گاڑی سے 30 کاٹن ادویات برآمد ہونے پر ڈی ایچ او گرفتار
اشاعت کی تاریخ: 15th, January 2026 GMT
کوئٹہ نیو سریاب پولیس نے گاڑی سے 30 کاٹن ادویات برآمد ہونے پر ڈی ایچ او واشک کو گرفتار کر لیا ہے۔
پولیس کے مطابق پولیس کو اطلاع ملی تھی کہ دوسرے ڈسٹرکٹ سے سرکاری ادویات فروخت کیلئے کوئٹہ لائی جا رہی ہے جس پر ایس ڈی پی او شالکوٹ اطہر رشید، ایس ایچ او نیو سریاب فتح شیر نے دیگر عملے کے ہمراہ مستونگ روڈ میاں غنڈی پولیس چیک پوسٹ پر منگل اور بدھ کی درمیانی شب دو بجے گاڑیوں کی چیکنگ شروع کی۔
اسی دوران ایک گاڑی کو روکا جس میں سوار شخص نے اپنا تعارف ڈاکٹر محمد اکبر ڈی ایچ او واشک کروایا۔
گاڑی کی چیکنگ پر 30 کاٹن برآمد ہوئے جن میں مختلف قسم کی ادویات تھیں۔ پولیس نے ڈاکٹر کو گرفتار کر کے ادویات اور گاڑی قبضے میں لے کر ایس ایچ او کی مدعیت میں مقدمہ درج کر لیا ہے۔
پولیس نے بتایا کہ پکڑی جانے والی ادویات کی مالیت ایک کروڑ سے زائد بتائی جارہی ہے جو کوئٹہ میں فروخت کرنے کیلئے لائی گئی ہے۔ اس حوالے سے محکمہ صحت کے اعلیٰ حکام کو بھی آگاہ کر دیا گیا ہے ۔
.
ذریعہ
ذریعہ: Express News
کلیدی لفظ: ایچ او
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار