باغبانپورہ 19 روز سے اغواءڈیڑھ سالہ بچے کی مسخ شدہ لاش نالے سے برآمد
اشاعت کی تاریخ: 15th, January 2026 GMT
لاہور (نامہ نگار) باغبانپورہ میں 19 روز سے اغواءڈیڑھ سالہ بچے کی گندے نالے سے مسخ شدہ لاش مل گئی۔ بچے کی لاشں دیکھ کر مقامی رہائشیوں نے پولیس کو اطلاع کی۔ جس پر پولیس نے موقع پر پہنچ کر ریسکیو ٹیم کی مدد سے بچے کی لاش نالے سے باہر نکالی۔ پولیس نے لاش قبضے میں لے کر پوسٹ مارٹم کے لئے مردہ خانے منتقل کر کے تفتیش شروع کردی ہے۔ بچے کی شناخت ڈیڑھ سالہ امیر حسین کے نام سے ہوئی ہے، جو19 روز قبل لاپتہ ہو گیا تھا اور بچے کے ورثاءنے اس کے اغواءکا مقدمہ تھانہ باغبانپورہ میں درج کروایا تھا۔ بچہ گندے نالے میں گر کر جاں بحق ہوا یا پھر اسے قتل کرکے گندے نالے میں پھینکا گیا، سمیت مختلف پہلوو ں پر تفتیش شروع کر دی گئی ہے۔ ہلاکت کی اصل وجوہات پوسٹ مارٹم رپورٹ کے بعد سامنے آجائیں گی۔ علاوہ ازیں بچے کی ہلاکت پر گھر میں کہرام مچ گیا اور ماں کو غشی کے دورے پڑتے رہے۔
.
ذریعہ
ذریعہ: Nawaiwaqt
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
وزارت آئی ٹی نے 1.67 ارب روپے سے زاید کے فنڈز طلب کرلیے