے۔ پاکستان اور سعودی عرب کے درمیان 2 ارب ڈالر کے قرض کو جے ایف 17 معاہدے میں تبدیل کرنے پر بھی بات چیت جاری ہے۔
دفاعی برآمدات اور معیشتماہرین کا کہنا ہے کہ اگر پاکستان مضبوط دفاعی برآمدی صنعت قائم کر لیتا ہے تو اس سے زرِمبادلہ، عالمی حیثیت اور معیشت کو بڑا فائدہ ہو سکتا ہے۔
وفاقی وزیر دفاع خواجہ آصف نے کہا ہے کہ پاکستانی ہتھیاروں کی کامیابی سے ملکی معیشت کا منظرنامہ بدل سکتا ہے اور ممکن ہے کہ پاکستان کو چھ ماہ میں آئی ایم ایف کی ضرورت نہ رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جے ایف 17 تھنڈر جنگی طیارہ
ذریعہ
ذریعہ: WE News
کلیدی لفظ: جے ایف 17 تھنڈر جنگی طیارہ جے ایف 17 تھنڈر ملین ڈالر تیار کردہ کے مطابق کے ساتھ
پڑھیں:
افغان ٹیم پہلی بار بھارت میں ٹی ٹوئنٹی سیریز کی میزبانی کرے گی
افغانستان کرکٹ ٹیم(Afghanistan Cricket Team) اپنی آئندہ ٹی ٹوئنٹی سیریز کی میزبانی بھارت کے دارالحکومت دہلی میں کرے گی، جس کا باضابطہ شیڈول سامنے آگیا ہے۔
رپورٹس کے مطابق افغانستان کرکٹ بورڈ اور بھارتی کرکٹ بورڈ کے درمیان طویل مشاورت کے بعد اس سیریز کے انعقاد پر اتفاق کیا گیا ہے، جس کے تحت تین ٹی ٹوئنٹی میچز 13، 16 اور 19 ستمبر کو کھیلے جائیں گے۔
ذرائع کے مطابق یہ پہلا موقع ہوگا کہ افغانستان بھارت میں ٹی ٹوئنٹی سیریز کی میزبانی کرے گا، جو دونوں کرکٹ بورڈز کے درمیان مضبوط ہوتے ہوئے تعلقات کی عکاسی کرتا ہے۔
اس سے قبل افغانستان کی ٹیم بھارت کے خلاف ایک ٹیسٹ میچ اور تین ون ڈے میچز کی سیریز بھی کھیل رہی ہے، جس سے دونوں ٹیموں کے درمیان بین الاقوامی کرکٹ روابط مزید مستحکم ہو رہے ہیں۔
مزیدپڑھیں:پنجاب میں مفت سفری سہولت ختم کرنے پر غور
بھارتی میڈیا کے مطابق افغانستان کرکٹ بورڈ نے اس سیریز کے لیے جوابی دورے کی خواہش ظاہر کی تھی، جس پر بھارتی بورڈ نے مثبت ردعمل دیا۔ دونوں بورڈز کے درمیان پہلے سے اچھے تعلقات موجود ہیں، جس کی بنیاد پر اس سیریز کو ممکن بنایا گیا۔
یہ بھی یاد رہے کہ افغانستان کرکٹ ٹیم ماضی میں اپنی ہوم سیریز بھارت اور متحدہ عرب امارات میں کھیلتی رہی ہے۔ بھارت میں افغانستان نے اس سے قبل آئرلینڈ، بنگلہ دیش اور نیوزی لینڈ جیسی ٹیموں کی میزبانی بھی کی ہے۔
کرکٹ ماہرین کے مطابق افغانستان کی جانب سے بھارت میں مسلسل ہوم سیریز کھیلنا اس بات کی علامت ہے کہ وہ عالمی کرکٹ میں اپنی موجودگی اور انتظامی صلاحیتوں کو مزید مضبوط کر رہا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے