بنگلادیش کرکٹ بورڈ کے ڈائریکٹر کے بیان پر کھلاڑیوں نے بائیکاٹ کی دھمکی دے دی
اشاعت کی تاریخ: 15th, January 2026 GMT
data-id="863a0a8" data-element_type="widget" data-widget_type="theme-post-content.default">
بنگلادیش کرکٹ بورڈ کے ڈائریکٹر نظم السلام کے متنازعہ بیان کے بعد بنگلادیشی کرکٹرز نے تمام فارمیٹ کی کرکٹ بائیکاٹ کرنے کی دھمکی دے دی ہے اور نظم السلام کے فوری استعفے کا مطالبہ کیا ہے۔
کرکٹ ویب سائٹس کے مطابق بائیکاٹ کی دھمکی کے بعد بنگلا دیش پریمیئر لیگ (بی پی ایل) کے میچز بھی متاثر ہونے کا خدشہ ہے۔
صدر بنگلادیش کرکٹرز ویلفیئر ایسوسی ایشن محمد متھون نے کہا کہ نظم السلام کو بی پی ایل میچز سے قبل استعفیٰ دے دینا چاہیے، بصورت دیگر کھلاڑی میدان میں نہیں اتریں گے۔ ان کے مطابق نظم السلام کے ریمارکس کھلاڑیوں کے وقار، پروفیشنل ازم اور عزت کے خلاف ہیں۔
اس معاملے پر بنگلادیش کرکٹ بورڈ نے بھی اپنے بیان میں کہا کہ بورڈ اس طرح کے توہین آمیز یا دل آزاری والے بیان کی ذمے داری کسی ایک ڈائریکٹر پر نہیں لیتا۔ بورڈ نے اعلان کیا کہ کرکٹرز کی توہین کرنے والے افراد کے خلاف ڈسپلنری کارروائی کی جائے گی۔
واضح رہے کہ نظم السلام نے پہلے یہ بھی کہا تھا کہ اگر کھلاڑی ورلڈ کپ سے بائیکاٹ کرتے ہیں تو انہیں مالی ازالہ نہیں دیا جائے گا، جس سے کھلاڑیوں میں سخت ردعمل پیدا ہوا ہے۔
.
ذریعہ
ذریعہ: Jasarat News
کلیدی لفظ: بنگلادیش کرکٹ نظم السلام
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار