جوڈیشل کمیشن اجلاس، پشاورہائیکورٹ کے 6 ایڈیشنل ججز مستقل
اشاعت کی تاریخ: 14th, January 2026 GMT
اسلام آباد(نیوزڈیسک) جوڈیشل کمیشن نے پشاور ہائیکورٹ کے چھ ایڈیشنل ججز کو مستقل کرنے کی سفارش کردی جبکہ 4 ججز کو 6 ماہ کی توسیع دے دی گئی۔
اعلامئے کے مطابق جوڈیشل کمیشن کا اجلاس چیف جسٹس پاکستان یحیٰی آفریدی کی زیر صدارت ہوا۔ اجلاس میں پشاور ہائیکورٹ کے 10 ایڈیشنل ججز کو مستقل کرنے کا ایجنڈا زیر غور آیا۔
جوڈیشل کمیشن نے 6 ججز جسٹس محمد طارق آفریدی،جسٹس عبدالفیاض، جسٹس صلاح الدین، جسٹس صادق علی،جسٹس مدثر امیر اور جسٹس قاضی جواد احسان اللہ کو مستقل کرنے کی سفارش کردی۔ جسٹس فرح جمشید، جسٹس انعام اللہ، جسٹس ثابت اللہ اور جسٹس اورنگزیب کو 6 ماہ کی توسیع دے دی۔
.
ذریعہ
ذریعہ: Daily Mumtaz
کلیدی لفظ: جوڈیشل کمیشن
پڑھیں:
آزاد کشمیر الیکشن کے حوالے سے میڈیا کیلیے ضابطہ اخلاق جاری
الیکشن کمیشن آزاد کشمیر نے انتخابات 2026 کے لیے نیا میڈیا ضابطہ اخلاق جاری کر دیا، پالیسی کا مقصد انتخابی عمل میں شفافیت، غیرجانبداری اور ذمہ دارانہ صحافتی روایات کو یقینی بنانا ہے۔
الیکشن کمیشن کے مطابق تمام میڈیا اداروں کو ہدایت کی گئی ہے کہ وہ انتخابی کوریج کے دوران مکمل غیرجانبداری کا مظاہرہ کریں اور ضابطہ اخلاق پر سختی سے عمل درآمد کریں۔
اعلامیے میں کہا گیا ہے کہ پولنگ اسٹیشن کے اندر صرف مجاز میڈیا نمائندوں کو کوریج کی اجازت ہوگی تاہم پولنگ بوتھ کے اندر ووٹنگ کی خفیہ کارروائی کی کسی بھی قسم کی ریکارڈنگ یا فوٹوگرافی سختی سے ممنوع ہوگی۔
الیکشن کمیشن نے پولنگ ختم ہونے سے قبل کسی بھی قسم کے ایگزٹ پول، نتائج یا رجحانات نشر کرنے پر مکمل پابندی عائد کر دی ہے۔ نفرت انگیز، اشتعال انگیز یا فرقہ وارانہ مواد نشر کرنے سے گریز کرنے کی تاکید کی ہے۔
اسی طرح غلط، غیر مصدقہ یا گمراہ کن معلومات نشر کرنا بھی ممنوع قرار دیا گیا۔تمام امیدواروں کو انتخابی کوریج میں مساوی اور منصفانہ نمائندگی دینے کی ہدایت کی گئی ہے۔
الیکشن کمیشن نے واضح کیا ہے کہ ضابطہ اخلاق کی خلاف ورزی پر متعلقہ میڈیا ادارے کی ایکریڈیٹیشن منسوخ کی جا سکتی ہے اور قانونی کارروائی بھی عمل میں لائی جائے گی۔
کمیشن نے تمام میڈیا اداروں سے اپیل کی ہے کہ وہ انتخابی ضابطہ اخلاق پر مکمل عمل درآمد یقینی بنائیں تاکہ انتخابی عمل کے اعتماد اور شفافیت کو برقرار رکھا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار