چیری ٹگو 8 پی ایچ ای وی کی پاکستان میں قیمت کا باضابطہ اعلان
اشاعت کی تاریخ: 15th, January 2026 GMT
چیری پاکستان نے کراچی میں منعقدہ حالیہ پاکستان آٹو شو میں نمائش کے بعد اب باضابطہ طور پر اپنی فلیگ شپ ہائبرڈ ایس یو وی ٹگو 8 پی ایچ ای وی کی قیمت کا اعلان کر دیا ہے۔
کمپنی کے مطابق 7 نشستوں پر مشتمل یہ پلگ اِن ہائبرڈ ایس یو وی اب ملک بھر میں دستیاب ہے، جس کی قیمت 1 کروڑ 9 لاکھ 99 ہزار روپے مقرر کی گئی ہے۔
یہ بھی پڑھیں: بڑی خوشخبری، حکومت نے سستی الیکٹرک گاڑیاں فراہم کرنے کا منصوبہ تیار کرلیا
ٹگو 8 پی ایچ ای وی لگژری، بہترین کارکردگی اور جدید ٹیکنالوجی کا امتزاج ہے۔ یہ ایس یو وی ایک طاقتور ہائبرڈ پاور ٹرین سے لیس ہے جو 543 ہارس پاور اور 830 نیوٹن میٹر ٹارک پیدا کرتی ہے۔
گاڑی میں نصب 18.
Chery Tiggo 8 PHEV – Official Price in Pakistan
Price: PKR 10,999,000 | Booking Amount: PKR 5,000,000
Booking Starts: 15th January 2026
Offer Ends: 31st January 2026
Deliveries Start: 26th April 2026
Limited stock available. Share your thoughts on the Tiggo 8 PHEV pic.twitter.com/yFGARogjG9
— PakWheels.com (@PakWheels) January 14, 2026
فاسٹ چارجنگ کی سہولت بھی موجود ہے، جس کے تحت 40 کلو واٹ ڈی سی چارجر سے بیٹری کو صرف 20 منٹ میں 30 فیصد سے 80 فیصد تک چارج کیا جا سکتا ہے۔
گاڑی کا اندرونی حصہ جدید اور پریمیم سہولیات سے بھرپور ہے، اس میں 15.6 انچ کی 2.5K انفوٹینمنٹ اسکرین، پینورامک سن روف، 19 انچ کے الائے ویلز اور سونی کا 12 اسپیکر ساؤنڈ سسٹم شامل ہے۔
مزید پڑھیں: نکسن آٹو نے جائیکو جے5 کی قیمتوں اور خصوصیات کا اعلان کر دیا
مزید سہولت کے لیے وینٹی لیٹڈ الیکٹرک سیٹس، ایمبینٹ لائٹنگ اور ڈوئل زون کلائمٹ کنٹرول بھی فراہم کیا گیا ہے، جو تمام مسافروں کے لیے کیبن کو آرام دہ بناتا ہے۔
حفاظتی پہلوؤں پر بھی خاص توجہ دی گئی ہے۔ ٹگو 8 پی ایچ ای وی میں 10 ایئر بیگز، جدید اے ڈی اے ایس ڈرائیور اسسٹنس سسٹمز اور 360 ڈگری کیمرا شامل ہے، جو ڈرائیور اور مسافروں دونوں کے تحفظ کو یقینی بناتے ہیں۔
ٹگو 8 پی ایچ ای وی کی بکنگ 15 جنوری سے شروع ہو کر 31 جنوری تک جاری رہے گی، جس کے لیے 50 لاکھ روپے کی ڈاؤن پیمنٹ مقرر کی گئی ہے۔
مزید پڑھیں: چینی برقی گاڑی پاکستان میں متعارف، قیمتیں جاری
گاڑی کی ڈیلیوری 26 اپریل 2026 سے شروع کی جائے گی۔
چیری پاکستان نے یہ بھی عندیہ دیا ہے کہ ٹگو 7 اور ٹگو 9 سیریز کی قیمتوں کا اعلان آئندہ چند مہینوں میں متوقع ہے، جس کے بعد پاکستان میں ہائبرڈ ایس یو ویز کی لائن اپ مزید مکمل ہو جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرک ایس یو وی پاکستان پاکستان آٹو شو پی ایچ ای وی ٹگو چیری ڈرائیونگ رینج کراچی کلائمٹ کنٹرول ہائبرڈ
ذریعہ
ذریعہ: WE News
کلیدی لفظ: الیکٹرک ایس یو وی پاکستان پاکستان آٹو شو پی ایچ ای وی چیری ڈرائیونگ رینج کراچی کلائمٹ کنٹرول ہائبرڈ ایس یو کے لیے
پڑھیں:
حکومت نے نیشنل امیگریشن اینڈ ویلفیئر پالیسی 2026 کا اجرا کر دیا
وفاقی وزیر اوورسیز پاکستانیز چوہدری سالک حسین نے نیشنل امیگریشن اینڈ ویلفیئر پالیسی 2026 کا اجرا کر دیا۔تقریب سے خطاب کرتے ہوئے انہوں نے کہا کہ آج کا دن پاکستان میں لیبر مائیگریشن کے نظم و نسق کو مضبوط بنانے کی جانب ایک اہم سنگ میل ہے۔ یہ پالیسی ہر اس پاکستانی سے کیے گئے قومی عزم کی عکاس ہے جو بہتر مواقع کی تلاش میں اپنا گھر چھوڑتا ہے۔انہوں نے کہا کہ محفوظ اور منظم نقل مکانی، مہارتوں کی ترقی، کارکنوں کا تحفظ، تارکینِ وطن کی شمولیت اور وطن واپس آنے والوں کی بحالی اس پالیسی کے بنیادی ستون ہیں۔ تکنیکی جدت، آبادیاتی تبدیلیاں اور لیبر مارکیٹ کے بدلتے ہوئے تقاضے دنیا بھر کی معیشتوں کو نئی شکل دے رہے ہیں. اس لیے پاکستان کو اپنی افرادی قوت کو آج اور مستقبل دونوں کے مواقع کے لیے تیار کرنا ہوگا۔ ان کا کہنا تھا کہ نیشنل امیگریشن اینڈ ویلفیئر پالیسی 2026 اس سمت میں ایک اہم قدم اور پاکستان کی افرادی قوت کو مستقبل کے تقاضوں سے ہم آہنگ کرنے میں سنگ میل ثابت ہوگی۔چوہدری سالک حسین نے کہا کہ ایک کروڑ 20 لاکھ پاکستانی دنیا بھر میں مقیم ہیں اور اپنی پیشہ ورانہ مہارت، دیانت داری اور محنت کی بدولت پاکستان کے سفیر بن چکے ہیں۔ گزشتہ مالی سال میں سمندر پار پاکستانیوں نے 41 ارب امریکی ڈالر سے زائد کی ترسیلاتِ زر وطن بھیجیں، جو ملکی تاریخ کی بلند ترین رقم ہے۔ انہوں نے کہا کہ بیرون ملک مقیم پاکستانیوں کی کامیابی پاکستان کی کامیابی ہے اور ان کی فلاح و بہبود ہماری قومی ذمہ داری ہے۔انہوں نے کہا کہ یہ پالیسی اداروں، تجربات اور شراکت داریوں کو ایک مشترکہ وژن کے تحت یکجا کرتی ہے تاکہ ہر پاکستانی کارکن نقل مکانی کے پورے سفر کے دوران بہتر طور پر تیار، محفوظ اور معاونت یافتہ ہو۔ اس پالیسی کا محور ہر اس پاکستانی کا سفر ہے جو مواقع کی تلاش میں اپنا گھر چھوڑتا ہے، جبکہ ذمہ داری روانگی سے پہلے ہی شروع ہو جاتی ہے، جہاں نوجوان کارکنوں کو متعلقہ مہارتیں، قابلِ اعتماد معلومات اور اخلاقی بھرتی تک رسائی فراہم کی جائے گی۔وفاقی وزیر نے کہا کہ اس پالیسی کی کامیابی وفاقی اور صوبائی حکومتوں، نفاذ کرنے والے اداروں، آجروں، تربیتی اداروں، ترقیاتی شراکت داروں، نجی شعبے اور سمندر پار پاکستانیوں کے باہمی تعاون سے مشروط ہے۔ انہوں نے صوبائی حکومتوں، آئی سی ایم پی ڈی (ICMPD)، دیگر ترقیاتی شراکت داروں اور تمام اسٹیک ہولڈرز کا مشاورتی عمل میں تعاون پر شکریہ ادا کیا، جبکہ اسپیشل انویسٹمنٹ فیسیلیٹیشن کونسل (SIFC) کی مسلسل معاونت کو بھی سراہا۔انہوں نے کہا کہ ہجرت یا نقل مکانی غیر یقینی کا سفر نہیں بلکہ مواقع، وقار اور قومی ترقی کا راستہ ہونا چاہیے۔ آئیں مل کر ایسا مستقبل بنائیں جہاں ہر پاکستانی اعتماد کے ساتھ بیرون ملک جائے، فخر کے ساتھ وطن واپس آئے اور ہمیشہ ایک ایسی قوم سے جڑا رہے جو اس کی خدمات کی قدر اور عزت کرتی ہو۔ انہوں نے دعا کی کہ اللہ تعالیٰ اس وژن کو عوام کے لیے بامعنی ترقی، پاکستان کے لیے دیرپا خوشحالی اور ہر سمندر پار پاکستانی اور اس کے خاندان کے روشن مستقبل کا ذریعہ بنائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار