پنجاب میں پتنگ بازی پر پابندی برقرار، خلاف ورزی پر سخت سزاؤں کا اعلان
اشاعت کی تاریخ: 15th, January 2026 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزیر داخلہ پنجاب نے واضح کیا ہے کہ صوبے میں پتنگ بازی پر پابندی برقرار رہے گی، جس کے باعث بسنت منانے کے خواہشمند افراد کی تیاریاں بے نتیجہ رہ گئیں۔
صوبائی محکمہ داخلہ نے پتنگ بازی پر پابندی کے فیصلے پر سختی سے عمل درآمد کی ہدایت جاری کرتے ہوئے کہا ہے کہ خلاف ورزی کرنے والوں کے خلاف بلا امتیاز کارروائی کی جائے گی، پنجاب میں بسنت صرف 6 سے 8 فروری تک محدود اور مخصوص شرائط کے تحت منائی جا سکے گی، اس کے علاوہ کسی بھی دن پتنگ بازی غیر قانونی ہو گی۔
حکام کا کہنا ہے کہ مقررہ تاریخوں سے پہلے یا بعد میں پتنگ اڑانا قانوناً جرم تصور کیا جائے گا۔ اس کے ساتھ ساتھ پتنگ سازی اور فروخت پر بھی مکمل پابندی برقرار رہے گی۔
محکمہ داخلہ کے مطابق پابندی کی خلاف ورزی پر 5 سال تک قید اور 20 لاکھ روپے تک جرمانہ ہو سکتا ہے جبکہ پتنگ یا ڈور بنانے یا فروخت کرنے پر 7 سال قید اور 50 لاکھ روپے تک جرمانے کی سزا دی جا سکتی ہے۔
واضح رہے کہ حالیہ دنوں میں قاتل ڈور کے باعث متعدد افراد زخمی ہو چکے ہیں، جس کے پیش نظر یہ سخت اقدامات کیے گئے ہیں۔ پابندی کا مقصد شہریوں کو جان لیوا حادثات، گلے پر ڈور پھرنے اور چھتوں سے گرنے جیسے واقعات سے محفوظ رکھنا ہے۔
ذریعہ
ذریعہ: Jasarat News
کلیدی لفظ: پتنگ بازی
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار