معروف نیوز کاسٹر عشرت فاطمہ نے ریڈیو پاکستان چھوڑنے کی اصل وجہ بتادی
اشاعت کی تاریخ: 15th, January 2026 GMT
پاکستان کی نامور نیوز کاسٹر عشرت فاطمہ نے گزشتہ روز ریڈیو پاکستان کو خیرباد کہہ دیا۔ انہوں نے اس فیصلے کی وجہ سوشل میڈیا پر جاری ویڈیو بیان میں عوام کے سامنے رکھی۔
انہوں نے بتایا کہ انہیں ادارے میں مناسب جگہ نہ دینے اور بعض منفی رویوں کی وجہ سے شدید تکلیف ہوئی۔ عشرت فاطمہ نے کہا جب آپ میرٹ پر ہوں اور آپ کو دیوار سے لگا دیا جائے اور فیصلہ کرنے پر مجبور کیا جائے کہ اب آپ کی جگہ نہیں ہے تو یہ دکھ اور تکلیف کا باعث بنتا ہے۔
Mene Radio Pakistan kiun chora pic.
— Ishrat Fatima (@OfficialIshrat) January 14, 2026
عشرت فاطمہ نے کہا کہ میں نے بہت عرصہ انتظار کیا کہ شاید حالات بہتر ہو جائیں اور مجھے کام کرنے کے لیے جگہ مل جائے لیکن ایسا نہیں ہوا۔ مجھے بار بار احساس دلایا گیا کہ آپ ہماری ضرورت نہیں ہیں پھر میں نے بھاری دل کے ساتھ ریڈیو پاکستان چھوڑنے کا فیصلہ کیا اور مجھے احساس ہوا کہ میں نے درست فیصلہ کیا تھا۔
ان کا کہنا تھا کہ یہ ادارہ احساس نہیں رکھتا، اس میں پیار محبت نہیں ہے، یہ بے حس ہے۔ اگر یہ محسوس کرسکتا تو مجھے روک لیتا کہ مت جاؤ اور میں ضرور رک جاتی لیکن یہ ادارہ صرف درودیوار کا نام ہے۔ میں آج بہت تکلیف اور دکھ میں ہوں۔ میں نے ادارے کو عزت دی لیکن آج میں کہاں کھڑی ہوں، میں کہیں بھی نہیں ہوں۔
یہ بھی پڑھیں: معروف نیوز کاسٹر عشرت فاطمہ نے پی ٹی وی کے بعد ریڈیو پاکستان کو الوداع کہہ دیا، سوشل میڈیا پر خصوصی پیغام
عشرت فاطمہ کا کہنا تھا کہ معلوم نہیں یہ ہمارے معاشرے کا دستور ہے یا ساری دنیا میں اسی طرح ہوتا ہے کہ جب آپ کسی کا کام سے مقابلہ نہیں کر سکتے تو منفی طریقے استعمال کرنا شروع کر دیتے ہیں اور کہتے ہیں اس کی زندگی ہی چھین لو، اس کے لیے وہ سپیس ہی ختم کر دو جہاں پر وہ بیٹھ کر کام کر رہا ہے۔
انہوں نے واضح کیا کہ خبریں پڑھنا ان کا عشق اور جنون رہا ہے اور اب بھی ہے۔ انہوں نے کہا کہ ادارے ہی افراد کو پہچان اور مقام دیتے ہیں اور میں اللہ اور والدین کی دعاؤں کی بدولت آج بھی عوام کی محبت اور عزت حاصل کر رہی ہوں۔ عشرت فاطمہ نے مزید کہا کہ پیسہ ان کے لیے کبھی ترجیح نہیں رہا، بلکہ بہترین طریقے سے کام کرنا ان کے لیے اہمیت رکھتا ہے۔
آخر میں عشرت فاطمہ نے اپنے چاہنے والوں سے کہا کہ دعا کریں کہ ان کی کام سے محبت ان کے لیے درد نہ بنے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عشرت فاطمہ عشرت فاطمہ ریڈیو عشرت فاطمہ کا کیرئیر عشرت فاطمہ ویڈیو پیغام عیڈیو پاکستان
ذریعہ
ذریعہ: WE News
کلیدی لفظ: عشرت فاطمہ عشرت فاطمہ ریڈیو عشرت فاطمہ کا کیرئیر عشرت فاطمہ ویڈیو پیغام عیڈیو پاکستان ریڈیو پاکستان عشرت فاطمہ نے انہوں نے نیوز کا کہا کہ کے لیے
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے