اسپیکر قومی اسمبلی سردار ایاز صادق سے چین اور یورپی یونین کے سفیروں کی ملاقاتیں، دوطرفہ تعاون پر تبادلہ خیال
اشاعت کی تاریخ: 14th, January 2026 GMT
اسپیکر قومی اسمبلی سردار ایاز صادق سے پارلیمنٹ ہاؤس میں چین کے سفیر جیانگ ژائی ڈونگ اور یورپی یونین کے سفیر رائمنڈاس کاروبلس نے علیحدہ علیحدہ ملاقاتیں کی ہیں، ملاقاتوں میں پاک چین اور پاکستان یورپی یونین تعلقات کے فروغ، دوطرفہ تعاون، اہم علاقائی اور عالمی امور پر تفصیلی تبادلۂ خیال کیا گیا۔
یہ بھی پڑھیں: اسپیکر ایاز صادق اور جے شنکر کی ملاقات، اصل میں کیا ہوا؟
چین کے سفیر جیانگ ژائی ڈونگ سے گفتگو میں اسپیکر قومی اسمبلی سردار ایاز صادق نے کہا کہ چین پاکستان کا قریبی اور قابل اعتماد دوست ہے، جو ہر مشکل گھڑی میں پاکستان کے شانہ بشانہ کھڑا رہا ہے۔
انہوں نے پاک چین اقتصادی اور دفاعی تعاون کو قابل ستائش قرار دیتے ہوئے کہا کہ اسٹریٹجک شراکت داری ہر گزرتے دن کے ساتھ مزید مضبوط ہو رہی ہے۔ انہوں نے صدرِ چین شی جن پنگ کے پارلیمنٹ کے مشترکہ اجلاس سے خطاب کو تاریخی اہمیت کا حامل قرار دیا، جو دونوں ممالک کے درمیان غیر معمولی اعتماد کی عکاسی کرتا ہے۔
یہ بھی پڑھیں: مذاکرات کے دروازے کھلے ہیں، ایاز صادق کا اپوزیشن کو پیغام
چین کے سفیر جیانگ ژائی ڈونگ نے پاکستان کے مثبت رویے اور خیرسگالی پر مبنی جذبات کو سراہتے ہوئے کہا کہ پاک۔چین اسٹریٹجک شراکت داری مسلسل فروغ پا رہی ہے اور مستقبل میں مزید وسعت اختیار کرے گی۔
دوسری جانب یورپی یونین کے سفیر رائمنڈاس کاروبلس نے ملاقات میں پاکستان اور یورپی یونین کے مابین تعلقات کو مزید مستحکم کرنے، مختلف شعبوں میں تعاون اور سرمایہ کاری کے فروغ پر زور دیا۔
یہ بھی پڑھیں: اسپیکر ایاز صادق نے قومی اسمبلی میں اپوزیشن لیڈر کی تعیناتی سے متعلق کیا رولنگ دی؟
اسپیکر ایاز صادق نے پارلیمانی تعلقات کے فروغ اور جمہوری اقدار کی پاسداری پر زور دیتے ہوئے کہا کہ پاکستان اور یورپی یونین کے رکن ممالک کے درمیان پارلیمانی روابط باہمی مفاہمت اور تعاون کے فروغ میں اہم کردار ادا کر سکتے ہیں۔
اسپیکر نے یورپ میں امن و استحکام کے لیے نیک خواہشات کا اظہار کیا اور یوکرین میں قیامِ امن اور روس-یوکرین جنگ کے پرامن حل کی ضرورت پر زور دیا۔ یورپی یونین کے سفیر نے پاکستان کے جی ایس پی پلس اسٹیٹس پر مبارکباد دی اور یورپی ممالک میں مقیم پاکستانی تارکین وطن کے مثبت کردار کو سراہا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسپیکر قومی اسمبلی ایاز صادق جیانگ ژائی ڈونگ چین سفیر یورپی یونین.
ذریعہ
ذریعہ: WE News
کلیدی لفظ: اسپیکر قومی اسمبلی ایاز صادق جیانگ ژائی ڈونگ چین سفیر یورپی یونین یورپی یونین کے سفیر اسپیکر قومی اسمبلی اور یورپی یونین کے جیانگ ژائی ڈونگ ایاز صادق کے فروغ کہا کہ
پڑھیں:
کے پی اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم ہے، الیکشن کمیشن
الیکشن کمیشن نے خیبر پختونخوا اسمبلی کا منظور شدہ بلدیاتی حکومت کا نیا ترمیمی بل آئین و قانون سے متصادم قرار دے دیا۔
اسلام آباد سے الیکشن کمیشن کے خط کے مطابق خیبر پختونخوا اسمبلی کی جانب سے کی جانے والی ترمیم آئین اور قانون سے متصادم ہے۔
الیکشن کمیشن آف پاکستان کے ایڈیشنل ڈائریکٹر جنرل چوہدری ندیم قاسم کی جانب سے چیف سیکریٹری خیبر پختونخوا کو تحریر کیے گئے خط کے مطابق خیبر پختونخوا اسمبلی نے بلدیاتی حکومت کا نیا ترمیمی بل 6 جولائی کو منظور کیا۔
الیکشن کمیشن کے خط کے مطابق گورنر کے پی نے بلدیاتی حکومت کے نئے ترمیمی بل کی توثیق کر دی ہے، ترمیم کے مطابق ضلع میں ویلیج اور نیبر ہڈ کونسل کی آبادی 30 سے 40 ہزار کے درمیان ہوگی، ترمیم کے مطابق الیکشن کمیشن حکومت سے مشاورت سے کوئی تبدیلی کر سکے گا۔
خط کے مطابق الیکشن ایکٹ اور آئین کے مطابق بلدیاتی حکومتوں کے الیکشن کے لیے حلقہ بندی کرنا الیکشن کمیشن کا اختیار ہے، حلقہ بندی کے معاملے پر حکومت سے مشاورت بھی آئین کی روح کے خلاف ہے۔
الیکشن کمیشن کے خط کے مطابق الیکشن کمیشن کے لیے اس ترمیم کے تحت 30 سے 40 ہزار کی آبادی کے لیے حلقہ بندی کرنا قابل عمل نہیں۔
خط کے متن کے مطابق آئین کے تحت کوئی قانون الیکشن کمیشن کے اختیارات نہیں لے سکتا، اتنی تاخیر سے یہ ترمیم کرنا بظاہر بلدیاتی انتخابات میں تاخیر کا حربہ ہے۔
الیکشن کمیشن کے خط کے مطابق خیبر پختونخوا حکومت اس معاملے پر معاونت کرے تاکہ بلدیاتی انتخابات کا انعقاد کیا جا سکے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار