سیف ویمنز فٹسال چیمپیئن شپ 2026، بنگلہ دیش نے بھارت کو آؤٹ کلاس کردیا
اشاعت کی تاریخ: 15th, January 2026 GMT
بنگلہ دیش ویمنز نیشنل فٹسال ٹیم نے تھائی لینڈ میں جاری سیف ویمنز فٹسال چیمپیئن شپ 2026 میں شاندار آغاز کرتے ہوئے اپنے پہلے گروپ میچ میں بھارت کو 1–3 سے آؤٹ کلاس کر دیا۔
یہ بھی پڑھیں: اے ایف سی فٹسال ایشین کپ 2026 کوالیفائرز میں پاکستان کی پہلی مرتبہ شرکت، مشکل گروپ میں شامل
بنگلہ دیش کی ٹیم نے میچ میں منظم، پراعتماد اور حکمت عملی سے بھرپور کھیل پیش کیا۔ یہ کامیابی ایک روز قبل مردوں کے فٹسال مقابلے میں دونوں ٹیموں کے درمیان 4–4 کے سنسنی خیز ڈرا کے بعد سامنے آئی، جس سے دونوں ہمسایہ ممالک کے درمیان فٹسال کی بڑھتی ہوئی رقابت نمایاں ہو گئی۔
میچ کے آغاز ہی سے بنگلہ دیش نے برتری قائم کر لی۔ 7ویں منٹ میں کپتان سبینہ خاتون نے کرشنا رانی سرکار کے شاندار پاس پر گول کر کے ٹیم کو برتری دلائی۔ یہ گول تاریخی حیثیت کا حامل تھا کیونکہ سبینہ خاتون بین الاقوامی مقابلوں میں بنگلہ دیش ویمنز فٹسال ٹیم کی پہلی گول اسکورر بن گئیں۔
13ویں منٹ میں ایک بار پھر سبینا خاتون نے اسکور دوگنا کر دیا۔ کرشنا رانی سرکار کی بائیں جانب سے کی گئی شاندار کراس پر سبینہ خاتون نے بھارتی ڈیفنڈر اور گول کیپر کو چکما دیتے ہوئے گیند جال میں پہنچا دی۔
یہ بھی پڑھیں: اے ایف سی ویمنز ایشین کپ کوالیفائرز: پاکستان کی شاندار واپسی، انڈونیشیا کو 0-2 سے شکست
ڈائمنڈ شیپ اٹیکنگ حکمت عملی کے ساتھ بنگلہ دیش نے پورے میچ میں بھارت پر دباؤ برقرار رکھا۔ ہائی پریسنگ، تیز بال ریکوری اور مڈفیلڈ میں فوری ٹرانزیشن بنگلہ دیش کی نمایاں خوبیاں رہیں، جبکہ سینئر کھلاڑیوں کے تجربے نے اہم لمحات میں ٹیم کو پرسکون رکھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بنگلہ دیش بھارت سیف ویمنز فٹسال چیمپیئن شپ فٹسال.
ذریعہ
ذریعہ: WE News
کلیدی لفظ: بنگلہ دیش بھارت فٹسال ویمنز فٹسال بنگلہ دیش
پڑھیں:
واپڈا صارفین کے لیے خوشخبری، جون میں 20 پیسے فی یونٹ ریلیف برقرار
اسلام آباد،بجلی صارفین(awais laghari) کے لیے اچھی خبر سامنے آئی ہے کیونکہ جون 2026 کے دوران صارفین کو فی یونٹ 20 پیسے کا خالص ریلیف ملے گا جبکہ بجلی کی مجموعی قیمتوں میں کوئی اضافہ نہیں ہوگا۔
حکومتی ذرائع کے مطابق اس ریلیف کے نتیجے میں جون 2026 کے بجلی نرخ جنوری سے مئی 2026 کے مقابلے میں برقرار رہیں گے اور صارفین پر کوئی اضافی مالی بوجھ نہیں پڑے گا۔
پس منظر میں اپریل 2026 کے دوران عالمی توانائی منڈی کو شدید دباؤ کا سامنا رہا۔ ایران اور امریکا کے درمیان کشیدگی کے باعث آر ایل این جی کی قلت پیدا ہوئی جبکہ برینٹ خام تیل کی قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
ماہرین کے مطابق اگر بروقت اقدامات نہ کیے جاتے تو صارفین پر 5 سے 6 روپے فی یونٹ تک اضافی بوجھ پڑ سکتا تھا۔حکومت نے صورتحال سے نمٹنے کے لیے محدود لوڈ مینجمنٹ، مارکیٹوں کی جلد بندش، مقامی گیس کی اضافی فراہمی اور فرنس آئل کے محدود استعمال سمیت متعدد اقدامات کیے۔
، جس کے نتیجے میں فیول ایڈجسٹمنٹ کا اثر صرف 1.73 روپے فی یونٹ تک محدود رہا۔ حکام کا کہنا ہے کہ ان اقدامات سے تقریباً 38 ارب روپے کا ممکنہ اضافی بوجھ صارفین پر منتقل ہونے سے بچ گیا۔
دوسری جانب بہتر انتظامی اصلاحات، لائن لاسز میں کمی، بجلی کی طلب میں اضافے اور مختلف ٹیرف پیکیجز کے مثبت اثرات کے باعث سہ ماہی ایڈجسٹمنٹ میں 1.93 روپے فی یونٹ کمی ہوئی۔
مزید پڑھیں:وفاقی کابینہ، ادویات ٹریک اینڈ ٹریس سسٹم نفاذ کی باقاعدہ منظوری دے دی
جس سے صارفین کو مجموعی طور پر 65 ارب روپے کا فائدہ پہنچا۔حکومت کا مؤقف ہے کہ توانائی کے شعبے میں بروقت فیصلوں اور مؤثر انتظامی حکمت عملی کے باعث عالمی اور علاقائی چیلنجز کے باوجود بجلی صارفین کو بڑے مالی بوجھ سے محفوظ رکھا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ